[image: 1696476027773-%E7%B5%82%E6%AD%A2%E7%A7%9F%E7%B4%84.jpg] 房屋署本月要求未住滿10年公屋住戶每2年申報居住狀况，以及是否在港持有住宅物業。房屋署長羅淑佩今早於電台節目中表示，將分批要求已住滿兩年的公屋住戶申報，並已於10月3日向首批8.8萬戶派發申報表，他們需於11月底前交回屋邨辦事處，如果拒絕或忽略申報，最嚴重可被終止公屋租約。她提醒公屋住戶要如實申報，若作虛假聲明，「告多你一啲罪都未定」。 羅淑佩今日在電台節目表示，已於本月3日向首階段約8.8萬戶公屋戶派發新申報表，主要是申報在香港是否推有住宅物業。該批公屋戶入住公屋年期為2至8年，並未曾申報，經信箱收到表格及填表後，需在11月底或以前交回屋邨辦事處。另外，她表示長者戶，即所有家庭成員超過60歲則無須申報，不過將來需要申報是否仍居於公屋，但無須申報資產，因顧及長者資產需作養老用途。 [image: 1696475213998-zt7wplt9hdnagcarqhkq-r4naqkrlk1hxwwf7ccfn-0-1.jpeg] 被問及若有人離港公幹，無法填報如何處理，羅淑佩表示需要提交證明文件說明原因，但稱同住家人也可代為處理，如有家庭成員無法簽署，亦會視乎情況酌情處理，「但係如果你話我冇理由我兩個月都唔返嚟開一開個信箱，咁我其實好有理由去諗你其實係咪喺我個公屋單位裏面居住嘅。」 她表示如直接拒絕或忽略申報，最嚴重可以終止其租約，而如不懂填表，她稱會提供說明單張，而屋邨辦事處亦有職員樂意解答問題。另外，她承認審查資料人手不足，需要在房署調撥資源及分階段進行。 羅淑佩表示，首批要申報的住戶已居於公屋2至8年，包括水泉澳邨7000戶、安泰邨及安達邨的6000多戶；全長者戶暫不用申報。她稱，居住於同一大廈不代表會同一時間收到申報表，而申報表會直接派發至住戶信箱，如果未有收到則代表暫時未需申報。她又提到，房署有單張教導住戶如何填寫申報表，屋邨內會有「申報大使」提供協助，住戶亦可向屋邨辦事處職員求助，房署將調撥資源，以處理每一份申報表。 申報事項包括是否居住於公屋及是否擁有物業等，但不包括是否擁有海外物業，羅淑佩稱，有關問題較複雜，署方仍在研究有何方法小心處理。她又說，希望今次以「半申報、半教育」形式提醒公屋居民有責任作申報，如果早前購入物業但未有申報人士，亦應趁今次機會作申報。 https://www.u8hk.com/topic/1757/所謂-公屋富戶-政策收緊-啱啱收到份申報表睇完得淡笑

[image: 1696472661104-screenshot_2023-10-05_at_10_03_57_am.jpg] 截至2023年6月底，在過去12個月獲安置入住公屋的一般申請者的平均輪候時間為5.3年，當中長者一人申請者的平均輪候時間為3.9年。平均輪候時間為約三年的目標，並不適用於配額及計分制下的非長者一人申請者。 網媒「CHANNELCHK」近日專訪單人公屋申請者蘇小姐，排公屋近15年透過特快公屋編配計劃獲得揀樓機會，即使屬於不受歡迎單位，但因生活壓力最終揀選的是凶宅先上樓。 [image: 1696471837797-%E5%85%AC%E5%B1%8B%E6%B8%AF%E5%A5%B3%E8%B2%A0%E5%82%B5-50%E8%90%AC%E8%8B%A6%E7%AD%8915%E5%B9%B4%E5%87%B6%E5%AE%85%E4%B8%8A%E6%A8%9310.jpeg] [image: 1696471825198-%E5%85%AC%E5%B1%8B%E6%B8%AF%E5%A5%B3%E8%B2%A0%E5%82%B5-50%E8%90%AC%E8%8B%A6%E7%AD%8915%E5%B9%B4%E5%87%B6%E5%AE%85%E4%B8%8A%E6%A8%933.jpeg] [image: 1696471812625-%E5%85%AC%E5%B1%8B%E6%B8%AF%E5%A5%B3%E8%B2%A0%E5%82%B5-50%E8%90%AC%E8%8B%A6%E7%AD%8915%E5%B9%B4%E5%87%B6%E5%AE%85%E4%B8%8A%E6%A8%932.jpeg] [image: 1696471846525-%E5%85%AC%E5%B1%8B%E6%B8%AF%E5%A5%B3%E8%B2%A0%E5%82%B5-50%E8%90%AC%E8%8B%A6%E7%AD%8915%E5%B9%B4%E5%87%B6%E5%AE%85%E4%B8%8A%E6%A8%934.jpeg] 睇片： https://www.youtube.com/watch?v=ppAfmfvgJlg 網友點睇？ 香港人真係好慘😢 俾大陸人插隊上公屋係歧視香港人😊 －個人申請都係人，點解單人就要排到最後，點解唔可以公平啲先後次序去排，單身人士要等到4-5拾歲先夠分上樓😭香港人真係慘😭 個政策就係鼓勵人唔好做，攞綜援，住公屋😓 我05年開始一個人搬出嚟住，當時月入得$15000。但樓都唔貴，我租西貢村屋400幾尺都係$3500。到今日搬左好多次，我都無話好有錢，但都無負債啦唔該！ 兩公婆$19000一個月都無，係廢定呃入息呀？cls 呢位女士話住公屋要設年期，增加公屋流轉，咁佢而家上到樓，係咪會住到某一年期，自己自動搬走以增加公屋流轉？希望佢以身作則😂😂 我有朋友上咗樓後，突然多咗人話想同佢結婚🤣而家香港男人絕望到要溝有公屋嘅女人結婚先有希望，真係太可悲😣 吓，究竟呢條女知唔知問題喺邊？人哋俾過你揀，你1次拒絕，1次突然唔合資格，你知你排單人公屋傢喔，取消好正常啫重新嚟過再排都好合理啊邊有得將全部年份加埋就話自己慘傢？ 人地俾過你揀, 你自己唔要, 仲好意思嗌慘? 公屋富戶都係一個從來都冇認真解決過嘅大問題😮‍💨 21歲到而家15年後 仍然可以將人工逆抗通漲 抵你拎公屋啦😂真係要讚你一直以來為公屋既堅持 真香港人等公屋要好耐真係一個問題，但係呢條友講啲嘢令人覺得佢本身更加有問題。派屋俾你唔要話要顧住個朋友有邊個信？因為冇公屋而欠債幾十萬？公屋都唔係福利只係幫助令人有上流階梯，咁有上進心又點解兩公婆唔去搵多啲錢死要等公屋呢？要切限期令人搬走重投私人市場更加仆街啦，咁而家你攞到我咪切一個限期俾自己囉。 呢個世界就係咁唔公平，有啲新移民落到香港即刻申請到公屋，有啲公屋富戶出面已經買咗樓，都貪心到要霸住間公屋愛嚟日日打麻將抽水！😢 自己放棄咗第一次機會😅都覺得委屈？點解做咗15年嘢有錢負債都冇錢去供樓？到底係住咩豪宅可以負債？仲可以大條道理覺得政府欠左你😂有兇宅都偷笑啦！其實咁委屈你就唔好排公屋啦,自己努力搵錢諗辦法- 買....後生就開始諗住點樣排公屋咁你又點會努力向上😂真心唔好訪問呢啲人。。價值觀錯晒 拿！05年係有機會畀你。你放棄就證明你唔急用！咁等多10年先再派好正常！怪就怪自己On9 。攞到公屋，叫埋個Fd嚟住都得！今次主要責任係事主身上！唔抵撐！ 幾不知所謂，成40歲人兩夫妻搵唔到2皮為左等公屋。跟手話因為租屋揹50萬數，信你果個都on9。慌唔係又想等公屋做嬴家，又唔想降低生活質素，年年去旅行，手機用iPhone果隻。 呢個case絕對唔係好sample, 下次可唔可以揀下人做訪問, 首先佢自己放棄第一次揀樓, 其次點樣租屋可以租到負債? 佢租比華利山呀? 根本呢條女都好有問題啦, - 兩公婆其實一人一份工真係好難窮到佢口中咁. 而家俾兇宅你, 又委屈又盛咁, 我18歲排到而家都差唔多4張野都冇屋啦, 係咪又要喊? 又唔見我租屋負債50萬? 我都係月光族, 7成人工去左租金

[image: 1696468097579-2000%E6%B5%B7%E6%99%AF%E5%85%AC%E5%B1%8B%E6%B8%AF%E5%AA%BD%E9%95%B7%E4%BD%8F%E6%B7%B1%E5%9C%B3%E6%93%81-400%E8%90%AC.jpeg] 近日網紅港媽深圳有樓香港有公屋兩個家，讓羨慕又讓人眼紅。如果未知發生咩事，先幫大家回顧一下： 大曬東涌公屋月租$2000海景單位 內地瘋傳：新移民分享香港公屋月租$2200海景單位 育有一子一女，去年剛和港男離婚 $2000海景公屋港媽：內地網紅與港男結婚已離婚 [image: 1696466942798-1040g00830oi789us26005ou7sg49i1u3138gt8g.png] 深圳房價400萬 香港寶媽在深圳的60平房子 https://www.youtube.com/watch?v=6Kbr3e5ASgs 港媽2018年買入深圳房子 [image: 1696468576418-img_8886_copy.jpg] 10月的收緊的富戶政策只需申報香港住宅物業谷友表示 所謂「公屋富戶」政策收緊...啱啱收到份申報表睇完得淡笑！ 坐飛機出差 [image: 1696473938252-%E5%9D%90%E9%A3%9B%E6%A9%9F%E5%87%BA%E5%B7%AE.jpeg] https://i.imgur.com/wk6SH7i.mp4 香港生活 [image: 1696474510535-%E5%85%AC%E5%B1%8B%E6%B8%AF%E5%AA%BD%E9%95%B7%E4%BD%8F%E6%B7%B1%E5%9C%B3%E6%93%81-400%E8%90%AC%E6%A8%932.jpeg] https://i.imgur.com/BvrO1LU.mp4 [image: 1696474510298-%E5%85%AC%E5%B1%8B%E6%B8%AF%E5%AA%BD%E9%95%B7%E4%BD%8F%E6%B7%B1%E5%9C%B3%E6%93%81-400%E8%90%AC%E6%A8%931.jpeg] https://i.imgur.com/4TvJtqJ.mp4 相關： 全話都係謊言！一切都是劇本？深圳擁$400萬公屋女親身回應 [image: 1697628116931-%E6%B7%B1%E5%9C%B3%E6%93%81-400%E8%90%AC%E5%85%AC%E5%B1%8B%E5%A5%B3.jpeg] https://www.u8hk.com/topic/1834/

[image: 1696440603425-new_project-1.jpg] 近日本站熱爆話題「內地瘋傳：新移民分享香港公屋月租$2200海景單位」講有內地網紅在香港街邊隨機採訪途徑的市民，成功訪問到一位港媽並參觀了她以月租2千多租住的600呎公屋。影片中新移民媽媽一身瑜伽衫褲火辣出場，非常搶眼，在抖音上獲得4.4萬點讚。話題也在公屋討論區獲得熱議，不過網民的焦點都集中在公屋分配制度的不公，認為一家四口，兩大兩小可以住這麼大的一間海景公屋，而且「靚過私樓」。記者繼續跟進發現，港媽於內地公司合作拍攝了另一條拍廣告片，另有網友透露港媽早與港男離婚並專注於工作。 [image: 1696434341013-%E9%A6%99%E6%B8%AF%E5%85%AC%E5%B1%8B%E6%9C%88%E7%A7%9F-2200%E6%B5%B7%E6%99%AF%E5%96%AE%E4%BD%8D2.jpeg] 港媽普通話流利，沒有口音，完全不似土生土長的香港人。她以普通話介紹說，租住的公屋單位屬於大戶型，三房一廳、面積約600平方英呎。香港人多地少，獲派如此寬敞的單位，她解釋稱，因為家裡人多。公屋所在地疑似東涌，可以眺望機場和昂坪纜車，還有部分海景。 [image: 1696434340618-%E9%A6%99%E6%B8%AF%E5%85%AC%E5%B1%8B%E6%9C%88%E7%A7%9F-2200%E6%B5%B7%E6%99%AF%E5%96%AE%E4%BD%8D6.jpeg] [image: 1696434340702-%E9%A6%99%E6%B8%AF%E5%85%AC%E5%B1%8B%E6%9C%88%E7%A7%9F-2200%E6%B5%B7%E6%99%AF%E5%96%AE%E4%BD%8D7.jpeg] [image: 1696434340792-%E9%A6%99%E6%B8%AF%E5%85%AC%E5%B1%8B%E6%9C%88%E7%A7%9F-2200%E6%B5%B7%E6%99%AF%E5%96%AE%E4%BD%8D8.jpeg] [image: 1696434340896-%E9%A6%99%E6%B8%AF%E5%85%AC%E5%B1%8B%E6%9C%88%E7%A7%9F-2200%E6%B5%B7%E6%99%AF%E5%96%AE%E4%BD%8D9.jpeg] [image: 1696434341122-%E9%A6%99%E6%B8%AF%E5%85%AC%E5%B1%8B%E6%9C%88%E7%A7%9F-2200%E6%B5%B7%E6%99%AF%E5%96%AE%E4%BD%8D3.jpeg] [image: 1696434341200-%E9%A6%99%E6%B8%AF%E5%85%AC%E5%B1%8B%E6%9C%88%E7%A7%9F-2200%E6%B5%B7%E6%99%AF%E5%96%AE%E4%BD%8D4.jpeg] [image: 1696434341301-%E9%A6%99%E6%B8%AF%E5%85%AC%E5%B1%8B%E6%9C%88%E7%A7%9F-2200%E6%B5%B7%E6%99%AF%E5%96%AE%E4%BD%8D5.jpeg] 立即睇片： https://www.youtube.com/watch?v=K-i6rSYlUcg 港媽經營頻道： [image: 1696434340512-%E9%A6%99%E6%B8%AF%E5%85%AC%E5%B1%8B%E6%9C%88%E7%A7%9F-2200%E6%B5%B7%E6%99%AF%E5%96%AE%E4%BD%8D1.jpeg] https://i.imgur.com/so7B1nH.mp4 https://i.imgur.com/ZC2VwWz.mp4 影片網友評論港媽已離婚 [image: 1696436837728-%E5%85%AC%E5%B1%8B%E6%9C%88%E7%A7%9F2200%E6%B5%B7%E6%99%AF%E5%96%AE%E4%BD%8D.jpeg] 網友提供港媽前夫截圖： [image: 1696435478203-%E9%A6%99%E6%B8%AF%E5%85%AC%E5%B1%8B%E6%9C%88%E7%A7%9F_2200%E6%B5%B7%E6%99%AF%E5%96%AE%E4%BD%8D.jpg] [image: 1696435478294-%E9%A6%99%E6%B8%AF%E5%85%AC%E5%B1%8B%E6%9C%88%E7%A7%9F_2200%E6%B5%B7%E6%99%AF%E5%96%AE%E4%BD%8D2.jpg] [image: 1696441530251-d8c2af41gy1fpaahnwttsj20qo1bf15b.jpg] [image: 1696441530176-d8c2af41gy1fpaahqe4zhj20qo1bfk2l.jpg] [image: 1696441723671-d8c2af41gy1fpaahpcct6j20qo1bfas3.jpg] [image: 1696441748930-d8c2af41gy1fpaahts68wj20qo1bf4a2.jpg] [image: 1696474109252-%E5%85%A7%E5%9C%B0%E7%B6%B2%E7%B4%85%E8%88%87%E6%B8%AF%E7%94%B7%E7%B5%90%E5%A9%9A%E5%B7%B2%E9%9B%A2%E5%A9%9A.jpeg] https://i.imgur.com/C5JJkLd.mp4 早前影片：香港房租2200元公屋是什麼樣子？ https://www.youtube.com/watch?v=ixnU8EcESao 更多港媽相關： 香港$2000海景公屋港媽長住深圳擁$400萬樓月入三萬 (懶人包) 內地瘋傳：新移民分享香港公屋月租$2200海景單位

谷友發文： 恭喜你第1派行好運旺旺🎉第4️⃣期第16座2016/12/30入伙，原本做居屋、梁振英改造公屋，呢座多唔算好好風水、有個別案例、上綱看、沙田山頂位風涼水冷、潮濕天氣，非常👌靚邨、你向山景東靜行街都西斜，你去睇完樓一定立即簽收，我朋友住那邨，入伙後找我們飲茶 [image: 1696405362689-img_2103-large.jpeg] 網友回應： 多謝分享……但係你講乜尻？ 真係唔知講乜 原諒我文化有限，睇完成段文都唔知噏乜！ 佢要唔要重組下自已既做句，咩叫：「你向山景東靜行街都西斜」？？ 廣東話講唔正語音出字係咁上下啦 你響山勁，dont淨行街都洗車😆😆 樓主心態好好要感恩唔似其他人嫌三嫌四 有幾好😌山竹嗰陣行路落山，天橋壞咗成個禮拜🤣🤣🤣 打風必有！風險、你買紅山半島囉 你行得冇所謂，如果你行動不便仲會唔會揀呢？我派過就拒絕咗喇。上上落落都要靠交通工具，冇電全部路都死晒。好彩山竹嗰陣我住嚮舊屋沙角，唔係都唔知點出街🤔 唔使坐輪椅我都會要，轉𨋢都轉到頭暈。冇𨋢一定困咗嚮屋企 有選擇權利，那就恭喜你，你是幸福的一個，從另一角度看，一年中有幾多個山竹，辛苦都是很短的時間，如果比我，即上和多謝各位禮讓。 山泉仲要西斜…住公屋仲講咩風水！窮人冇資格 你2016年入伙而家講嚟做乜 只要自己覺得好，就吾會太差，那單位是否會旺你一家，入住之後三個月至半年就知道。 講梁振英做乜，佢唔會准香港人住 住係山腳舊村幾十年，睇住佢一個山頭起幾十座樓，仲要有D係凌空支架，你可以話半山都係咁，但一冧就無定律，整多幾次極端情況就玩完。呢條村既質素真係好新香港氣息，D餐廳間間都好似唔休做咁。 啱呀，嗰到上山落山真係。。。我都驚佢條橋會冧。我嚮沙角邨不知幾好，唔係有需要我都唔想搬走，我嗰層得一部𨋢，有- 咩事返唔到屋企 行街都西斜係咩意思？呢座多唔算係點解？叫你細個讀多D書又唔聽，e +唔識作文啦😂 [image: 1696404991538-385261610_1751881538557240_4877710448636320681_n.jpg]

[image: 1696401306765-385050183_7453085784718622_3566822901624123510_n.jpg] 所謂富戶政策，收到表了，得淡笑。不查內地資產不說。 成份表就是自己申報。我窮。但我奇怪買樓要交利得稅吧,走去各大政府部門不就查到香港物業囉。 只需申報香港住宅物業 戶及名列租約/租住證/暫准租用證/居住暫准證上所有家庭成員應申報他們是否擁有香港住宅物業，及在2023年10月31日的人息及資產。請於2023年11月1日或之後填妥本申報表，並於2023年11月30日或之前交回所屬屋邨辦事處。 居住情況及擁有香港住宅物業詳情申報表 [image: 1696401474320-%E5%B1%85%E4%BD%8F%E6%83%85%E6%B3%81%E5%8F%8A%E6%93%81%E6%9C%89%E9%A6%99%E6%B8%AF%E4%BD%8F%E5%AE%85%E7%89%A9%E6%A5%AD%E8%A9%B3%E6%83%85%E7%94%B3%E5%A0%B1%E8%A1%A8-1.jpeg] 附件：居住情況及擁有香港住宅物業詳情申報表.pdf 根據由2017年10月申報週期開始實施的經修訂的「富戶政策」，在本港擁有住宅物業的公屋租戶，均須遷離其公 屋單位（獲豁免於「富戶政策」的租戶除外，請參閱申報表）。 公屋戶主及所有家庭成員在入住公屋後，每兩年須填報「居住情況及擁有香港住宅物業詳情申報表」，向香港房 屋委員會（房委會）申報居住情況及有否擁有香港住宅物業。 公屋租戶在購入香港住宅物業後（簽訂任何協議（包括臨時協議）一個月內），亦必須主動向房委會申報。 根據租約，公屋戶主及其家庭成員在租賃期開始後一個月內，必須搬入該樓宇並須經常持續居住於樓宇內。 濫用公屋而被終止租約的前公屋租戶，五年內不得再申請公屋。 拒絕申報或沒有在指定日期內申報的公屋租戶，其公屋單位的租約可被終止。 填寫居住情況及擁有香港住宅物業詳情 [image: 1696400654024-385050183_7453085784718622_3566822901624123510_n.jpg] 2023 年(10 月)申報表注意事項 網友點睇？ 唔查大陸資產已經勁大問題。 香港政府做嘢慢吞吞，查到又唔會優待我哋窮戶！ 聽講過因為私隱條例政府部門資料唔互通 身邊就有人 香港有物業 仲住緊公屋 因為私隱問題，所以唔會主動查印花稅的問題，除非，抽查房處先可以有權查。或有人舉報，先可以去查，另外，香港政府無權要求大陸地方部門交出資料，所以，無得查。希望李家趕可以搞掂呢個問題 有d嘢，唔使講到咁白 你有料咪去舉報 強國人特權無限放大 一定唔會查大陸資產,因政府照顧大陸人係阿爺俾特區既政治任務 公屋富戶政策根本就係欺騙香港市民，應該廢除富戶制度，同入夥審查時一樣，超一毫子都請佢哋滾出公屋，而唔係加租了事。 如何查内地资产，内地政府要求对等，佢地都可以来香港查港人资产 人哋要你申報睇吓你誠唔誠實，有冇講大話 之前都唔明，反送中之後明哂，法律根本無得管，除非又有多一次機會乘機改例。 你諗吓點會搵多啲好過啦！就好似過班馬綫一樣，冇車來人地就過，你係都等到綠燈先過！ 香港從來都係一個唔公平嘅社會 現在公屋係為大陸人而設，驚佢哋落到香港，無錢使無屋住無老公養 一日未溝淡原住民，佢哋仲有利用價值 買樓唔洗交利得税 全部都係得過講字，稅局要查你時，房處都會要求你簽一份同意書先可以去查。好多人真係九唔搭八嘅 非永久性居民根本唔應該會有香港房屋福利。。。完 重點就係起唔夠俾你地住,又要維持高房價咪出現咁既現象 原文：https://www.facebook.com/groups/649256063541218/posts/848325303634292/

是咁的，我樓上有個PK冷氣機成日滴水，想問下各位有經驗既朋友係用乜野方法解決呢個問題？ 我已經向管理處投訴左好多年，但佢地從未解決過，反而次次都同我講有7日寬限期（無了期既7日輪迴）。而我想裝cam又被屋企人阻止，話我住緊呢棟公屋係唔可以起窗口裝cam。 至於1823、房署同食環就直頭嗮氣，打襯電話去呢d部門都無人聽，然後自動轉左去1823，同個1823職員講完又係不了了之！ 除左起冷氣機頂加塊隔音墊之外，重有乜野方法？ [image: 1696345857358-phpqllexl.jpg] 網友回應： 我樓上都成日掉d食物殘渣落嚟，搞到我部冷氣機頂塊墊污糟，成日要清潔，房署又廢既，淨係識唔指名道姓地貼通告，有鬼用咩 房署堅係廢，上次我朋友屋企（佢都係公屋）外牆水喉爆左，我朋友call屋邨辦事處處無果就直接call房署，結果又一場拉鋸戰（就係日日投訴in1823 - app），搞左成個月先有人黎......睇咁大把，到依家都未有人整 你有權樓上滴水就打電話落管理處，佢上去check到係滴落黎有7日寛限期。你有權要管理處要求樓上熄冷氣，每個鐘頭打一次落去，凌晨半夜打幾次落去…規則點玩？睇你識唔識玩，總之你打電話落去，管理處就要行去漏水單位。你自己都怕煩就另計！ 如果管理處答得要俾7日寛限期，按理已經係査到邊個單位。只要你夠狠，每個鐘或者發現有滴水就打落管理處未必解决唔到。 危唔危急睇自己點講架唧，老虎蟹都話咁滴法會滴壞自己部冷氣。知道邊個單位，點都要佢熄左先，等佢無冷氣用先。總之自己唔好怕煩，對呢種人唔好心存好意，幾時滴就幾時打落去。起碼佢有7日唔用得冷氣。 去房署總部投訴管理公司唔做嘢,搞大佢就會處理 加塊墊算啦，窗外唔可以裝cam俾人告番轉頭 管理處唔會唔理喎，我阿媽屋企一滴水，保安即拍門。再call1823投訴，攞投訴號碼睇吓佢跟進度 盡量忍讓下喇！冷氣滴水無法解決，除非換機，記住他朝君體也相同 我都試過啦 打落去管理處一定要上你屋企睇 睇唔到當冇事發生 睇到就話11點後唔會拍門 我最近都有甘嘅問題，仲要係12點幾，或零晨4點幾滴到，好大聲，好似交響樂😭零晨投訴都無人肯做野啦～ 係咪新舊屋邨嘅分別，我住緊條邨好嚴，冷氣滴水唔處理1個月後就收到扣分信 而家報慌張西望可能最有效益😂 窗口大叫 6894室冷氣機滴水。 日日叫分分叫秒秒叫，等樓上樓下知道呢間仆街滴水唔理 直接落管理處親自投訴錄埋音去多幾次其間就打電話食環署之後四五日之後如果再冇處理就搵你樓下區議員直接投訴冇人處理？這些區議員一定幫你 我咪就係咁樣維持左6年囉，次次打完都係停7日，跟住又黎過，7日無限輪迴。有次call左黎睇就夠膽死話係落雨（個日完全無雨），更有一次call完都無人黎添，最後搵區議員先再黎睇同勸告咁大把。 原PO：https://www.facebook.com/groups/649256063541218/posts/848127243654098

公屋輪候時間維持在5年以上，一年一度的特快公屋編配計劃，成為不少基層家庭的真正「上樓捷徑」。房屋署上月公布最新名單，有11個曾發生兇殺命案的「凶宅」，包括大角咀海富苑兩個曾發生桃色糾紛及倫常慘案單位，據了解均已悉數被揀選。 [image: 1696331980385-bkn-20231003181939493-1003_00822_001_01b-1.jpg] 今年有11個曾發生兇殺案的單位被納入特快公屋編配計劃的名單內，分別在大窩口邨富貴樓、葵涌邨映葵樓、石籬二邨石偉樓、友愛邨愛暉樓、朗屏邨賀屏樓、天恒邨恒健樓、海富苑海欣閣、海韻閣、彩虹邨紅蕚樓、彩雲二邨瓊宮樓，以及廣福邨廣仁樓。所涉單位的租金介乎1,355港元至4,114港元，當中有4伙不獲租金優惠。而是次上榜的凶宅單位中，有三個為去年發生兇殺案，當中兩個是新上榜，均位於深水埗的海富苑，其中一個為F座海欣閣的高層單位，資料顯示，該單位面積39.74平方米，租金3,784港元。 另有4個單位，前年亦曾出現在特快名單上，惟疑曾被揀選，及後再度上榜，包括大窩口邨富貴樓、葵涌邨映葵樓、友愛邨愛暉樓、彩雲二邨瓊宮樓的單位，4個單位均可獲一年租金優惠，單位面積為28.61至39.76平方米，租金為1,634至3,648港元。 另外，友愛邨愛暉樓的一個中層單位則在2009年曾發生兇殺案，雖曾出現在2018年的名單，及後疑被揀選，前年再度上榜，翌年又再消失，今年第三度在名單中出現。除了兇殺單位外，特快名單上亦有曾發生追討欠債、具心理影響事件、自殺或意外死亡事件、前住客曾受其他住客滋擾、自然身故等單位，部分可獲租金優惠。 相關：公屋凶宅名單出爐！新一期特快公屋2023 (九龍&新界)

[image: 1696292998716-ityeaeh6ntmr_hb4yui4wrxzwqjhazxvvumodb7jkhu-large-1.jpeg] 有綠表客FULL PAY逾三球入市買屯門兆麟苑二手居屋單位。新買家為區內綠表客，表示熟悉該區環境，而且屋苑鄰近家人，方便照應，加上單位內籠寬敞企理，業主亦有輕微議價空間，新買家考慮到樓價符合預算，遂便決定FULL PAY以居二市場價336.8萬元購入上址，成交呎價為5,222元，屬市價成交。 [image: 1696308832713-%E5%85%86%E9%BA%9F%E8%8B%91-1.jpg] 公屋富戶政策擬收緊，導致綠表客加快入市步伐。祥益地產執行董事謝澤銘表示，該分行促成了一宗兆麟苑的居二市場成交個案，成交單位為A座低層4室，實用面積645平方呎，三房兩廳。 原業主買入價320萬 原業主2015年以約320萬（居二市場價）買入，是次單位轉手帳面獲利約16.8萬。謝澤銘又表示，兆麟苑毗近屯門市中心，環境靜中帶旺，自用十分舒適。 兆麟苑（英語：Siu Lun Court）是香港房屋委員會在屯門區的居者有其屋屋苑之一，由巴馬丹拿建築及工程師有限公司設計，並分別由耀榮建築有限公司（第1-2期）及德榮建築有限公司（第3期）承建，位於新界屯門青山灣及老鼠洲交界的填海地上，鄰近安定邨、翠寧花園以及恆福花園，於1992至1994年分期入伙，總共有12座35層高樓宇分4期出售。 相關： [image: 1696292585333-ityeaeh6ntmr_hb4yui4wrxzwqjhazxvvumodb7jkhu.jpeg] 相關文章： 收緊公屋富戶政策有用 不主動查核物業資產難以堵塞漏洞 公屋富戶政策擬收緊業界 二手公屋居屋樓價或再破頂 富戶政策收緊｜黃碧如：上調公屋豁免資產審查年齡 收回雙倍租金家庭公屋

匿名谷友發問： 鄰居係戶主用白表抽中咗居屋，然後除名由仔繼承，間公屋留返比個仔同埋個孫住，可以咁嘅咩...戶主可以除名，間屋留返比個仔？ [image: 1696259526367-%E5%85%AC%E5%B1%8B%E4%B8%80%E5%88%86%E7%82%BA%E4%BA%8C%E6%88%B6%E4%B8%BB%E7%99%BD%E8%A1%A8%E6%8A%BD%E5%B1%85%E5%B1%8B%E5%BE%8C3.jpeg] [image: 1696259526646-%E5%85%AC%E5%B1%8B%E4%B8%80%E5%88%86%E7%82%BA%E4%BA%8C%E6%88%B6%E4%B8%BB%E7%99%BD%E8%A1%A8%E6%8A%BD%E5%B1%85%E5%B1%8B%E5%BE%8C5.jpeg] [image: 1696259526490-%E5%85%AC%E5%B1%8B%E4%B8%80%E5%88%86%E7%82%BA%E4%BA%8C%E6%88%B6%E4%B8%BB%E7%99%BD%E8%A1%A8%E6%8A%BD%E5%B1%85%E5%B1%8B%E5%BE%8C4.jpeg] [image: 1696259526214-%E5%85%AC%E5%B1%8B%E4%B8%80%E5%88%86%E7%82%BA%E4%BA%8C%E6%88%B6%E4%B8%BB%E7%99%BD%E8%A1%A8%E6%8A%BD%E5%B1%85%E5%B1%8B%E5%BE%8C2.jpeg] https://www.youtube.com/watch?v=koUh4f8rrLE 網友點睇？ 得咩？按富戶政策規定，即使部分家庭成員有住宅物業，整體家庭都會因而須要遷出公屋單位的。除名？但長老不是戶主嗎？戶主可以除名？仔簽衰仔紙？想不明白。 我估佢最大機會係，仔女用白表申請居屋。邊個住邊度就私下解決啦。 戶主只可以申請綠表，家庭成員除戶籍，再申請白表完全冇問題，識玩喎識得用匿名成員頭盔都唔使帶做你鄰居真係慘又口疏又唔識，仲要網上週圍唱最重要係唱錯人 可以，以白表購得居屋人士需要遷出單位。如戶主都遷出，剩餘成員可以按「批出新租約」政策，通過入息資產審查及無住宅物業規定，即可繼承公屋戶主權，繼續租住現時單位。如果人口變動導致寬敞戶，則會被安排調遷至合適單位。 我聽過一個好盡既做法。 但都係聽人講唔知真唔真。背景：兩老65+, 加兩個仔 4個都公屋有名。老豆戶主。首先， 兩老離婚，老母同其中一個仔用白表抽居屋， 有長者易d抽中。另外， 因為老豆係長者， 在生時人數少左， 房處都唔會調遷。 要等佢死左先掉。另一個仔就等第時有錢就用公屋换間二手居屋。 其實呢啲根本就係政府做得唔好,分二條隊，二個香港出生嘅居民先有一個外來者，咁香港人點會咁不滿，香港出生1萬，未滿7年5仟或滿7年先有係正常啦！根本就係香港政府無咁嘅管治智識，挑起晒中港矛盾。 呢啲嘢你唔使同我講，樓上有幾個傾呢個話題傾到興高采烈。 因為高官嘅思維我係唔會明，而且冇辦法改變。班新來港人士攞香港福利攞到熟曬，未嚟到香港已經有曬攻略做曬功課，反觀我香港出世仲未識分綠表同白表，我慚愧到想喊呀....與其諗咩中港矛盾嘅原因，不如花時間諗下點樣喺夾縫中生存得比較舒坦好過啦 咁只要仔女夠窮，間公屋真係可以世襲喎。幾個仔女的，只要其中一個夠窮，其他有本事的用白表抽居屋，保留公屋之餘，多幾間居屋也不是不可能。學到了，謝謝。 [image: 1696259073988-maxresdefault-2.jpg]

請問2023-9-19号晚上轉S4, 係係边度申請轉？

樓價高企不下，年青人望樓輕歎。房委會剛完成公屋申請統計調查，當中顯示「配額及計分制」下的非長者單身公屋申請中，30歲以下申請者具專上或以上教育程度的佔總數73%，比過去的數字不斷上升；今年調查當中，以學生身份申請者更佔61%。這到底反映出年輕人胸無大志，未畢業便只是一味求上公屋了事，「得公屋得天下」；抑或是他們對生活不穩，希望先找「水泡」熟習水性後再游出大海？ 近日內地網絡瘋傳以下關於公屋單位的影片，分享給大家看。 [image: 1696133176944-1040g00830pi72mg76i005orm3rg7rdt4s4cao60-1.jpeg] [image: 1696133534195-%E9%A6%99%E6%B8%AF%E6%88%BF%E7%A7%9F2200%E5%85%83%E5%85%AC%E5%B1%8B%E6%98%AF%E4%BB%80%E9%BA%BC%E6%A8%A3%E5%AD%901.jpeg] [image: 1696133534461-%E9%A6%99%E6%B8%AF%E6%88%BF%E7%A7%9F2200%E5%85%83%E5%85%AC%E5%B1%8B%E6%98%AF%E4%BB%80%E9%BA%BC%E6%A8%A3%E5%AD%902.jpeg] [image: 1696133534812-%E9%A6%99%E6%B8%AF%E6%88%BF%E7%A7%9F2200%E5%85%83%E5%85%AC%E5%B1%8B%E6%98%AF%E4%BB%80%E9%BA%BC%E6%A8%A3%E5%AD%903.jpeg] [image: 1696133535060-%E9%A6%99%E6%B8%AF%E6%88%BF%E7%A7%9F2200%E5%85%83%E5%85%AC%E5%B1%8B%E6%98%AF%E4%BB%80%E9%BA%BC%E6%A8%A3%E5%AD%904.jpeg] [image: 1696133535157-%E9%A6%99%E6%B8%AF%E6%88%BF%E7%A7%9F2200%E5%85%83%E5%85%AC%E5%B1%8B%E6%98%AF%E4%BB%80%E9%BA%BC%E6%A8%A3%E5%AD%905.jpeg] [image: 1696133535265-%E9%A6%99%E6%B8%AF%E6%88%BF%E7%A7%9F2200%E5%85%83%E5%85%AC%E5%B1%8B%E6%98%AF%E4%BB%80%E9%BA%BC%E6%A8%A3%E5%AD%906.jpeg] [image: 1696133535362-%E9%A6%99%E6%B8%AF%E6%88%BF%E7%A7%9F2200%E5%85%83%E5%85%AC%E5%B1%8B%E6%98%AF%E4%BB%80%E9%BA%BC%E6%A8%A3%E5%AD%907.jpeg] [image: 1696133535765-%E9%A6%99%E6%B8%AF%E6%88%BF%E7%A7%9F2200%E5%85%83%E5%85%AC%E5%B1%8B%E6%98%AF%E4%BB%80%E9%BA%BC%E6%A8%A3%E5%AD%908.jpeg] [image: 1696133535971-%E9%A6%99%E6%B8%AF%E6%88%BF%E7%A7%9F2200%E5%85%83%E5%85%AC%E5%B1%8B%E6%98%AF%E4%BB%80%E9%BA%BC%E6%A8%A3%E5%AD%909.jpeg] [image: 1696133536220-%E9%A6%99%E6%B8%AF%E6%88%BF%E7%A7%9F2200%E5%85%83%E5%85%AC%E5%B1%8B%E6%98%AF%E4%BB%80%E9%BA%BC%E6%A8%A3%E5%AD%9010.jpeg] 香港房租2200元公屋是什麼樣子？ https://www.youtube.com/watch?v=ixnU8EcESao 全職媽媽精心打造之後簡直幸福感爆棚！ 內地網友回應： 香港既然隨隨便便打個工都2萬多，那菲傭為啥要做5000塊錢的工作 給這位美女說一下，就是腋下這一塊已經發展成為副乳了，並且可能有乳腺，可以去醫院看一下 雖然他們有錢但是過的真苦 香港人果然會保養，兩個孩子媽媽這麼年輕 60方擠4個人，天吶，香港人都這麼窮的嘛電視上看香港挺繁華的呀，一點不比我們杭州差 其實他們生活品質真的不苦，住公屋每月兩千，夫妻如果都去工作一個月四萬五萬收入還是很好生活的 人家只是在那邊那個環境習慣了說粵語，也沒說自己是香港人，就那麼多人批判，也是絕了誰不知道北姑不禮貌啊 60平倆孩子還要住菲傭？？？ 不好意思，不太懂，就是這種公租房是只要她租就一直租給她麼？ 香港寸土寸金，地方特別小，地方小人一多住的就小，和他們窮不窮有什麼關係？ 相關：$2000海景公屋港媽：內地網紅與港男結婚已離婚

繼早前房委會資助房屋小組通過加強打擊濫用公屋、優化「富戶政策」及「加戶政策」一系列新措施，並於下月開始，要求未住滿10年住戶每2年申報居住狀况，以及是否在港持有住宅物業。 [image: 1695863064206-%E5%AF%8C%E6%88%B6%E6%94%BF%E7%AD%962023.jpeg] 房委會委員招國偉指，房屋署已於今日發出通告予居民，介紹下月推行的新申報表。今次派發的表格將涉及9萬名住戶，包括入住公屋2至8年的租戶。他指，租戶預計於10月3日會收到有關申報表，並需於2個月內即11月30日或之前交回申報表。 [image: 1695862848721-%E5%AF%8C%E6%88%B6%E6%94%BF%E7%AD%962023.jpg] 每住滿2年需申報一次 根據現行規定，公屋住戶入住首10年期間無須作任何資產申報，住滿10年後才須每兩年申報一次。為避免出現濫用情況，更善用公屋資源，房屋署改為住戶入住後須每兩年申報一次，包括是否持有其他本地物業、居住狀況、是否持續居住於該公屋單位，以及有否違反租約條款等。住戶在購買住宅物業後的申報期限，亦會由現時在下一次資產申報周期才呈報，收緊至簽署臨時買賣合約後一個月內呈報。 富戶「暫准居住」12個月縮至4個月 針對入息及資產淨值水平超出限額而被要求遷出的公屋富戶，若住戶有暫時住屋需要，可申請為期最多12個月的「暫准居住證」，惟為免這些住戶利用暫居期轉移資產，使其資產能「減磅」符合要求，以重獲公屋資格，房委會將暫住期縮短至4個月，而且不會在單位回收後有重新評估的機制，意味這些住戶一旦被界定為富戶，暫住有關單位4個月後便要遷出。 針對住戶不進行申報或作出不實申報、虛假陳述，又或拒絕授權房委會查核其資產情況、違反租約條款或被扣滿分等，會被終止租約及收回單位外，房委會建議他們禁止再申請公屋的期限，由目前的2年增至5年，即被沒收單位後，最快5年後才能再申請公屋單位；另外如果輪候公屋申請人被發現作出虛假陳述，禁止申請公屋的年期亦擴至5年。 房委會又獲授權透過政府部門或公私營機構查閱公屋住戶資料，包括銀行按揭、土地釐印契約等相關資料，以加強審查。 同時，房委會亦計劃加強公屋管理。目前，公屋住戶若兩年內扣滿16分就會終止租約。消息人士指，扣滿分的規定不變，惟扣分行為「加辣」，例如亂拋垃圾、任由寵物隨處便溺，以及胡亂棄置裝修廢料、損毀或盜竊房委會財物等，「加辣」至分別由扣5分及7分，增至扣7分及15分。換言之，若住戶亂拋垃圾3次，又或破壞單位設施重犯一次，就會有可能被「叮走」。 只准一名成年子女「世襲」戶籍 房委會亦修訂租戶違反規定的定義，例如住戶「拒絕維修應由租戶負責保養的喉管或衞生設備」，會在警告無效後被扣分，建議將項目調整至在住戶「拖延維修至未有維修相關設備」都適用。 房委會亦收緊公屋「世襲制」的子女「加名」安排，建議只容許每間公屋只有一名成年子女加入戶籍，即長者戶主不可為第二名或以上成年子女「加名」，但已在戶籍內的子女不受影響，以減少「世襲」問題，日後住戶要分戶將更為困難。 據房委會資料顯示，截至今年3月底，在過去12個月獲上樓一般公屋申請者的平均輪候時間為5.3年，而長者申請者的平均輪候時間為3.9年。而公屋富戶政策下，超越入息限額5倍及資產淨值限額100倍的住戶須遷出現居公屋單位。 房委會資助房屋小組委員柯創盛認為，富戶政策需要與時並進，相信收緊申報年期不會有大影響，又期望在執行時，盡量做到便民利民，令政策更切合社會需求，讓公眾資源用得其所。 但九龍中立法會議員楊永杰認為，有關措施為公屋住戶帶來不便，「很多公屋戶是基層，若每兩年資產審查一次，即隔年就要僱主簽發入息證明，其實變相令住戶麻煩了很多。現時本身（公屋輪候申請）要求已有很多不同資產申報出來，包括車牌、土地，甚至固定現金都要申報，所以入住之初，基本上申報已吸納不同元素。」

[image: 1695777531843-%E5%B0%8D%E9%96%80%E8%B2%93%E7%9C%BC%E9%8C%84%E5%BD%B1%E7%9B%A3%E8%A6%96.jpeg] 谷友發文： 你好👋又係我呀，上次話對面單位大門裝貓眼果個，經過一段時間查證本人都證實此裝置有錄影功能的閉路電視，每次出入開關門都會有「的」一聲同如圖所示亮起紅、藍燈令到本人同屋企人出入都受心理恐懼擔心亮燈時被錄影監視中以及向大廈主任投訴但都不果，對方展出懶處理的態度令到真係求助無門令到本人及家人的壓力加劇 [image: 1695777584988-%E5%B0%8D%E9%96%80%E8%B2%93%E7%9C%BC%E9%8C%84%E5%BD%B1%E7%9B%A3%E8%A6%962.jpg] [image: 1695777584911-%E5%B0%8D%E9%96%80%E8%B2%93%E7%9C%BC%E9%8C%84%E5%BD%B1%E7%9B%A3%E8%A6%961.jpg] 網友點睇？ 其實你咁樣影人門口，係咪代表你需要私隱，你對面屋就唔需要私隱？ 你對面屋有冇立心影你冇人知，但係你就一定係立心不良咁影人，仲要人地有冇拍片擺上網？你就肯定有，你講到咁著重私隱，你係著重自己私隱去漠視其他人私隱。 覺得自己一定冇錯既不如唔好用匿名啦，反正你都冇幫你對面屋匿名，個個住嗰層既都會因為你影人地塊布而知道係邊個。遇著對面屋好似你咁冇品真係難怪人地要裝眼。 你估人地會日日睇返錄影咩…係有事先會睇返。 呢啲cam普通經過係唔會錄，除非你逗留 徘徊係人地門前，佢先會開始錄。 同埋人地唔一定有開錄影，當佢普通貓眼 對講都可以。 前排先話元州邨多咗爆竊案，人地裝都係保護自己。 其實點解唔考慮下裝喺鐵閘上面, 又唔使驚影到人哋門口出入~ https://www.youtube.com/watch?v=Tl08wRdvXqY 勁喎影到收數佬貼紙 其他網友回應： 搭𨋢都有CCTV,仲一定會錄影咁你係咪要行樓梯🤔 一個cctv就令你心理恐懼，咁你平時出街應該無時無刻都處於恐懼之中⋯ 有人幫你睇屋, 應該多謝對面啦~ 你又裝一部羅，依傢D屋村，太多陌生人出入了，之前，我嫲嬤屋企，比陌生人，入左屋，好彩有在室內裝ＣＡＭ！ 人哋裝呢舊嘢，就係防有人企喺門口長時間逗留，你唔係企喺人哋門口，裝裝下又影人哋門口，你直行直過根本就唔會影你！ 其實依個並唔系你所講既cctv，佢只系一款智能可視門鐘上淘寶搜尋下啦！親 周街都cctv你壓力又再加劇啦？撚左佢咪舒服囉🤗 但大前提妳要預左同對家反面衝突 你身有屎？你本身俾人通緝緊？而家咁多賊仔我覺得冇問題喎⋯ 安裝喺自己屋內是不犯法的，有人幫你睇屋咪好囉，除非你日日都打開道門😂 其實點解唔考慮下裝喺鐵閘上面, 又唔使驚影到人哋門口出入~ 咁傳統既猫眼都可以搵個人係門後面 24 小時望實你啦！ 被攝影住的確會有人覺得不舒服或不安。有人建議你也裝番部cam,從另一方面想我覺得是可以試試，一方面你又可以看看，有沒有人對你們做不好的事，另一方面又可保障自己安全。最起碼可實時監察自己屋企，同有事時可以有証據。 早排好似話係唔知邊度都係靠對面屋個cam影到個賊係咩樣！對面屋好心叫保安先無俾人爆到入屋！另外咁驚俾人影到出門個幾秒！睇黎你嘅藥用價值都好高下？定係你怕對面屋影到你做D特別野咋？ 同人唔同命!曾經畀鄰居惡意滋擾多時，迫於無奈在門角裝一個小cam自保，但正準備開始裝，仲未裝上，保安阿頭已經帶住一隊保安衝上嚟，話有人投訴侵犯私隱，大聲命令：唔准裝，要即刻拆晒所有裝置。但係滋擾人嘅惡霸就趁混亂期間伸手入受擾人屋內拍照，然後攞去畀其他人睇話被侵犯私隱做証據，咁樣究竟係邊個侵犯邊個嘅私隱呢？如果樓主遇到同一隊保安，咁就冇有怕喇，未裝已經叫你拆，就唔會投訴無門，亦都唔使日日擔心出入被錄影，睇嚟你遇到唔係同一隊保安，真係只能夠為你嘆一句:同人唔同命!

[image: 1695709732962-2987aa1b-9538-4da8-8948-cee92228800a_1024.jpeg] 有網民表示自己住公屋20多年，未遇過漏水之類問題，加上不用交管理費及樓宇維修費，間隔又四正，通風用採光又好，不用與對面屋窗口對窗口。部分人認為由政府資助的公營房屋，與私樓相比，物業外觀裝修都較為遜息，不過有網民在公屋討論區發文指，市場上部分又細又舊的私樓比公屋更差。 [image: 1695709727368-ud_sjojv5106v0ueooa68eevlnc1ho9hx1zat19c2rc-large.jpeg] 但亦有網民指，住公屋若不是住最高層，曬衫很有可能受到餸汁、煙頭、煙灰等污糟無污染，「衰啲就掉m巾同condom都有」。 因此類私樓通常沒有規劃可言，樓宇之間密度高，鄰近馬路，「結果就係勁嘈同埋日日係到食塵」相較之下，公屋在興建前經過政府部門認真真係有規劃，設計上盡量減少噪音的影響，又會有少少綠化及康樂設施，但舊樓一落樓就正對車水馬龍的馬路「食塵」。公屋走廊通風照明方面甚至好過某些新私樓。垃圾處理方面，某些舊私樓直接用客用電梯裝運垃圾，十分污糟，公屋則設有垃圾槽。

[image: 1695708832938-photo-2.jpeg] 中秋佳節9月29日星期五將至，康樂及文化事務署呼籲市民，在歡度中秋佳節時保持地方清潔及愛護公物，切勿煲蠟或將燃點的蠟燭插在地面、草地或沙灘上，切勿拋擲熒光棒或其他物品到樹上，或放孔明燈。 [image: 1695708382088-1631784253_y2.jpg] 房屋署會繼續加強巡邏，若發現有小童煲蠟，負責巡邏的職員會加以勸阻，若小童不聽勸告，職員會聯絡其家長。根據扣分制，有關公屋住戶有可能被扣分。公屋住戶在兩年內累積扣滿16分或以上，會被終止租約。根據「屋邨管理扣分制」，在屋邨公眾地方煲蠟屬即時扣分項目，觸犯者亦有可能因煲蠟弄污公眾地方而同時被罰款1,500港元。 [image: 1695708325528-xfiqq_nxwssseihg3bjwts95-9ynmaarhblpf4w5ax8.jpeg] 房屋署亦提醒公共租住屋邨居民，小心處理蠟燭，不論是火種或溶了的蠟都可能會令人受傷，更切勿在屋邨公眾地方煲蠟。煲蠟可能釀成火警和導致身體嚴重灼傷，引致樂極生悲，因此家長應教育及約束子女，阻止他們煲蠟。房屋署會由本周四(28日)至本周六(30日)一連三日，額外調配區域巡邏隊及特遣行動小組隊員到各屋邨加強巡邏至午夜過後。中秋節翌日早上，房屋署亦會加派人手清理佳節過後的垃圾。 [image: 1695708546522-photo-2.jpeg] 曾經有青年中秋夜煲爉時，引發三米高「蘑菇雲」火球 [image: 1695708322138-h1qwhdnkkwq_okxruojoph-c5i7k4n5azjoi0sytini.jpeg] [image: 1695711530180-2023-09-26_112548.jpg]

[image: 1695635579157-%E5%A3%AB%E5%8F%B8%E6%A9%9F%E5%A4%A7%E8%AE%9A%E5%85%AC%E5%B1%8B%E5%AE%A2%E6%9C%80%E8%B1%AA%E7%88%BD.jpeg] facebook群組早前有的士司機網上發文分享自己接載「公屋客」的開心經歷，他表示當日車資原本是$67，沒想到對方直接給他$100，更表明毋需找續，換言之讓他多收了$33「貼士」。帖文隨即在網上引起關注，不少的士同行看到後均表示「公屋客」一向較豪爽，又指「半山客」大多是「沙漠梟雄，水都唔多滴」？ [image: 1695633594854-20230922190244_6e80abad462401fd4eec26a3f6a280448402470f.png] 許多的士同行看到帖文後，紛紛留言指「公屋客」向來比「半山客」豪爽，大多都會給予小費，「公屋客時時收到超過10蚊貼士」、「呢的就係住半山同住公屋嘅分別，我都經常遇到呢的情況，公屋客好多都有比貼士，半山果的個個扮大佬，大部份都係沙漠梟雄，水都唔多滴」、「西九上面嗰堆所謂豪宅，坦白講，未曾收過多過兩蚊貼士」。 [image: 1695633603661-20230922185954_7d3e4c5a2cd85914a21893ebb8f5ae45f76c7724.jpeg] 但亦有同行認為是否給予「貼士」，也要視乎的士服務質素，「其實只要以禮相待，真係大部份客人都好好的，不是有冇貼士問題，而係互相尊重」、「大家做好本份，有冇貼士隨缘。」、「做返自己啦，如果的士服務好就唔會俾人X到狗咁啦」。

[image: 1695603957743-%E9%82%84%E5%8E%9F%E5%85%AC%E5%B1%8B%E6%8B%86%E5%9C%B0%E7%A3%9A.jpeg] Facebook谷友詢問： G1381 已經派左長亨邨，亦都上左樓睇屋，好滿意！但就發現左一個問題，就係佢無還原地下。上手留低左地磚我就問主任點解會唔還原既？佢答我因為上手已經還原左8成就當搞掂！ 上手住戶地磚 [image: 1695603394593-380836182_314028084555856_924625757228959721_n.jpg] 我話：「但我唔想要呢個地磚，起磚加扔磚費用2-3萬不等，咁有無公屋裝修津貼！」主任話15年樓齡內果啲先有津貼，33年無呢樣津貼！請教一下各位谷友：事實係唔係咁㗎？謝謝大家！ 有關編配雷進行筋單維修工程的公屋單位 [image: 1695603259452-%E6%9C%89%E9%97%9C%E7%B7%A8%E9%85%8D%E9%9B%B7%E9%80%B2%E8%A1%8C%E7%AD%8B%E5%96%AE%E7%B6%AD%E4%BF%AE%E5%B7%A5%E7%A8%8B%E7%9A%84%E5%85%AC%E5%B1%8B%E5%96%AE%E4%BD%8D.jpg] 不過果日一諗起就唔想要呢個地板！想問屋邨主任會唔會清理埋！點知佢咁答我！仲威脅我你可以而家即刻say no’！我當時即刻著左！ Ling Ling 有網友回應： 我以前就咁痴膠地板上去，又快又平又靚，鋪晒都係幾千蚊。貴嚮膠水到，一桶要成800幾。 [image: 1695603310336-381904718_10160714861339898_81542983296733377_n.jpg] 真係好肉酸 [image: 1695603332004-381651131_10160714861779898_6638577149828837201_n.jpg] [image: 1695603332080-382498655_10160714861609898_8339274001056832696_n.jpg] So far去到我搬嗰日都冇嘢，11年 其他網友點睇？ 係咪亨麗樓？我當初收單位時都係咁，最後用翻上手地磚，好彩都唔算太差。呢度嘅管理處好hea噶，主任，保安，清潔，全部都好得過且過 好多人鍾意派舊屋，慳返整地台一大舊錢，係原因之一！ 起加掉邊洗用2-3萬 同房處講，你要間屋，要求佢還原清水樓，唔要地板！佢會幫起左果地板！利申：3-4年前上樓時試過，房處幫我整！但你要有心理準備，就算起完，地下都唔會好平 直接貼新磚上去，只係門位改高就得 我以前就咁痴膠地板上去，又快又平又靚，鋪晒都係幾千蚊。貴嚮膠水到，一桶要成800幾。 佢起完個地唔平，仲要牆腳 凹凸嫁，你預左先好。其實咁樣整地板係上面仲方便 如果地面係平，買膠地板舖上去仲好，房署走完凹凹凸凸仲麻煩 基本上上手嘅地磚如果狀態良好都會加以保留。同埋如果真係想鋪膠地板，咁樣嘅狀態係最好，因為個地夠平易鋪。事實上你要得個單位就要接受埋啲地磚，房署未必會- 還原。真係一句「要就要，唔要就罷就」

《東網報導》本報記者日前陪同輪椅使用者到坪石邨、彩虹邨及龍蟠苑商場實測，發現地舖均清一色比路面高一級樓梯。有居住坪石邨30載的輪椅人士無法入邨內地舖理髮、到茶餐廳用膳，甚至不能看牙醫，慨嘆自己被剝奪基本人權，低人一等。地台設計使屋邨商舖對殘障人士而言似近還遠，他們即使想入內消費亦諸多阻礙，滿感無奈。關注團體批評房屋署活化舊屋邨時寧願斥巨資粉飾大廈外牆及加建升降機，但拒絕鋪平地台方便殘障人士出入地舖，破壞傷健共融。 https://video-cdn.on.cc/Video/202309/ONS230923-15209-12-M_ipad.mp4 房屋局明年將推出公屋「幸福設計」指引，望將來落成的公營房屋能為居民締造更舒適的公共空間及設施，但房屋署轄下的舊屋邨設計涉嫌帶頭歧視殘障人士。「我想剪頭髮，髮型師見到我坐住輪椅，同我講聲唔好意思叫我去第二度剪。」小麥患上俗稱「玻璃骨症」的「成骨不全症」，不良於行，久居坪石邨30年期間生活遭遇重重障礙。早前該邨翻新後，邨內有瓦遮頭的平台商舖仍然設有一級地台，將包括他在內的輪椅使用者拒諸門外。他指無法在邨內剪髮，不能到茶餐廳用膳，也不能看牙醫，無法進入商店令他不開心。 [image: 1695542033414-img_20171225p1-1.jpg] 進店權利被剝削 嘆低人一等 另一輪椅使用者曾先生，當日欲到邨內連鎖個人護理用品店購物，同遭一級地台阻礙入內。當他去到店外時，職員詢問他有何需要，他指想買喉糖後，職員拿了數款喉糖到店外讓他挑選，「想買咩都冇得（親自）揀，要職員拎出來，佢拎一樣我唔啱又拎第二樣，覺得好嘥時間，好唔開心。」他指，其到一般商場購物都暢通無阻，但坪石邨卻10年來都未有改善，他連進店內選購商品的消費者權利亦被剝削。 落成逾半個世紀的牛頭角坪石邨雖為舊屋邨，當中鑽石樓及玉石樓最初並無升降機，但房屋署於2010年斥資1.35億元進行活化工程，包括興建升降機、改善屋邨主要出入口，提供無障礙通道方便居民出入，並翻新街市、商舖及住宅大堂以至粉飾外牆等，工程於2013年完成，惟未有改善上述商舖地台問題。 除坪石邨外，彩虹邨亦有相同問題，該邨商舖建於平台上，雖然平台有房署設置的標準斜道接駁。但駕駛電動輪椅的曾先生上到平台後卻深感失望，「諗住上到嚟可以間間都入得啦，點知間間都唔得」，因為商舖亦高於平台一級。他稱，感覺低人一等，難過及無奈。 周旋逾10年 團體斥房署推搪 堅毅忍者‧障殘人士國際互助協會總幹事王素琴表示，早在10多年前已收到不少關於上述場所的投訴，惟協會與房署周旋多年，每次追問對方都有不同藉口推搪，指會影響商戶、居民甚至停車場，她坦言問題至今未解決是匪夷所思。她指，房署有龐大資源，曾斥資活化屋邨，興建新升降機大樓及其他無障礙設施，慨嘆講求平等及傷健共融的香港，為地舖鋪多一條斜路也拖足超過10年，盼當局能正視並改善。 [image: 1695542037643-maxresdefault-1.jpg] 房屋署發言人指，過去一年收到兩宗有關坪石邨、彩虹邨及龍蟠苑商場內商店的無障礙設施的意見。由於在現有商場進行改善工程會對現有樓宇結構、樓宇設施、商場裝修及商戶造成很大影響，因此房委會會就每個改善工程進行可行性研究，並與受影響商戶協調，在可行的情況下作出改善，以幫助輪椅使用者出入。房委會將為轄下商場按需要添置便攜式斜坡道，以幫助有需要人士進出商舖。 原來早期建成的公共屋邨，商店和室外通道之間設有一個階梯是為防止雨水流入店內，符合當年設計標準，但實際地台的防雨水功能作用不大，相關地舖外都有簷篷擋雨，發生雨水倒灌的可能性存疑。另外，位於鑽石山的居屋龍蟠苑商場，其位處室內的商舖基本上不會受天雨影響，但仍有逾80%商舖設有一級地台，包括診所及物理治療中心等，輪椅使用者難以內進。

叫做唔係最無公德心啦 最PK係果啲唔會推開垃圾房門，係直接掉垃圾房門口就算...