黑心陪月 連xx 偷人奶飲💢
後來先發現 佢比人放過上嚟好多次 希望多啲人見到呢個post 千奇唔好請佢 不要再受害🙏🏻
上一個貼文係媽媽Group轉發 (多謝呢位好心人睇唔過眼🫶🏻)
今次事主親自貼文交代返
偷飲人奶 呃雇主話bb飲咗人奶
毫無衛生常識 長期系廚房用手偷食 4日即炒
呢到只係一部份影片
惡行1💢 偷飲人奶 仲要黃金初乳 佢真係識食🤔
其實到底係乜嘢心態 點解要飲人啲人奶🤦🏻♀️
惡行2💢 喺啲魚上面洗嘢 再煲湯俾我飲🤷🏻♀️
非常可怕 係煲湯魚上面用洗潔精洗嘢🆘
惡行3💢用洗菜嘅盤浸奶 用煲湯坐奶 🤷🏻♀️用抹枱布抹奶粉罐內錫紙 用手指抹奶樽圈邊 🤦🏻♀️
惡行4💢不顧BB安全 手抱bb走近明火
惡行5💢蒸雞就咁飲啲蒸雞汁 比返我食
翻睇CCTV 先發現原來我日日食緊佢口水🤮
惡行6💢自己該做嘅嘢唔做好 仲要點工人姐姐做嘢同鬧佢😑
惡行7💢叫我買尿布台 結果冇用 佢懶到坐系沙發放bb系大髀就咁換片 bb一郁就好易跌落地
惡行8💢極度懷疑佢唔識照顧bb 連抱bb餵奶姿勢都唔正確 😡
惡行9 💢口罩唔帶好 就咁掛一邊耳 一係就唔好帶 一係帶返好 咁樣帶一半仲多菌🦠
黑心陪月太多惡行數唔晒
當初簽約前會面拎哂啲證書出黎 又話自己有中醫證書 通乳證書 怪自己冇做好功課就簽約
我係擇日子入院催生 早一個月已通知黑陪幾號入院 幾號出院
到我系醫院嘅時候收到黑陪Wts話出院當日同出院第二日都要3點早走因為要復診
黑心陪月第一日
出院返黎 食咗一餐晏晝 咩都冇準備過 佢同bb沖完涼就走咗
佢對鞋同對襪就咁除系廚房 (屋企門口有鞋櫃)
走前話幫我沖奶都冇沖到 搞到我地仲系到搵陪月沖好支奶系邊
薑水裝咗喺個煲度又冇煲過 結果要自己煲
個雪櫃有碟排骨醃都冇醃過 同一舊肉冇切過 我打過去問佢話係晚餐 叫姐姐醃咗佢同炒菜🤦🏻♀️
當時諗可能因為咁岩佢呢兩日要早走 太趕時間
‼️事後睇返閉路電視第一日黎,已經不停用手偷食‼️
黑心陪月第二日
之後第二日都係咁 啲野咩都唔做
我就問佢 佢話我叫咗我姐姐做 然後長期都係喺個廚房入面 bb長時間自己系客廳冇人理
用煮飯筷子食嘢唔洗再拎黎煮野食
徒手撩蝦醬醃肉 仲要唔帶手套
唔識用智能垃圾桶 用手拍個垃圾桶 個口罩就咁喺地下又唔掉
餵奶餵到一半 抱埋bb入廚房走近明火 拎支奶放落個湯煲到加熱 (屋企明明有暖奶器)
-臨收工時仲要打包一盒飯同懷疑偷走咗我屋企一隻膠羹離開
黑心陪月第三日
就咁啜我啲蒸雞汁 比返我食 要我食佢口水
系啲魚上面用洗潔精洗嘢 啲魚攞返嚟煲湯俾我飲
自備水壺打包代茶 然後佢連渣都唔放過剩徒手拎嚟食😑
打包代茶都算 個重點係塊百潔布枱布同啲魚 全部放喺洗手盆擺埋一齊 然後佢食完代茶剩低啲無花果吐返落去洗手盆到😑 🤦🏻♀️ 啲魚拎返黎煲湯
‼️毫無衛生常識‼️
偷人奶事件
飲一半都唔夠飲埋另一半
飲完人奶 沖奶粉比bb 呃雇主 bb已飲人奶
原來黑陪自己飲咗 仲要用洗菜盤坐奶
-用抹枱布抹奶粉罐
黑心陪月第四日
成架惠康車推上我屋企
煮好既菜芯每條都要拎上手左擇右擇
一邊煮一邊食 對煮飯筷子食完唔洗拎返黎煮餸
私藏一碗湯系雪櫃諗住第二朝飲
忍咗佢第四日佢同我講姐姐朝頭早可唔可以唔好做家務幫佢手
中午姐姐已經幫佢手 佢仲要咩都唔做😑🤷🏻♀️ (呢啲唔係佢應該做的嗎?點解要點姐姐🤔?)
如果雇主屋企冇工人咁點?
之後第四日佢準備收工 都係冇薑水 我就問佢
跟住佢又話叫咗姐姐做 咁我之前已經講過 姐姐都有自己嘅嘢做(我就忍唔住 話呢啲係你應份)
佢仲要鬧翻我姐姐轉頭 話我姐姐講極都唔明
我就好嬲 ‼️毫無責任感仲要推卸責任‼️
佢離開後我上網一打佢個名 得知佢原來係知名黑陪當晚即時終止合約
黑心陪月第五日
上黎話拎返佢對鞋同圍裙 但係入到屋換鞋 諗住坐底 厚面皮問我做乜炒佢 行到勁近好似凶我咁 真的好可笑 佢自己睇下到底咩行為🤦🏻♀️
仲話要拎啲買餸單走 話未計好數 但第四日收工前明明話計好數 放系枱面
到我老公行出黎開聲鬧佢先肯走