舊式公屋翻新.jpg
居家環境舒適,可以令生活質素大大改善。藝人陳葦璇最近就在YouTube 分享,她以 $9,000成本,幫一位素人全面改造家居。成功令一間「恐怖級」的邋遢舊式公屋,變得乾淨企理、設計感及空間感大增,令屋主都不禁大呼「難以置信」!
我要做個收納師ep.21 | 《素人家居改造系列》 🤯$9000舊式公屋DIY大改造‼️污糟多塵程度達恐怖級🥶最後竟然改到小清新的廚房?浪漫滿屋陽台?✨
陳葦璇(Kira) 是 ViuTV《全民造星III》的參賽藝人,亦是完成了收納課程的收納師。她在YouTube上載了一系列「我要做個收納師」的短片,分享她幫不同素人改造家居的過程。最新一集要改造的屋所是一間舊式公屋,呈開放式設計,廁所及廚房都在陽台位置。原屋主缺乏收納意識,令居所變得非常混亂,到處都是灰塵及霉漬,陳葦璇形容為「恐怖級」、「最污糟的屋企」。
最後陳葦璇花費了$9000,為屋主進行了大清潔、添置家俱、重新整理空間、裝飾等。她強調如果涉及裝修工程就超出能力範圍,所以她只用了DIY、執拾及軟裝的方法,去提昇居所的質素。有不少網民均留言大讚,「收納分類令到單位更好用」、「令平平無奇嘅居所生色不少」、「好有室內設計感覺」、「比原本舒服好多」。屋主亦非常滿意效果,大嘆「難以置信」,改造過程及效果詳見圖輯。
資料來源:陳葦璇Kira @YouTube
網友點睇?
其實所有改造片都好欣賞 亦都真係覺得你好勁,但係開始有少少覺得搵你幫手嘅情況已經over左改造咁,吾止係幫忙收納分類令到單位更好用了,而家好似係要幫屋主執埋屋做埋設計仲要做埋清潔,我明白識得執就未必需要搵人幫,但係基本清潔下屋企先,預先自己分下類先都要掛😥作為睇開你嘅觀眾 有少少覺得好似利用緊你咁,當然你開心就冇問題,只係睇片會有呢個感覺
你揀嘅地板貼同埋廚房淡綠色真係好靚,令平平無奇嘅廚房生色不少! 你真係好有裝飾嘅天份,而且好實用
算我直言, 作為一個女人睇完你今集, 個屋主應該都係一位年輕女士,但點解佢可以忍到自己每日生活的屋企咁污糟,凌亂😱 我見到佢露台廁所嘅洗手盆,入面係勁污穢不堪!如果你唔介紹佢唔講野,我以為你今集係幫緊舊屋村的七八十歲行動唔方便的老人家執屋!
kira你布置全屋實用,美觀,陽台燈有浪漫感,好有室內設計感覺,但屋主只係欣賞換了床單的的舒適感😅
辛苦哂,加油❤
改造後好好多❤希望屋主會好好善用你改造既每一個地方,keep住整齊企理
我覺得你已經唔止係收納師喇,仲係一個室內設計師呀,好鍾意你唔同風格既decorations呀😊 另外,對你改造既單品都好有興趣呀,請問會有條片介紹常用既單品嗎?
露台燈幾靚,梳化位都好舒服,間屋真真係超級污糟,做得好有心,超讚啦。屋主真幸運,有你哋幫手大清潔及整理,新氣象超舒服
點解屋主可以容忍到屋企咁多麈咁污糟😂
因為喱一隻我追番曬所有收納片🤣 葦璇真係好勁!好欣賞!平時我睇片都唔會留言既 喱一集係令我忍唔住要留言 想支持下葦璇💪🏻💪🏻
Kira 娶得過肯定係個好老婆
如果屋主唔改壞習慣, 好快間屋就會打回原形, 污糟邋遢。
真係接受唔到貓玩具咁污糟😂辛苦曬kira😂你好有sense 我最中意露台上面d燈❤