絕對認同你講坪石邨嘅主任好好人（可能係同一個），因為我上年搬走，個主任好耐心講解搬走前要注意嘅事項，需要還原嘅嘢等，聽過好多人話拆咗啲嘢要賠錢比房署，結果我係可以拎返晒按金走,以前帶小朋友去平台玩，成日都聽到紅石嗰個人大叫，出入盡量避免經過佢門口啦，費事俾佢嚇親

紀錄：香港公屋派樓 8月頭首派漁灣邨，因老人家不熟悉港島區，所以並不考慮，只在電話中拒絕。 [image: 1695303365440-%E9%A0%86%E5%A4%A9%E9%82%A83.jpeg] 9月中二派順天邨，事前親身去視察過周邊環境，天權樓若有40年樓齡，樓層有60個單位，走道很大很乾淨，鐵閘木門也很穩固，隔壁鄰里非常友善，還讓我們入屋參觀。 觀察所得：門口偏向中間右邊位置（如圖3大門正對陽台門），大床只能安在靠廁所那一邊，但電視天綫位卻在大門左邊，感覺並不方便間房。 [image: 1695303365169-%E9%A0%86%E5%A4%A9%E9%82%A82.jpeg] 樓下有不少食肆如大快活、酒樓、茶餐廳、日本城、360等商店，還有公廁，公園遊玩設施也挺多，環境安靜老人多，初審時會要的基率是75%。 就是沒有街市買菜較不方便，要走去順利邨或秀茂坪邨，也不近地鐵站出入必須轉車，打車等的士也要等很久。 到了預約視察單位當日，職員非常盡責的講解了這個單位的優缺點和問題，（廁所小、所有喉管都在廁所或廚房內、不能拆廁所門、地鐵站步行上山要花快 1個小時，樓下是領滙物業如遇維修問題需要自行和對方商確等）沒有任何隱瞞，讓我們好好考慮。 [image: 1695303365027-%E9%A0%86%E5%A4%A9%E9%82%A81.jpeg] 睇樓時又問了帶我們上去的叔叔，說天權樓現時有若50個空置單位，都是老人家居多，而我們所派單位已空置一段時間，所以可享首半年交半租。 基於交通和維修問題，我們最後也拒絕了二派，選擇等三派，建議各位還是親身去看一次再決定最穩妥。

唔虛報就唔會有事咖啦...咁你事實係虛報左....有咩結果都要受好正常呀!

@魚仔 是的

想了解下非長者一人單位係唔係真係要排30年，有冇師兄而家排緊非長者一人單位想了解下，或者已經上到樓嗰啲想問下究竟要排幾耐先可以，我計過自己個分數差唔多60歲先上到樓 網友回應： 睇你邊度出世啦 咪聽人講啦，無可能30年，20年左右啦 同事最後放棄左，佢由2010年揾9千左右，到今日已揾3萬5。你要前途定公屋？ 50歲開始排應該會快啲，我上個月先收到信今年27，我估我應該都要排到57先上到樓 睇吓有冇社工幫 . 但預左就算幫你... 房署一定送D骨頭/ 老人屋過你 一般都吾洗60歲嘅！因為你會結婚生仔，不斷加人數，排10幾20年啦！除非你成世吾結婚，咁就要過60歲先排到 基本上唔理幾歲申請，都要56歲以上才有機會到首派！ 其實好難keep住一直都咁低收入，一人$12900。捱多兩年都死 特快先上長者屋聽講最快2年半搞掂 我朋友半佰，上年衹有三八十分申請特快長者公屋(共用厨厠)，即批連見主任兩個月即上樓了，也要有五十八以上才有機會見主任，因為他們會想你轉長者條龍時就比的。 我今年54歲，等左14年，幾個月後審查，審查後再等大約2年先派屋，我係以我分數嚟計進度。 原PO： https://www.facebook.com/groups/649256063541218/posts/840153541118135

見完主任既小小分享，希望幫到咁多位谷友 我係見面時間前提早左45分鐘去到樂富，一到場已經超多人。。。咁就去1號位度登記，原來佢有水牌寫住邊段時間見主任，咩時間黎登記。咁水牌轉到自己既時間，去排隊，比張約見信拎籌就望電視機等自己號碼出現去房度見主任喇 入去既時間同信上面既一樣，好準時。主任要咩就比咩，正副本拎晒出黎，細心聽主任講就可以。有咩唔識填同主任講就可以，佢會教你填，幸運既係我遇到既主任都好斯文，態度好好。主任叫你簽名就簽名，拎咩就拎咩，搞惦晒主任就話2，3個月就會收到信通知結果 見完主任第2日轉左黃字，希望順順利利轉s2啦，一家等左8年喇，都希望大家見主任順順利利

當年都是選舊屋，新屋太细，但附近環境就不乾淨，但是夠方便

第二派派左去石硤尾邨22座，請問有冇人住喺隔籬左右，17年之後有冇人住836室？係唔係好猛鬼？我見特快又無這單位，我又冇申請特快公屋，都唔知點解會配給我，本人因為有小朋友所以要了解清楚，謝謝🙏 石硤尾邨22座8樓836室 2017/06/07 1名男子於下午2時44分被發現在單位內吊頸 自殺,消防員到場檢驗證實已經死亡 有標明凶宅，但係地點非常方便和層數好好，我就好喜歡，但之前小朋友在住的地方幾常見到好兄弟又病，所以搬屋…… [image: 1694997987430-378987468_10160005146452613_8947653173070079801_n.jpg] 有小朋友，真係唔會想住呢啲地方，同埋呢啲有問題嘅單位唔當一次，唔要嘅話再等正常嘅好過！大家都係有小朋友嘅家長，你俾我就唔會博！ 原文：https://www.facebook.com/groups/649256063541218/posts/837589784707844/

該女網民於公屋Facebook群組撰文，表示以3人家庭申請市區公屋單位，在7月底收到房署首次編配在興華二邨展興樓一低層單位，但因不合心水，最後果斷拒絕接受。直至本月初，樓主再收到房署的二派單位信件，同時亦有最新特快單位名單中，發現其首派單位亦在名單內，更表明接收者將獲免租8個月。 [image: 1694945656270-%E6%88%BF%E7%BD%B2%E9%9A%B1%E7%9E%9E%E7%89%B9%E5%BF%AB%E5%85%AC%E5%B1%8B%E5%90%8D%E5%96%AE2.jpeg] 不少排隊等候公屋人士也盼望早日獲得心儀單位，有網民最近分享首派經歷，表示當時由房署編配興華二邨的單位，但最後拒絕接受。及後收信獲二派單位，卻同時在最新的特快名單中竟出現當初的首派單位。樓主即質疑房署隱瞞該有問題單位，「咁嘅情況下，我係咪無咗一次派樓機會？但點解要咁隱瞞我？」。有網民則解釋，列入特快名單的公屋單位未必有問題，亦有可能是因為「可能佢（該單位）連續俾人拒絕咗好多次，今期先至跌咗出嚟」。 [image: 1694945663194-%E6%88%BF%E7%BD%B2%E9%9A%B1%E7%9E%9E%E7%89%B9%E5%BF%AB%E5%85%AC%E5%B1%8B%E5%90%8D%E5%96%AE.jpeg] 樓主即懷疑該單位有問題，房署當初卻隱瞞實情，故感到不甘：「我當時一派信係無寫到係問題單位，都無話有免租。咁嘅情況下，我係咪無咗一次派樓機會？但點解要咁隱瞞我？」樓主更坦言：「覺得房署咁都要呃我，好委屈。」 網民紛紛留言表示事實並非樓主所想，「有免租係因為長期空置，唔屬於問題單位 」、「特快唔一定係問題單位架，都可以係長期租唔出嘅單位」、「不如你睇吓上一期有冇呢個單位好過啦，今期有唔一定代表佢係有問題，只係可能佢連續俾人拒絕咗好多次今期先至跌咗出嚟，咁啱你係最後嗰一次」、「打電話去房署問清楚最實際」。 根據房委會網站資料，「特快公屋編配計劃」所推出的單位有部分單位曾涉及不愉快事件，又或是層數、座向、以至單位的設計等較為遜色；凡願意入住「有效空置期」達12個月或以上的租戶，可享有租金寬減一半的優惠，寬減期視乎單位有效空置期而定。 特快公屋編配計劃 「特快公屋編配計劃」 (2023年) 的公屋自選單位程序將會於2023年9月13日開始進行，首批為二人或以上家庭申請者，第二批為一人申請者。房屋署會視乎剩餘單位所屬地區和類別，根據各合資格申請者的揀選單位優先次序、地區及單位類別選項，分批邀請他們出席揀選單位程序。在仍有合適單位可供揀選的情況下，房屋署大約會於各申請者的自選單位日前一星期，以郵寄方式發出自選單位通知書。房屋署有權更改或把揀選單位日期延後。上述安排均以房屋署的最後決定為準。倘若自選單位程序未能如期舉行，房屋署將會在香港房屋委員會(房委會) / 房屋署網站公布，但不會個別通知申請者。

香港公屋 終於等到你 [image: 1694883510855-1040g00830p01lmrq3o004a3c8oof45tooekcs78-nd_whgt34_webp_wm_1-copy-1.jpg]

香港公屋🥳順利畢業🎓 我是3個人申請的 [image: 1694881743188-%E7%9F%B3%E6%8E%92%E7%81%A3.jpg] 第一派柴灣。好處是交通方便但是太小了 3個人目測只能一間房 達咩了🙅🏻‍♀️ 第二派觀塘。交通不方便，要坐小巴15分鐘才到地鐵站 空間比之前大了一點，但是交通實在不方便而且房子裡面的設計好奇怪，還是拼拼第三派冒險一下 第三派石排灣。想都不敢想的20樓齡還不到的夢中情樓呀，終極一派呀簡直了家人們，太開心了吧🥳本人本來就住附近，工作也在附近呀，以後也太方便生活了吧，都是熟悉的地方和朋友🥰 [image: 1694881881683-646e2d935f091cd72a32cade.jpeg] 小氣鬼 🇭🇰定居香港 00年 一個在控制體重的吃貨 他肥我瘦👩‍❤️‍👨 下文：不用房署翻新收$14,000裝修津貼！三派石排彎公屋收樓片分享

各位，請問如果本身有公屋名，但已搬離好幾年,已父親為業主唔肯刪名，亦失去聯絡，因現在我有一小朋友只有一歲，已單親，但未離到婚，前夫已移民外國幾個月，想問一下我可透過社工幫忙刪公屋名再申請排單親隊嗎？或者可分戶？謝謝各大神解答 BB剛出世既時候我坐月老公有打過我，我報警，我老公話我有產後抑鬱，啲差佬就大事化小，無再理過，咁算唔算家暴？呢一年佢無出手打我，但都有大聲恐嚇，只係我無報警 因我父親有加我名換大房，但換完之後，我就搬左出黎幾年，又同父親失去聯絡，搵唔到佢刪名，而家我想同個女再申請公屋可以嗎？ 我盡量都唔想影響我爸爸，始終年紀大，如果自己解決到就唔好打擾，我好明白我情緒會影響到小朋友所以我都盡量樂觀面對 最慘我係搵唔到我爸爸，失去聯絡，而家我又離唔到婚，個女又細，又搵唔到工，我只係想申請公屋，到時可以比個女上到樓，我都好傍徨，朋友都幫唔到幾多，我都唔知點生活… 前夫本身有一婚前物業，但因唔想比贍養費，自行移民外國，我同個女現時都只係朋友暫住，但單方面離婚又要等2年，咁我可以再申請公屋嗎？ 原文： https://www.facebook.com/groups/649256063541218/permalink/838499894616833/

其實係咪真係有變過⋯⋯ 第一次同第二次隔一條街 個主任都話唔知點解會咁😮‍💨 大家覺得點？博第三次？ 屋企老人家坐輪椅，出入感覺唔方便，今日去睇過下。 唔係電腦分配的，屋邨個社工話係房處人員打電話落來話呢間派比我的 [image: 1694819333249-img_1349.jpeg] 今日去左睇，係舊哋，同埋都係斜路，唔太適合屋企老人家，間屋翻新緊，要等個幾月，諗緊等定博，都係差唔多時間。 原文： https://www.facebook.com/groups/649256063541218/permalink/838140984652724

申請緊離婚+拎綜援(我+兩個小朋友) 咁啱有信見主任(申請人係前夫)點算好？ 最後只想小朋友有安樂窩…不想分戶再等* 男方唔畀贍養費…所以無絕對離婚令 想畀小朋友上樓, 又想有綜援support住（因為無人幫到手湊小朋友）所以想請教大家點做好？ 咁見主任時洗唔洗同佢講我申請緊離婚? 原文：https://www.facebook.com/groups/649256063541218/permalink/837550664711756/

我知道有啲話香港人唔啱聽 但係其實好多新移民都排咗好耐 睇返通常離島新界 同埋2人隊，5人隊以上，係會快啲 通常小朋友可以好快申請落嚟香港 但母親依然未申請到落嚟 所以通常父親會和小朋友排2人隊 所以佢哋分分鐘係快到屋， 然後再加新移民老婆轉擠迫戶 另外一個原因 我覺得佢哋成日北上， 所以佢哋唔介意選擇新界，  最後一個原因 我覺得佢哋特別肯生小朋友 我見到有個新移民內地女人， 上年22年上咗間新公屋 有4個小朋友 但係佢個大女已經係小五 都起碼11,12歲喇 咁你自己計吓佢其實排咗幾耐？ 老實講，想快啲申請到公屋 倒不如舉報人哋有冇濫用公屋？ 啲師奶成日話 自己個仔賺幾萬蚊一個月 賺咁撚多錢，仲住公屋？ 一係就虛報 一係就除咗名 仲有啲申請咗公屋 成日掉空返咗大陸嘅 原文：https://www.facebook.com/groups/649256063541218/permalink/838041074662715/ 

今日喺石籬1邨，個保安帶我上樓睇單位，見到佢打開個鐵閘之後，首先敲門，然後才用鎖匙開啟木門.... 到底係有啲嘢定係佢哋嘅傳統儀式呢？最終睇完唔係好啱心水拒絕咗。 各位同學仔之前有冇遇見過相同的經歷？😨 入到去見到一個大嘅主力牆，喺入邊睡房區，一定要喺入邊揀一個牆，兩間房，每次都要喺同一個入口入，四個人太擠迫了！ [image: 1694788986938-379181770_10161067501799293_1636760869068327631_n.jpg] 呢一個就係主力牆 睇完圖就覺得奇怪，點解會有個咁嘅牆喺度？跟住上到去睇。睡房區可以中間分間。廁所比較細沖涼都有啲辛苦！

搬新屋都有可能係因為本身住得唔舒服

@NaNa321 茵怡好唔好，我前几日收到房协信，前日收到房屋署信g

房屋署最新一期「特快公屋編配計劃」今日（9月13日）起開始揀樓，記者早上9時到樂富揀樓中心時約有20人在排隊。有揀樓人士表示已輪候公屋達9年，居住僅約百多平方呎劏房，環境極差，坦言不介意居住凶宅，「只想盡快上樓」；有未成功選樓的市民則直言失望，認為今次可供家庭揀選單位只有約900多間，並不足以應付家庭需求。 [image: 1694599427287-%E7%89%B9%E5%BF%AB%E5%85%AC%E5%B1%8B%E5%87%B6%E5%AE%852.jpg] 為上樓連凶宅也不怕！歐女士已輪候公屋9年，她認為特快公屋可自行選擇心儀單位，相信比派樓更好，現時家中有3人同住劏房，衞生環境惡劣，房間有水渠的難聞氣味，僅約200多呎就需約5,000港元，希望選得沙田區的公屋，改善生活環境，直言「都唔會考慮係咪凶宅，希望可以盡快上到樓」。 [image: 1694599427363-%E7%89%B9%E5%BF%AB%E5%85%AC%E5%B1%8B%E5%87%B6%E5%AE%853.jpg] 歐女士希望可以盡快上樓。 陳女士表示輪候公屋近9年，現時居住東涌，單位較細也不想再搬屋，認為已輪候太久，希望盡快上樓，嘗試特快公屋也能選擇更好的單位。她又稱有些問題單位仍可接受，目標選擇同區單位，她又指今次亦有嘗試參加「綠置居」，但主要仍期望以特快公屋為主，「綠置居息太高，唔一定供到，供到短期都唔一定供到長期」。 [image: 1694599427491-%E7%89%B9%E5%BF%AB%E5%85%AC%E5%B1%8B%E5%87%B6%E5%AE%854.jpg] 陳女士輪候公屋近9年。 未能成功揀樓的黃先生認為今次揀樓選擇較少，只有900多個家庭單位，而餘下單位地理位置不適合，也大多是老舊單位，故未能選得心儀單位，感到非常失望；現時居住單位租金昂貴，需要月租約1萬港元，卻只有百多呎，非常吃力，已輪候公屋9年，希望能盡快上樓。 [image: 1694599427236-%E7%89%B9%E5%BF%AB%E5%85%AC%E5%B1%8B%E5%87%B6%E5%AE%851.jpg] 現居觀塘劏房的周女士表示已獲派兩次單位，但均屬2至3人單位，單位細小並不適合，故今次以特快公屋成功選得較大的3人單位，她指雖然單位有些小問題，屬有人自然身故及不方便輪椅人士的單位，但只希望可盡快上樓，故也不太介意有些瑕疵。她又稱未曾計劃申請過渡屋，因「唔想搬來搬去」，又指兩年前已見房署主住，以為快將獲派公屋，結果也等了兩年時間才終於選得心水單位。 [image: 1694599427524-%E7%89%B9%E5%BF%AB%E5%85%AC%E5%B1%8B%E5%87%B6%E5%AE%855.jpg]

房屋署今日（9月11日）公布最新名單，公屋輪候時間徘徊在5至6年水平，一年一度的「特快公屋編配計劃」成為基層家庭「上樓捷徑」。 特快公屋單位名單 房委會今期「特快公屋編配計劃」有約2,000個受歡迎程度較低的公屋單位可供揀選，今日(11日)公布首批980伙的名單，後日(13日)起選擇單位。房委會今期共收到31,980宗申請，超額申請15倍。今期名單中共有11個單位為涉及兇殺案的「凶宅」，另有238個單位涉及自殺。11個「凶宅」包括涉及兩個去年發生命案的大角咀海富苑單位，分別涉及「三角戀」桃色事件引致的命案，以及一宗倫常慘案。 [image: 1694430432590-%E7%89%B9%E5%BF%AB%E5%85%AC%E5%B1%8B%E5%87%B6%E5%AE%852023.jpeg] 首批980伙周三起選擇單位 「特快公屋編配計劃」首批可供選擇單位的名單顯示，今期暫有11個曾發生兇殺案的「凶宅」單位，分別為葵涌大窩口邨富貴樓、葵涌邨映葵樓、石籬二邨石偉樓；屯門友愛邨愛暉樓、元朗朗屏邨賀屏樓、天水圍天恒邨恒健樓、旺角海富苑海欣閣、海韻閣、牛池灣彩虹邨紅萼樓、彩雲二邨瓊宮樓，以及大埔廣福邨廣仁樓。 公屋凶宅名單 4伙所涉兇殺案去年發生 今期「凶宅」中暫有4個單位於去年發生兇殺案，包括兩宗位於海富苑的命案，其中涉及一宗「桃色事件」，疑兇懷疑死者與女友有染，向對方亂斬十多刀致死，自己亦因全身灼傷不治，另一宗則涉及一名照顧者誤將患有精神病的女兒勒死。而涉及兇案最久遠的「凶宅」位於廣福邨廣仁樓，房屋署資料顯示，該單位於1998年曾發生兇殺案。 11個「凶宅」單位月租為1,355至4,114元不等，單位面積介乎23.12至43.76平方米。另有238個單位涉及自殺。當中有5個單位可享12個月租金優惠，2個有8個月租金優惠，餘下4個則不獲優惠。 特快公屋名單2023 不受歡迎公屋名單2023 葵涌大窩口邨富貴樓1410室 面積 28.61m²｜月租$1,764 (免租12個月) *曾於2008年或以前發生兇殺案。 葵涌葵涌邨映葵樓104室 面積 39.74m²｜月租$3,648 (免租12個月) *2020年9月，46歲媽媽疑因照顧壓力爆煲，以垃圾膠袋或膠枱布綁繩勒斃中度智障長子。 葵涌石籬二邨石偉樓1611室 面積 39.79m²｜月租$3,661 (無免租) *2011年2月，七旬死者疑被內地來港妻子，以3呎長棍連砸頭部奪命。 屯門友愛邨愛暉樓1220室 面積 35.12m²｜月租$1,634 (免租12個月) *2009年5月，一對情侶疑濫藥後失常互斬，釀成女死男命危的兇案。 元朗朗屏邨賀屏樓2104室 面積 30.45m²｜月租$1,465 (免租8個月) *2022年2月，67歲婦人被丈夫毆打，頭部重創浴血倒打，最終不治。 天水圍天恒邨恒健樓3414室 面積 34.44m²｜月租$2,295 (無免租) *2019年10月，16歲女童被母親施以藥物及以刀襲擊，當場死亡。 旺角海富苑海欣閣2604室 面積 39.74m²｜月租$3,794 (無免租) *2022年11月，疑兇懷疑暫住其家的死者與其女朋友有染，向對方淋懷疑通渠水，再亂斬10多刀將對方劈死。疑兇同樣全身灼傷，最終不治。 旺角海富苑海韻閣1415室 面積 43.26m²｜月租$4,114 (無免租) *2022年3月，七旬老翁疑獨力照顧患精神病女兒，壓力爆煲，被女兒以雨傘襲擊後，激動還手，誤將女兒扼至窒息死亡 牛池灣彩虹邨紅萼樓217室 面積 24.10m²｜月租$1,562 (無免租8個月) *2022年，一名男子上門還債時，懷疑因未能還清，被人用刀插死。 牛池灣彩雲二邨瓊宮樓1202室 面積 39.76m²｜月租$62,55 (免租12個月) *2015年4月，一對同居男女疑因事起爭執，持刀互斬，事件中男子死亡。 大埔廣福邨廣仁樓1326室 面積 23.12m²｜月租$1,355 (免租12個月) 曾於1998年發生兇殺案。 資料來源︰房委會 特快公屋：可供揀選單位名單 可供揀選單位名單 (長者住屋) 可供揀選單位名單 (獨立單位) 特快公屋編配計劃 「特快公屋編配計劃」 (2023年) 的公屋自選單位程序將會於2023年9月13日開始進行，首批為二人或以上家庭申請者，第二批為一人申請者。房屋署會視乎剩餘單位所屬地區和類別，根據各合資格申請者的揀選單位優先次序、地區及單位類別選項，分批邀請他們出席揀選單位程序。在仍有合適單位可供揀選的情況下，房屋署大約會於各申請者的自選單位日前一星期，以郵寄方式發出自選單位通知書。房屋署有權更改或把揀選單位日期延後。上述安排均以房屋署的最後決定為準。倘若自選單位程序未能如期舉行，房屋署將會在香港房屋委員會(房委會) / 房屋署網站公布，但不會個別通知申請者。 公屋命案 今次上榜的兇宅單位中，有三個曾於去年發生兇殺案，當中兩個是新上榜，均位於深水埗的海富苑，其中一個為F座海欣閣的高層單位，資料顯示，該單位面積39.74平方米 ，租金3,784元。 [image: 1694431324806-%E6%B5%B7%E5%AF%8C%E8%8B%91%E5%87%B6%E5%AE%85%E5%90%8D%E5%96%AE.jpeg] 2022年11月29日，海富苑海欣閣高層單位發生命案，遇襲男子全身浴血，有灼傷痕跡，送院後證實不治。 深水埗海富苑F座海欣閣高層單位 翻查資料，該單位去年11月底疑爆出「三角戀」桃色糾紛，64歲死者暫住疑兇家中，疑兇懷疑死者與其女朋友有染，怒極向對方狂淋懷疑通渠水，繼而亂斬10多刀將對方劈死。案發後，疑兇同樣全身灼傷，一度畏罪企跳尋死，獲救送院搶救，數日後不治。 海富苑海韻閣中層單位 面積為43.26平方米，租金4,114元。該單位去年3月曾發生懷疑殺女倫常命案，獨力照顧患精神病女兒的七旬老翁，疑經常被失眠的32歲女兒襲擊，在壓力爆煲，事發當日再被女兒以雨傘施襲，他激動還手，誤將女兒扼至窒息死亡。 彩虹邨紅萼樓的低層單位 另一個去年發生兇殺案的單位為彩虹邨紅萼樓的低層單位，該單位去年已上榜，今年「冧莊」，資料顯示，該單位面積24.1平方米 ，租金1,562元，並已由去年不設租金優惠，增加至可享8個月租金優惠。 事件發生於2022年。翻查資料，一名39歲電工曾向友人借款約2萬元，電工當日前往其彩虹邨紅萼樓住所還錢，惟他沒有足夠的金錢償還債務，只能先還9,000元。友人一怒之下走入廚房，取出一把長約一呎的牛肉刀，疑插向死者右鎖骨對下位置，其後電工證實不治。 富貴樓 映葵樓 愛暉樓 瓊宮樓 另有4個單位，前年亦曾出現在特快公屋編配名單，之後疑似被揀走，相隔一年後再度上榜，包括大窩口邨富貴樓、葵涌邨映葵樓、友愛邨愛暉樓、彩雲二邨瓊宮樓的單位，4個單位均可獲一年租金優惠，單位面積為28.61至39.76平方米，租金為1,634至3,648元。 葵涌邨映葵樓低層單位 前年首次上榜，資料顯示，該單位在2020年疑發生倫常謀殺案，一名21歲青年疑遭母親餵下安眠藥後，再遭母親用膠帶勒斃，死者為智障人士。事發時一家人均在屋內，死者遇害時其13歲胞弟懷疑目睹事發經過。 牛池灣彩雲二邨瓊宮樓中層單位 2015年曾發生斬人命案，涉案男女是一對年齡相差21載的「母子戀」，二人在單位內發生爭執，分別用菜刀和生果刀火併，最終釀成悲劇。 友愛邨愛暉樓中層單位 2009年曾發生兇殺案。雖然該單位曾出現在2018年的特快公屋編配名單，但後來的名單已不見蹤影，懷疑曾經被揀走，前年再度上榜，翌年又再消失，今年第三度在名單中出現。 翻查資料，2009年該單位曾發生情殺案，一名有吸食冰毒習慣的19歲青年，懷疑同居女友與兄長有染，揮73刀將女友斬死。事後被告企圖自殺，狂斬自己的肚和四肢，之後判囚終身。被告曾向警方表示，案發前數天曾吸食冰毒，並令他出現幻聽，案發時見女友變成「豬頭人身」怪物。 除了兇殺單位外，名單上亦有曾發生追討欠債、具心理影響事件、自殺或意外死亡事件、前住客曾受其他住客滋擾、自然身故等單位，部份可獲租金優惠。入住「有效空置期」達12個月或以上的租戶，可享有租金寬減，寬減視乎單位有效空置期而定。 值得留意是，若申請者接受自選單位的編配，在租約生效日期起計3年內，申請者和家庭成員都不可以要求調遷。而申請者若透過「特快公屋編配計劃」獲編配公屋單位，在公屋單位首次租約生效日起計3年內，將不合資格申請購買綠置居單位。 請按以下連結查閱二人或以上家庭申請者之自選單位日期(定時更新)﹕ 二人或以上家庭申請者之自選單位日期