[image: 1700937505534-%E9%A6%99%E6%B8%AF%E7%B1%A0%E5%B1%8B20%E5%91%8E%E6%9C%88%E7%A7%9F2000.jpg] 香港籠屋 2平方月租 2000蚊，家輝哥後悔以前行錯路，希望今後好好做人 https://streamable.com/h46324

[image: 1700917594674-31%E8%90%AC300%E5%91%8E%E5%85%AC%E5%B1%8B.jpg] 香港一家3口住27平米的生活 [image: 1700917627032-%E8%B2%B7300%E5%91%8E%E5%85%AC%E5%B1%8B2.jpg] https://streamable.com/86yl12

[image: 1700913758458-%E7%B2%89%E5%B6%BA%E5%85%AC%E5%B1%8B%E6%AF%92%E5%93%81%E5%80%89.jpg] 前日（11月23日）海關人員在機場截查一名由北美洲抵港入境的華裔女旅客，在其行李箱內檢獲8支洋酒，因該批酒市價較低，由外地運入的可能性不高，關員機警地察覺有可疑下作進一步調查，最終揭發內藏共12公斤懷疑液態可卡因。 海關搗破一宗涉及運毒入境及使用公營房屋作毒品儲存倉的販毒案，人員其後再拘捕一名懷疑涉案的華裔女子，經調查後昨日（11月24日）在粉嶺一個公營房屋單位搗破懷疑毒品儲存倉庫，再檢獲8支共12公斤懷疑液體可卡因及不同種類的毒品，同時拘捕兩名本地男女。整項行動共檢獲24公斤懷疑液態可卡因及530克不同類型懷疑毒品，市值3010萬元。4名被捕男女被暫控販運危險藥物罪，將於下周一（11月27日）在西九龍裁判法院提堂。 [image: 1700913866474-_glcskzcmwrgdjm2v0xtxtzo51nlfp3j9eiry9doq8s.jpeg] 行動中共檢獲24公斤懷疑液態可卡因及530克不同類型懷疑毒品，市值3010萬元。（梁偉權攝） 海關機場科人員前日（23日）透過風險評估，截查一名由北美洲抵港入境的華裔女旅客，在其行李箱內發現8支用包裝紙包裹的酒樽，檢獲共12公斤懷疑液態可卡因，市值1,500萬元。人員其後在尖沙咀拘捕另一名懷疑涉案華裔女子，據悉認識該名女旅客，經調查後懷疑有人將毒品收藏在粉嶺一個公屋單位內。 人員在昨日（24日）中午時分截查一名本地男子，並在其身上發現小量毒品，其後押解他到粉嶺的公營房屋單位搜查，在單位內檢獲8支共12公斤懷疑液體可卡因及500克不同種類的毒品，人員隨即拘捕該名男子及屋內一名本地女子。 海關在行動中共檢獲24公斤懷疑液態可卡因及530克不同類型懷疑毒品，市值3010萬元。案件中共拘捕4人，首兩名華裔女子年齡分別27及33歲，報稱職業為代購人士，而在粉嶺毒品儲存倉內拘捕的一男一女年齡分別為18及17歲，報稱職業為搬運工人及無業。四人被暫控販運危險藥物罪，將於下周一（27日）在西九龍裁判法院提堂。 據了解，該毒品儲存倉已運作逾半個月，相信毒品運入香港後將存放在倉庫，再由其他人分銷，供應本地市場。 [image: 1700913870473-t3xmlf54p5hnjgm-srkhouf0x-_fjjvmi6azaaaggqa.jpeg] 海關毒品調查科毒品調查第二組高級調查主任楊偉漢表示，行動中共檢獲24公斤懷疑液態可卡因及530克不同類型懷疑毒品，市值3010萬元，並共拘捕4人。（梁偉權攝） 海關毒品調查科毒品調查第二組高級調查主任楊偉漢表示，販毒集團利用酒樽收藏懷疑液態可卡因，表面看不到任何瑕疵，但海關人員警覺性高，發現其市價比較低，在外地運入的可能性不高，最終成功截獲該批毒品。而且，人員迅速調查跟進並拘捕其他涉案人士，成功阻止毒品流入市面。海關又稱，販毒集團以為可以瞞天過海，偷運毒品入境，強調海關有決心從源頭打擊，堵截毒品流入本地市場，並相信已成功瓦解販毒集團。 [image: 1700913874950-ksctwhsimj4fvnz2qunix8ynmc4mpjfpl4rsplkebkq.jpeg]

[image: 1700897776535-%E5%A4%A7%E5%9F%94%E8%8F%B2%E5%82%AD%E5%85%AC%E5%9C%92%E9%A3%B2%E9%85%92%E9%A3%9F%E7%85%992.jpg] 有冇大埔街坊認得自己小朋友？3個姐姐帶住小朋友係度吹風、食煙飲酒… 網友點睇？ 你唔比個小朋友系佢架 呢啲似係有問題嘅兒童輪椅？ 要壞嘅唔一定食煙飲酒～～ 好chill 中童黎，仲小朋友？ 有「為所欲為」證 俾小朋友食二手煙真係唔好 飲老金 識飲喎，金牌嘉士伯 [image: 1700896865848-%E5%A4%A7%E5%9F%94%E8%8F%B2%E5%82%AD%E5%85%AC%E5%9C%92%E9%A3%B2%E9%85%92%E9%A3%9F%E7%85%99.jpg]

[image: 1700863740784-img_4331.jpg] 請敎各位大哥大姐，外母一家3人申請咗8年，剛剛收到信要見主任做入息審查，但佢哋三個合共資產剛不過限額，但最後發現外母多年前已有份人壽保險，現金價值有約20萬，現在限額就係超咗呢份保險，噉樣係咪會俾房署取消資格呢？ 網友點睇？ 香港房屋政策CLS的，我兩公婆揾6.4萬要養3個老人一個細路，兩個家都有洗費，我都唔知點儲到首期。 好似不計喎，問清楚先，人壽保險應不計在內 點解唔計，睇反年度現金價值，一樣要計 有現金價值就計資產，利息計收入 保險是計的、我見主任時特別提到有冇買保險。 人壽保險冇現金價值成份嘅就唔計啦 死咗先變遺產，所以唔會計 但有啲係有儲蓄成份，定期攞返錢，當時現金價值就計㗎 人壽保險保障唔計，因為在世拎唔到出黎用既，但保單入面既現金價值同紅利就計資產，因為隨時拎到出黎 窮人係唔可以買儲蓄保險 爆咗未取消份保險攞返份錢出嚟.兩年之內上訴 報東張攪大佢 即刻將保險轉名 政府好多福利都係因為要計埋 人壽保險呢樣嘢，令到好多有需要的人都沒法有資格申請， 在政府眼中原來窮人唔可以有保險保障的！ 我見主任時有現金價值就要計 應該係有儲蓄 紅利 果d保險先要丫 好似就算係人壽保險，但如有現金價值都要計算 咁強積金計唔計係資產？ 你覺得一星期內會處理到個保險咩，算啦，半年後再黎過，任何有金錢改動顯示係戶口到都好難解釋。有d野遲左就係遲左 原文：https://www.facebook.com/groups/649256063541218/posts/875565994243556/

[image: 1700862853929-%E6%B2%99%E7%94%B0%E7%A7%A6%E7%9F%B3%E9%82%A8%E7%9F%B3%E7%91%A9%E6%A8%93%E5%87%B6%E5%AE%85.jpg] 11月24日晚上7時，一名34歲張姓男子被途人發現倒臥在秦石邨石瑩樓對開地面，救護員到場證實他當場不治。警方經初步調查後，相信事主是從石瑩樓高處梯間墮樓，現場沒有發現遺書，但獲悉事主受精神病困擾，死因有待驗屍後確定。 求助網站和熱線： 香港撒瑪利亞防止自殺會熱線：23892222 醫院管理局精神健康專線：24667350 社會福利署熱線︰23432255 生命熱線：23820000 利民會《即時通》：35122626 明愛向晴熱線﹕18288 東華三院芷若園熱線︰18281 撒瑪利亞會熱線︰28960000 [image: 1700863029121-%E5%A4%A7%E5%9C%8D%E7%A7%A6%E7%9F%B3%E9%82%A8.jpeg]

[image: 1700835779891-%E8%91%B5%E6%B6%8C%E9%82%A8%E4%BE%BF%E5%88%A9%E5%BA%97_300%E7%9B%9C%E7%AB%8A%E6%A1%88.jpeg] 警方於上周四（11月16日）接獲葵涌邨秋葵樓一間連鎖便利店職員報案，指店內有4盒總值約300元的止痛藥不翼而飛。 葵涌分區特遣隊人員隨即翻查附近一帶閉路電視調查，並鎖定一名女疑犯，至今日（11月24日）下午約1時，在秋葵樓附近以涉嫌「盜竊」拘捕一名42歲姓古女子，她正被扣查，交由葵青警區刑事調查隊第六隊跟進。 [image: 1700835755122-%E8%91%B5%E6%B6%8C%E9%82%A8%E4%BE%BF%E5%88%A9%E5%BA%97-300%E7%9B%9C%E7%AB%8A%E6%A1%882.jpeg] 警方強調，盜竊屬嚴重罪行，一經定罪最高可被判監禁10年，市民切勿以身試法。 [image: 1700835746782-%E8%91%B5%E6%B6%8C%E9%82%A8%E4%BE%BF%E5%88%A9%E5%BA%97-300%E7%9B%9C%E7%AB%8A%E6%A1%88.jpeg] 涉案42歲婦人被捕後，由警員帶上私家車離開。（警方提供）

[image: 1700834596948-%E5%8F%8B%E6%84%9B%E9%82%A8%E7%81%AB%E8%AD%A6.jpeg] 今日起火單位位於20樓，住有一對夫婦、女兒和菲律賓女傭，事發時只有女傭在家。救出女傭的陳太稱，她在家中聽到女傭大嗌，以為對方跌倒，於是走來查看，「佢（女傭）係咁喊係咁喊，坐喺到喊」，此時有煙冒出，相信是發生火警。 11月24日屯門友愛邨愛德樓一個單位起火，當時屋內有一名菲律賓女傭，她高聲呼叫驚動鄰居，但疑驚慌下只懂不停喊，卻拒絕離開。鄰居陳太當機立斷，找來另一男街坊合力將女傭拉出。火勢隨後一發不可收拾，全屋焚毀。女傭獲救後，情緒尚未平伏，蹲在走廊喊。 陳太續說：「叫佢快啲出嚟，佢唔肯，唔知係咪想執嘢，又驚又執嘢。」陳太坦言不夠力將女傭拖出單位，於是連忙按門鐘找來鄰居朱先生幫手，「合力拖佢出嚟」，女傭獲救後情緒尚未平伏，蹲在走廊喊，此時消防員趕至協助。有街坊稱，火警疑是煮食引起。 [image: 1700834721605-%E5%8F%8B%E6%84%9B%E9%82%A8%E7%81%AB%E7%87%AD3.jpeg] [image: 1700834721660-%E5%8F%8B%E6%84%9B%E9%82%A8%E7%81%AB%E7%87%AD1.jpeg] [image: 1700834721709-%E5%8F%8B%E6%84%9B%E9%82%A8%E7%81%AB%E7%87%AD2.jpeg]

[image: 1700833021474-%E6%B8%AF%E5%B3%B6%E5%8D%80%E5%85%AC%E5%B1%8B%E6%88%90%E4%BA%A4.jpeg] 物業於2013年12月以約42.4萬元購入及持貨至今，轉手帳面獲利約147.6萬元，物業升值約3.5倍。本港樓市跌勢已成，未補價第二市場公屋亦跌至近年低位，就連港島南區華貴邨400多方呎單位做價亦跌至「1字頭」為逾9年最平。 港島區公屋成交 美聯蘇玉燕表示，該屋邨近期頻錄成交，其中，5座華賢樓中層5室，實用面積約407方呎，原業主叫價約200萬港元，並獲綠表客垂青，議價後於第二市場以約190萬元成交，呎價約4,668元。 據香港房屋委員會資料，上述同類面積單位近年鮮有第二市場做價低於200萬元，本月一個同面積中層戶登記成交價都要250萬元。而該類單位於2017年做價曾高達320萬元，而對上成交價低於「兩球」個案，為2014年12月，一個同面積低層戶以188萬元易手。 [image: 1700833095095-%E8%8F%AF%E8%B2%B4%E9%82%A8.jpeg] 關於華貴邨 華貴邨（英語：Wah Kwai Estate）是一條公共屋邨，位於香港島南區雞籠灣旁，興建目的主要是接收田灣邨及石排灣邨部份的重建戶，Y型大廈及商場由房屋署總建築師設計，外型呈W字型的華愛樓則由巴馬丹拿建築及工程師有限公司設計，為港島區首幢小型單位大廈，並由香港房屋委員會負責樓宇管理，由港島西區租約事務管理處負責屋邨租約事務，停車場由領展負責管理，現時已經成立有業主立案法團，華孝樓、華廉樓、華禮樓、華善樓和華賢樓由昇捷管理服務有限公司管理，華愛樓和公共用地則由嘉怡物業管理有限公司管理。

[image: 1700820362701-%E4%BD%8F%E5%85%AC%E5%B1%8B%E6%97%A5%E6%9C%AC%E6%97%85%E8%A1%8C.jpeg] 常言道：「住公屋得天下」，最近有網友於連登討論區發文稱「開始明白香港住公屋根本就係人上人」。網友發文剖析住公屋的各大好處，笑言是「做到公屋仔，方為人上人！」香港地寸金尺地，要買樓上車對大部分打工仔來說都是沉重的負擔，於是，便宜的公屋成為兵家必爭之地。所謂公屋，是指政府興建的房屋，出租予低收入市民，其便宜的租金加上相對較大的住屋呎數，令公屋成為性價比之選。不過住公屋也有弊端，就是向來容易都被標籤為「窮人」。 公屋居民的居住成本，包括租金、生活成本等相對較少，故大多資金充裕，可以更容易儲錢去旅行；而且位置優越，「一落街就有嘢買有嘢食」，附近亦備有體育館、社區中心等配套。他甚至認為，住公屋更易結識異性，若成功結婚和組織家庭，更可「生多一兩個小朋友拎2萬蚊，到時又可以變擠逼戶再申請公屋」，直言「做到公屋仔，方為人上人！」 不少網友和議指，住公屋可大幅減少租金開支，現時樓價持續下滑，「買樓搏升值」的神話已不復再，所以「唔使孭落一身債」，直言「剩番啲錢，個個月去日本都得」，形容為「得公屋得天下」。他們又認為，現時供樓的人一般都會節省開支，「 (花錢時) 吓吓度住度住」，比住公屋的朋友更為吝嗇。 亦有網友認為，現時新落成的公屋用料較佳，外形四正新淨，「起碼靚過九龍舊式私樓屋苑」；當中位處啟德或南昌等市區公屋，更是「痴住靚樓靚商場」，配套更勝一籌，直言令居於新界「大西北」的朋友所妒忌。 貼文一出引來廣大網友的認同，大家紛紛表示，住公屋可大幅減少租金開支，而且最近幾年樓價持續下滑，「買樓」風險大，所以不用買樓身負一身債，更直言租公屋的節省的錢，可以個個月去日本旅行都得，形容為「得公屋得天下」，也有不少網友回應指，「住公屋進可攻退可守，儲夠錢可以買私樓收租」、「住公屋，大把閒錢去旅行食好西，住私樓嘅，吓吓度住度住仲孤寒。」、 精警留言一覽： 住公屋進可攻退可守，儲夠錢可以買私樓收租，俾人周到扮死狗頂多社會服務令 每個月洗少萬幾蚊租金, 得公屋得天下 以前買樓就話搏升值啫, 現在連保值都做唔到, 買來幹麼？住公屋, 唔使孭落一身債已經贏；剩番啲錢，個個月去日本都得。 住公屋，大把閒錢去旅行食好西，住私樓嘅，吓吓度住度住仲孤寒。俾你供左成世又點，又唔係你享受係你仔享。 人地啟德南昌d新公屋痴住靚樓靚商場隔離，位處市區恨死 (住) 元朗的朋友，仲每個月慳成萬幾蚊，即係一個月去多一次日本。 嗰邊d新公屋同樓下社區外形四正新淨，雖然同新樓大玻璃無得比，但起碼靚過九龍舊式私樓屋苑 (例如咩黃埔德福) 先。 LIHKG原文：開始明白香港住公屋根本就係人上人 住得公屋就係一班資本相對充裕嘅人 佢地要承受居住嘅成本（eg租金）相對少 變相儲到更多錢，一年去多一兩次旅行 守望相助嘅鄰里昇係充滿人情味 佢地通常唔介意嘈，鍾意熱鬧 住公屋都知大家會打開門通風啲 鄰居之間打成一片 公屋通常位置優越，鄰近商場（eg領匯） 一落街就有嘢買有嘢食（eg m記/譚仔） 公屋通常都自設會所（eg社區中心/體育館） 全部都係免費/收費低廉[sosad] 近嘅仲可以做埋parttime（eg炒場師/保安） 最重要嘅係，住公屋仲有優勢可以識公屋妹:P 有拍過拖嘅巴打們都知道 公屋妹一向比較純情真誠（pure & true) 一個唔覺意可意溝埋，可以組織家庭 再生多一兩個小朋友拎2萬蚊^3^ 到時又可以變擠逼戶再申請公屋 公屋根本係香港人嘅特權階級 所以話：做到公屋仔，方為人上人！

我1985年申請公屋1988年8月未夠3年就可以上樓，而家竟然話3年上樓冇可能社會唔係向前邁進，而係向後倒退？

[image: 1700764203715-%E6%88%BF%E7%BD%B2%E5%A4%96%E5%88%A4%E7%BF%BB%E6%96%B0%E5%85%AC%E7%A8%8B.jpeg] 等左9年，今天9月終於拿鎖匙上樓。雖然有公屋住是幸運的事，但我都想係度呻兩句。 而家房署外判翻新公程超級差... [image: 1700763654556-%E6%88%BF%E7%BD%B2%E5%A4%96%E5%88%A4%E7%BF%BB%E6%96%B0%E5%85%AC%E7%A8%8B4.jpg] 拿完鎖匙發覺廁所水箱漏水，仲要滲到牆身，木門勁爛。 [image: 1700763654510-%E6%88%BF%E7%BD%B2%E5%A4%96%E5%88%A4%E7%BF%BB%E6%96%B0%E5%85%AC%E7%A8%8B3.jpg] 灶台冇換過，落完大雨發覺窗台滲水。 [image: 1700763654105-%E6%88%BF%E7%BD%B2%E5%A4%96%E5%88%A4%E7%BF%BB%E6%96%B0%E5%85%AC%E7%A8%8B1.jpg] 裝左電燈發覺電燈線壞唔着，裝完冷氣機發覺冷氣機掣面板壞，最後發覺總電箱鬆😂 [image: 1700763654333-%E6%88%BF%E7%BD%B2%E5%A4%96%E5%88%A4%E7%BF%BB%E6%96%B0%E5%85%AC%E7%A8%8B2.jpg] 問題到而家尚未解決 網友點睇？ 我係返新單位，隔離又係返新單位，我望入去，人地門，鐵閘，地台，腳線全部換新， 但係我嗰間全部都舊， 都唔知點解 真係唔惦喎，邊有翻新過 插蘇電線，燈掣線，擺入去未擰都見過 辛苦使維修果班 收綫果班9做完就算 正常啦，房署班狗做嘢係咁上下，又唔係佢住。 咁滲水好難搞，隨時整完又滲，考慮清楚 你要津貼定房署幫你翻新呀？有好大分別 我哋等返新公程就嚟3個月啦都未有消息 等第一，二派都冇咁耐，人哋第三派都拎鎖匙啦，我哋仲係等等等等 房署外判承辦商，係咁上下，無人監管，無做話做咗！草草了事 精選網友留言： 20年樓齡內嘅單位房署可以俾住戶選擇領取津貼自行翻新，或者要求房屋署進行簡單嘅翻新工程。領取津貼的話，房署就首一年內唔會為單位進行任何維修。 所以你選擇嘅時候係睇單位嘅情況而定，不能一概而論。亦唔能夠同其他住戶嘅個案或者單位比較，每個單位情況唔同，詳情要問返辦事處個簡單翻新工程包啲咩。 我最近收左公屋 房署話翻新左 收左鎖匙後先發覺牆身石屎剝落 地台大部份係空心 晾衣服架條繩係拉唔到... 同主任講 佢好快搵咗外判師傅上嚟維修 師傅亦好好 每日whatsapp 同我講進度 仲send 埋相比我 連晾衣服條繩都幫我換埋 全部影相比我 5日攪掂哂比番間屋我 仲叫我之後有咩問題可以再whatsapp佢 唔係個個人都Hea 做野 感恩遇上有心主任同有心外判師傅 就算要左翻新津貼、一星期內有問題可以通知房署再維修、如窗台滲漏、铁閘、水喉有問題都可報翻維修、 原文：https://www.facebook.com/groups/649256063541218/posts/875840460882776/

[image: 1700758996312-%E8%80%80%E6%9D%B1%E9%82%A8%E7%89%B9%E5%BF%AB%E5%85%AC%E5%B1%8B%E6%9C%9B%E6%B5%B7%E9%9D%9A%E6%99%AF.jpeg] 等左8年，終於可以安安樂樂過日子啦，9月18日特快揀左耀東邨中層望海景單位，靚景無敵簡直係上天恩賜，10月9日收到收房通知書，個房署主任急過我，本來10月13號簽約，提早11號就叫我地去收鎖匙，我地即時搵裝修師傅上門報價，師傅話最快都要個半月裝修，後來未到一個月就交貨，價錢合理，手工唔差，仲好細心提供意見，真心多謝佢，現在可以好大聲講。。。我畢業啦 [image: 1700758371149-%E8%80%80%E6%9D%B1%E9%82%A8%E7%89%B9%E5%BF%AB%E5%85%AC%E5%B1%8B1.jpg] [image: 1700758371242-%E8%80%80%E6%9D%B1%E9%82%A8%E7%89%B9%E5%BF%AB%E5%85%AC%E5%B1%8B3.jpg] [image: 1700758371325-%E8%80%80%E6%9D%B1%E9%82%A8%E7%89%B9%E5%BF%AB%E5%85%AC%E5%B1%8B4.jpg] [image: 1700758371427-%E8%80%80%E6%9D%B1%E9%82%A8%E7%89%B9%E5%BF%AB%E5%85%AC%E5%B1%8B5.jpg] [image: 1700758371509-%E8%80%80%E6%9D%B1%E9%82%A8%E7%89%B9%E5%BF%AB%E5%85%AC%E5%B1%8B6.jpg] [image: 1700758371806-%E8%80%80%E6%9D%B1%E9%82%A8%E7%89%B9%E5%BF%AB%E5%85%AC%E5%B1%8B7.jpg] 43.58平方米，應該係470呎左右 剛搬左入伙，間屋亂過亂世佳人，所以裝修完成相未有得發出黎比大家分享下 網友點睇？ 恭喜您們🎉好靚海景，真係開心過中六合彩！ 豪宅feel 恭喜哂有個空樂窩 淨係鋪地下拉幾條明線1個星期都可以起貨，起貨時間用得耐，主要係訂傢俬 呢度都好過冇呀，有得望海當買咗個安慰 我也是耀東邨，470呎 特快都有咁正單位,唔係有咩事發生過或不受歡迎單位嚟咩？ 係啊，死過人，但揀屋前上黎現場睇過，非常吸引囉，我又唔介意呢啲嘢喎 原文： https://www.facebook.com/groups/649256063541218/posts/875824524217703

一派長康邨 (兇宅) 二派石圍角邨 三派美林邨 但唔熟個邊…. 想係番青衣.. 荔景.. 因為要照顧老人家 請問大家博唔博四派好？ 見其他人都派到自己心水 有啲心灰 [image: 1700753523040-%E4%B8%89%E6%B4%BE%E7%BE%8E%E6%9E%97%E9%82%A8.jpg] 網友點睇？ 美林邨好好呀 3個都冇會所！更係唔要啦！ 香港人派極都係舊屋邨，大陸人一派就新屋邨 千奇唔好要呀, 再等吓添, 等到派九龍站上蓋"凱旋門", 或者是"君臨天下"嗰啲級數先至好要呀！ 即係冇急切需要，讓出黎啦唔好諗 4派象山 四派天神村 3次唔要會取消資格。要從頭再申請 石圍角我會要。。。。勁方便 舊公屋先好呀～則又大啲，設計又好放傢俬，生活配套又完善 一派長康已經要左啦！ 美林好住….我細個住到大 美林邨最好 唔好諗 四派葵涌火葬場，對面就係青衣 根本就唔想要, 咪唔好要囉 石圍角同美林，地點都唔錯 講校網又唔差 仲求啲乜？ 我就希望石圍角，本身住荃灣，好方便😅 美林好住、有露台、交通又方便！ 其他回應：facebook

[image: 1700739404596-%E5%85%AC%E5%B1%8B%E9%AB%98%E7%90%83%E5%A0%B4liv-golf-%E8%81%B7%E6%A5%AD%E5%B7%A1%E8%BF%B4%E8%B3%BD7.jpeg] 國際職業高爾夫球賽事、「LIV Golf 職業巡迴賽」將首設香港站，賽事明年3月8至10日在粉嶺高球場舉行。香港哥爾夫球會長郭永亮對賽事設香港站感到榮幸和興奮，指今次比賽形式非常嶄新，集合娛樂及體育，包括完賽後會有國際歌手演出。賽事總獎金高達2500 萬美元，折合港幣約1.95億元，是香港史上最高獎金的大賽之一，又指主辦單位預計投放約5億港元辦賽，有望提振本港經濟，同時吸引外國遊客和哥爾夫球愛好者來港，亦會是首次最多國家轉播香港的運動比賽。 郭永亮指，早前哥爾夫球運動員在亞運獲得好成績，相信政府知道這項運動值得發展，希望得到政府的支持，他又表示球會一直與政府保持緊密聯絡，商討有關收回粉嶺高球場部份用地安排。 葉劉淑儀：賽事會令香港成為「國際體育盛事之都」 行會召集人葉劉淑儀認為，LIV Golf賽事將會為香港帶來很大的經濟效益，令香港成為「國際體育盛事之都」。她又表示，屆時會有不少高球明星選手、政商領袖來港，因此賽事對推廣香港十分重要。 [image: 1700739382524-%E5%85%AC%E5%B1%8B%E9%AB%98%E7%90%83%E5%A0%B4liv-golf-%E8%81%B7%E6%A5%AD%E5%B7%A1%E8%BF%B4%E8%B3%BD3.jpeg] 香港哥爾夫球會宣布，「LIV Golf職業巡迴賽」（LIV Golf）明年將落戶香港，並擬在已被政府收回的粉嶺高球場舉行，再次引起外界關注粉嶺高球場的發展進程。 發展局早前公布後五年期公營房屋的造地情況，首次披露粉嶺高球場的土地供應將延期兩年，但實際造地情況仍有待技術研究和司法覆核案再調整，意味着延期有可能超過兩年。發展局回覆查詢時，重申粉嶺高球場建屋項目，仍是政府未來10年的供應項目之一，土拓署即將展開布局相關的技術研究，預料結果一年後出爐。 本土研究社批評，粉嶺高球場是罕見佔地較大地用地，憂慮在再三拖延下，涉及1.2萬伙公營房屋單位遲遲未能兌現，將嚴重影響公屋輪候時間。他又指當局在改劃獲通過一個月後，仍未展開研究，難以反映當局建屋的決心，強調研究和司法爭議可以兩條腿走路，促請當局盡快展開研究和公布相關時間表。 [image: 1700739394529-%E5%85%AC%E5%B1%8B%E9%AB%98%E7%90%83%E5%A0%B4liv-golf-%E8%81%B7%E6%A5%AD%E5%B7%A1%E8%BF%B4%E8%B3%BD5.jpeg] 可供建屋年度預計推遲至2027/28 發展局早前公布後五年期落成的公營房屋的造地情況，當中落入「其他」類別的項目，包括「粉嶺高爾夫球場用地局部發展」，預計可提供的單位仍然維持在約1.2萬伙，佔地面積仍為8公頃，但預計可供建屋的年度則推遲至2027/28。 文件的備註提到，粉嶺高球場建屋方案仍要視乎下一階段技術研究和相關司法覆核結果，建屋計劃或須調整。 粉嶺高球場北端9.5公頃的擬建屋用地，由擬劃為住宅用地，「轉軚」改劃作「未決定用途」地帶，申請上月20日已獲城規會「開綠燈」，預料行會本月內會審議方案。發展局早前表示，在城規會完成討論後，土拓署便會立即展開布局設計、發展參數等研究，以符合環評審批條件。 事隔一個月，發展局上周四（16日）回覆查詢時強調，粉嶺高球場建屋項目仍是政府未來10年的供應項目之一，土拓署即將展開研究，涉及的範疇包括檢視房屋發展的布局設計、樓宇高度和發展密度，以及修改布局設計報告和擬備詳細景觀及視覺設計報告等，研究需時約12個月。 [image: 1700739399347-%E5%85%AC%E5%B1%8B%E9%AB%98%E7%90%83%E5%A0%B4liv-golf-%E8%81%B7%E6%A5%AD%E5%B7%A1%E8%BF%B4%E8%B3%BD6.jpeg] 當局又指，粉嶺高球場建屋計劃延期兩年，是考慮到土木工程拓展署所需要進行的審視及之後的改劃程序等等，但強調一切仍需視乎下一階段的研究和相關司法覆核，而有相關結果出爐後，政府會跟進建屋所需的法定改劃程序。 明年5月覆核案開審研究報告屆時或未出爐 粉嶺高球場司法覆核案將於明年5月開審，預料審期3日，但土拓署的技術研究需時約一年，或會出現打完官司，研究報告仍未出爐的局面。 翻查資料，發展局去年的造地情況中提到，粉嶺高球場建屋用地擬在2025/26年度，移交房屋署發展，而運房局去年6月回覆立法會議員質詢時亦提到，擬議方案佔當時的後五年期，即2027/28至2031/32年度的公營房屋供應4%，換言之，涉及的1.2萬伙公營房屋單位將延期至少兩年。以現時公屋興建一般需時約4至5年推算，最快在2031年才有望入伙。 本土研究社促當局啟動研究 本土研究社成員黃肇鴻表示，粉嶺高球場擬發展用地佔地8公頃，是罕有相連的大片用地，亦是少數可發展過萬伙的擬建公營房屋項目，惟項目須推遲至少兩年，更有可能受司法覆核影響而再三推遲，將會嚴重影響公屋輪候時間。 對於當局仍未開展進一步環評研究，他表示，「JR（司法覆核）還JR，研究還研究」，認為當局至今仍未行動，難以反映其建屋決心，促請當局盡快啟動相關研究，以在司法覆核結果出爐時，便可隨即進行下一步改劃程序，加快建屋進程。 他續指，粉嶺高球場發展亦揭示棕地等其他發展項目，亦有機會遭既得利益者阻撓，而拖慢發展，憂慮未來的建屋計劃難以如期落實，令公營房屋供應落後於承諾。 [image: 1700739376938-%E5%85%AC%E5%B1%8B%E9%AB%98%E7%90%83%E5%A0%B4liv-golf-%E8%81%B7%E6%A5%AD%E5%B7%A1%E8%BF%B4%E8%B3%BD2.jpeg]

[image: 1700728102092-%E5%85%AC%E5%8E%A0%E7%A6%81%E6%AD%A2%E5%85%A9%E4%BA%BA%E9%80%B2%E5%85%A5.jpg] 網友點睇？ 3個負荷唔到 可以兩人進入，三人不可 十六碎未滿可多人 但貼紙都二人同行 禁止兩位以上，即係兩位ok? 貼紙叫人一男一女先入得 即係只能容納兩位，唔好3個人意思，漏咗個“或”字就完全唔同意思，但個標誌又一男一女喎🤣 如果睇圖既話就係可以一男一女 未成年就得？ 明曬～知學生無錢爆房～好人好事值得表楊 每張告示背後…都有個悲傷的故事 拒絕三人行

[image: 1700725349059-%E5%85%AC%E5%B1%8B%E4%B8%BB%E4%BB%BB%E5%B7%A1%E6%9F%A5.jpg] 房署主任早前被廉署起訴19項代理人意圖欺騙其主事人而使用文件罪，房署主任今於西九龍裁判法院否認所有控罪，案件排期於明年2月26日進行為期7天審訊，屆時控方將會傳召30名證人。房署主任續准保釋候訊。51歲房屋事務主任涉虛報已巡查滿東邨 19個單位，誤導房署已核實住戶入住情況，直到房署審查紀錄時，發現她曾家訪的住客早已離世始揭發事件。 被告李碧琪，被控 19 項代理人意圖欺騙其主事人而使用文件罪，控罪指李作為房屋署房屋事務主任，於 2020 年 11 月 至 2021 年 12 月 期間，意圖欺騙其主事人而使用房屋署「外展房屋管理系統」紀錄，在要項上載有虛假、錯誤或欠妥的陳述，即已到東涌滿東邨滿康樓共 19 個單位進行兩年一度的家訪，及明知意圖用以誤導房屋署。 [image: 1700725354371-%E5%85%AC%E5%B1%8B%E4%B8%BB%E4%BB%BB%E5%B7%A1%E6%9F%A52.jpeg] 51歲被告李碧琪案發時派駐東涌滿東邨，負責處理租務、家訪及突擊巡查等。她報稱於2020年11月至2021年12月期間曾到380個單位家訪，但房署審視紀錄時，揭發其中一個單位的唯一住客已離世。廉署接獲房署轉介後，調查發現被告提交的逾320份報告紀錄有問題，落案起訴她19項樣本控罪。 早前報道：https://www.u8hk.com/topic/1530/公屋住戶已離世-廉署控房署主任涉虛報-兩年一度家訪-紀錄

[image: 1700698243512-img_4241.jpeg] 尚德邨尚明樓11月22日下午4點13分，有人高空掟支鐵通落嚟，彭一聲！正正係幼稚園門口放學時間！如果掟中啲小朋友命都冇！ [image: 1700697037213-img_4231.jpeg] [image: 1700697037261-img_4232.jpeg] [image: 1700697037294-img_4233.jpeg] [image: 1700697037314-img_4234.jpeg] [image: 1700697037353-img_4235.jpeg] [image: 1700697037370-img_4236.jpeg] 投槁：陳鑫漂 相關：將軍澳健明邨｜長期高空擲物終於捉到人房署：已確認住戶並終止租約收回公屋

[image: 1700670610653-%E5%9B%A0%E6%9B%BE%E7%B6%93%E6%93%81%E6%9C%89%E7%89%A9%E6%A5%AD-1.jpeg] 請問各位大神 如果唔知要報曾經擁有物業，上翻房處問唔知曾經擁有都要報，同埋已經賣左幾年去翻土地註冊處比番個證明房處有無用 同埋可以點樣先唔會取消資格🙇🏼‍♂️ [image: 1700670615054-%E5%9B%A0%E6%9B%BE%E7%B6%93%E6%93%81%E6%9C%89%E7%89%A9%E6%A5%AD-1.jpg] 網友點睇？ 唔係話你以前曾經擁有物業 係話你申請期間持有物業你搞清楚先 淨取消資格，唔提告你，執倒啦！ 如果係申請期間持有物業，根本就唔符合申請資格。如果係申請前售出物業又唔同，你搞清楚自己情況先。 有物業仲申請公屋,留返d資源比有需要的人 你情況係申請期間持有喎 邊有得上訴呀 你係申請期間有物業，所以唔會有機會架啦 留番比有需要既人啦

[image: 1700652331886-%E8%A3%9D%E4%BF%AE%E5%85%AC%E5%B1%8B%E9%9C%B2%E5%8F%B0.jpg] 見有谷友問，井型公屋騎樓間房問題，而又咁多谷友有興趣，所以先出個帖分享下。註: 裝修完房署上黎睇過，有心人可以死左條心。佢地睇完只講左一句，"你裝修得咁靚第時交番要還原喎"。心諗，我會住到唔係佢死(重建)就係我亡(行將就木)。 見谷友講到似層層，露台承重力唔同，唔可以間房，咁轉過講法，騎樓會唔會又變得番可以？哈......向房署申報裝修時，好清楚睇到乜做得乜唔做得，就係搵唔到"露台不可間房"，斷估真係無痛苦！ 未裝修前係咁，要騎樓間房先要爆地磚，爆牆磚(除非你好鍾意原裝磚)，打走隔廳矮牆、拆走鋁框鋁門和百葉玻璃窗，起高露台地台和廳一致 [image: 1700651543733-%E5%85%AC%E5%B1%8B%E9%9C%B2%E5%8F%B0%E9%A8%8E%E6%A8%93%E9%96%93%E6%88%BF10.jpeg] 間房後，牆同窗之間一定會有一條少少的罅隙。記得裝修報房署，井型隔音出名差，實有人投訴你裝修好嘈 [image: 1700651543864-%E5%85%AC%E5%B1%8B%E9%9C%B2%E5%8F%B0%E9%A8%8E%E6%A8%93%E9%96%93%E6%88%BF2.jpg] 亦見谷友講，咁間法會阻礙取光，個廳咪會好黑？有一定影響但接受，做人總要取捨。井型公屋廳係有氣窗，我仲喺廳氣窗加蜂巢百葉簾添。(住井型仲講到採光咁有研究，黑廁你又唔炸型喎) [image: 1700651544454-%E5%85%AC%E5%B1%8B%E9%9C%B2%E5%8F%B0%E9%A8%8E%E6%A8%93%E9%96%93%E6%88%BF9.jpg] 呢間係騎樓房，間左三房唔會好大，只能放大陸訂造大床和鼎頂大櫃 [image: 1700651544695-%E5%85%AC%E5%B1%8B%E9%9C%B2%E5%8F%B0%E9%A8%8E%E6%A8%93%E9%96%93%E6%88%BF3.jpg] 本來放防潮箱位置，換左個迷你梳妝台，靚d(我都係用黎放拍攝工具，哈....) [image: 1700651544826-%E5%85%AC%E5%B1%8B%E9%9C%B2%E5%8F%B0%E9%A8%8E%E6%A8%93%E9%96%93%E6%88%BF8.jpg] 露台影返出廳，現放洗衣機(右下)和去廁所的通道(原本設計洗衣機放廚房，但放左個大雪櫃後，師父諗唔惦呎吋，要取消放廚房。 [image: 1700651543581-%E5%85%AC%E5%B1%8B%E9%9C%B2%E5%8F%B0%E9%A8%8E%E6%A8%93%E9%96%93%E6%88%BF6.jpg] 原本象牙白，DIY油左淘寶絲絨漆落床既頭尾牆，啲油抵過香港買10幾倍，過左一年仲好好狀態，舊果層油因為仲好新好實淨所以無剷，油層司拿就直接冚絲絨添上去，經春天潮濕天氣考驗加上近海添，無走樣靠得住，而家黑媽媽好瞓好多。 [image: 1700651545084-%E5%85%AC%E5%B1%8B%E9%9C%B2%E5%8F%B0%E9%A8%8E%E6%A8%93%E9%96%93%E6%88%BF11.jpg] 廳氣窗好光的 [image: 1700651545194-%E5%85%AC%E5%B1%8B%E9%9C%B2%E5%8F%B0%E9%A8%8E%E6%A8%93%E9%96%93%E6%88%BF4.jpg] 加蜂巢，$50，在廳睇Movie必備 [image: 1700651545231-%E5%85%AC%E5%B1%8B%E9%9C%B2%E5%8F%B0%E9%A8%8E%E6%A8%93%E9%96%93%E6%88%BF12.jpg] DIY加窗簾擋，爛屋扮豪宅 [image: 1700651545249-%E5%85%AC%E5%B1%8B%E9%9C%B2%E5%8F%B0%E9%A8%8E%E6%A8%93%E9%96%93%E6%88%BF1.jpg] 自己設計比師父，再由師父衡量可能性盡量配合。房1好明顯騎左2/3出騎樓(露台)。全屋牆身無改動，矮牆註明可以拆 [image: 1700651543633-%E5%85%AC%E5%B1%8B%E9%9C%B2%E5%8F%B0%E9%A8%8E%E6%A8%93%E9%96%93%E6%88%BF5.jpg] 最後希望未住過井型公屋既朋友知道，谷友講慣左既露台嚴格上係騎樓，有瓦遮頭的，唔會比垃圾扔中，就算唔間房，99%都裝上鋁窗，無裝鋁窗都會裝塊風琴膠板，點會咁蠢落親雨有佢濕哂，吹正風咪濕身去廁所？ [image: 1700651545336-%E5%85%AC%E5%B1%8B%E9%9C%B2%E5%8F%B0%E9%A8%8E%E6%A8%93%E9%96%93%E6%88%BF7.jpg] 原文：https://www.facebook.com/groups/649256063541218/permalink/871980547935434/