公屋拜神.png
我想問問各位,如果你隔離鄰舍,平時喺間屋食煙打開門,走廊坐喺度食煙,喺你門口吐痰,走廊掉煙頭垃圾,仲特登掉渠口位,拜神拜上腦喺門口用個大煲燒衣。
成日好似圖中咁直頭擺個壇出嚟拜神,插大香點蠟燭煙晒入你屋企,仲要成日有得屋企啲細路大嗌大叫又唔關門。逢星期日/過時過節搬左出去啲仔女同啲孫返嚟食飯成十五六人逼喺三百幾尺屋度,然後幾個細路wewa大叫成四粒幾五粒鐘又唔關門。
你投訴佢條廢老仲要乜我老母踢我鐵閘想打9我,你地會點形容呢家極品?
公屋拜神.jpg
網友點睇?
考慮下報警。如果係大時大節食飯就算啦,平日呢D咪搵房署投訴,最好影埋相/片
方法有很多,但全部犯法。
住宅嘈音星期日報環保署,拜神食煙報消防,就話唔知點解走廊好大煙,驚邊度火燭。
偷咗佢只雞,使佢拜神唔見雞,以後就冇咁嘅情況啦!
我之前隔離屋又係類似咁,成日吐痰,成條走廊都吐勻,仲大大聲"卡-two"咁吐。每次返家(共一家四口)總係唔用鎖匙,大聲叫人開門,仲要夜媽媽返到也如是,一日出出入入N次(全家都係咁叫)。問題係,佢點解知係你投訴佢?我都有投訴我嗰邊那家人,但佢唔知係我
食晒佢啲野,以後唔會放出嚟
其實公屋系呢D質素。試下住私人樓睇睇會唔會好D
東張西望幫到你,記得俾埋條片人哋睇。
裝cam係自己門口捕佢一排,有晒料就報東張
報消防搞大佢
你個人唔夠癲有乜好講
佢鍾意走廊拜神 你都可以一盤水潑出去幫走廊洗地
你投訴無限次,房屋署都唔做嘢既話,就報東張西望或者其他傳媒,房屋署先至會幫你即刻做嘢
吼佢返入屋嗰陣,收埋佢隻雞,等佢返出嚟嗰陣發現“拜神唔見雞”,唔好意頭,等佢惡運連連~
你打開門,開把大風扇對住他門。
我會響佢齊人既時候佢有幾嘈我就開大喇叭播歌或開電視睇電影鬥大聲
你要記得自己投訴過乜嘢,第時老左唔好犯同樣錯誤,不過你投訴得人哋D孫好嘈,你就千祈唔好生仔,生都毒啞佢,有手有腳都打跛佢,咁就以後冇人可以投訴你,又或者絕子絕孫就very good
樓主回覆:放心, 我肯定唔會生仔, 不過你覆得啲咁嘅嘢, 我相信你都係生仔唔教仔嗰類人,如果你係呢種人, 我可以講簡直係地球毒瘤
唔好顛啦?細路仔一定會嘈到影響到隔籬屋嘅咩?老人家就一定隨地吐痰嘅咩?唔吐痰落地會死㗎?
精選網友留言:
唔過9點無噪音管制,看更不嬲廢,報警只係為左投訴紀錄在案,拜新裝香呢d地方傳統更加唔會理,走廊食煙你可投訴控煙辦但都係無實力廢,只可以講入邨隨俗,過時過節嘈少少你都覺得受委屈,咁建議你買樓或移民。無錢? 咁就接受呢d鄰居同文化,或者你可同主任投訴下受到精神滋擾仲有機會d
其實唔使報警,對付呢啲人其實好容易。首先,最緊要,你好聲好氣同佢講,影響到你。如果繼續,再好聲好氣同佢講多一次,話會同房屋署講。如果講咗,房屋署唔理,就可以玩野。你買一部可以放USB 聽歌同用濕電既細架機仔,成個USB 錄哂南嘸呵尼佗佛,佢一做你唔鐘意既野就大聲係門囗放就得啦,如果有差佬上黎,就話,你聞到香燭煙味就頭暈,心跳,所以要鎮靜自己。
嗰時道理系係你嗰邊
有D舊邨係可以比燒衣、如果佢拜完神收拾番好、你投訴都無用、開門食煙、佢明知你吾鐘意佢偏要做、係報仇行為、但又無條款講不可開門食煙、走廊食煙、坐樓梯食煙、所以你投訴作用也不大、過時過節人多回家吃飯、你更加無得投訴、仔女多又孫多緊係嘈D、細路仔一定嘈、未到晚上11點、你都係投訴受理有D難、咪最多叫人家盡量細聲D、所以鄰居一交惡、就后患無窮
上房署網頁投訴,房署會通知你樓宇主任,這樣做是令房署知道,之後1823投訴,1823都會通知主任。如果還沒效果,又再上房署網頁投訴,又再打1823說打了幾次電話來,還沒解決到問題。我之前直接打去房屋署都沒效果,直接上房署網頁投訴,再打去1823,1823會問你解決了問題要找通知部門聯絡你嗎?我說要,主任打了給我說如何解決問題
原文:
https://www.facebook.com/groups/649256063541218/posts/889060772894078/