申請公屋入息超額！港媽計劃生多個「重賽」

[公屋2022]

申請公屋家庭入息超額點算好？一名港媽發文指一家3口申請公屋，卻因家庭入息超額且漏報保險，預料會失敗收場，但已計劃「重賽」，並希望再生一個改排「4人隊」。

一名女網民上周一（16日）在網上討論區「親子王國」中發帖，表示一家3口正申請公屋，即將會見房屋署主任，但因家庭入息超出限額，而且漏報保險，預料會被取消資格，需要重新輪候，但她形容已有心理準備「重賽」，

「因之前曾經向房署申報番，以前有份保險漏了申報，會否被取消資格？已有心理準備將要暫停和重賽。」

要避免入息超額，其中一個方法便是「增加人數」，事主明言本身已打算生多一個小朋友，並問道「如到時重賽又剛好懷孕有醫生紙」，可否加名排4人單位。

網民：辭職轉工+有醫生證明先計數

不少網民看到帖文後，指申請人如入息超出限額，房署主任會給予期限，如在期限內「砌好條數」就能繼續輪候；有人認為上樓機會難得，建議事主考慮辭職或轉工，務求令入息不會超額。至於加名問題，有網民表示要在懷孕16周後出示證明文件，但比起3人家庭，「4人隊」輪候時間可能較長，建議她向房署主任問清楚，不過事主表示，擔心對方認為她「有預謀」而直接取消資格。

房委會：6個月後至2年內可恢復申請

根據房委會資料，公屋申請若因家庭收入/資產超額被取消，日後如因家庭狀況有所改變，或入息/資產有所調整而再次符合申請資格，房屋署可考慮恢復其申請，但必須在首次申請被取消後6個月至2年內提出，否則不予考慮。

如再次超額如何處理？

如在恢復申請後入息/資產仍然超額，則必須在該次被拒絕恢復申請的日期後6個月及該申請首次被取消的2年內，才可再次提出要求。要注意的是，不論在任何情況下，若在該申請首次被取消的2年時限後才提出，將不會獲得考慮，申請人必須重新遞交申請表輪候公屋。

另一方面，如果申請人對公屋申請被拒絕或被取消資格有任何異議，可於有關通知信日期起計2個月內提出「上訴」。

增加家庭成員規限

申請人可透過表格更改已登記公屋申請的資料，包括增加家庭成員，如屬懷孕滿16周，需遞交註冊醫生簽發列明預產日期的證明文件副本。如屬重新申請公屋，如申請內任何成員已懷孕滿16周或以上，該名未出生嬰兒可作1名家庭成員計算，並需遞交註冊醫生簽發的預產期證明書副本，顯示在簽發日期或之前已懷孕滿16周或以上；嬰兒出生後，申請者須盡早通知房屋署更新資料。

[AmyLam]

保險有儲蓄成分要申報，我之前漏報，見主任時耍補番同找證明（要搵番申請公屋時同期的保單），簽番張「衰仔紙」話漏申報，如果再有就取淌資格。同埋我有3人轉4人（因超額），條隊一定會排耐咗，所以有啲人會照排番3人。

[Kaman1024]

我見啲人講超咗半年後可再審查，但懷孕加名要夠16周（好似），然後加咗名條隊又可能唔同咗，你不如去問埋主任

[BOBOBO]

我懷孕啱啱好夠16周，見主任我就畀張懷孕證明佢，佢會畀張加未出世嬰兒你簽。

[Angela]

保險問題，如果唔超報番0K，超咗當時申請資格就一定唔得。加名問題，暫停可加名，但3同4人隊唔同，半年之後冇得審查，要排4人隊應該有排，重新嚟就梗係加得名。

[金銀花茶]

以我所知冇得暫停，如果入息過咗係即out。想生多個加到4人，要懷孕夠4個月有醫生證明先計數。

[ckwong]

第一次超就界半年時間你，半年後仲係超，連資格都要取消，你索性捱佳半年停工，見完主任先再返工仲穩陣。保險我有同事冇報，佢好好彩冇查，博唔博得過你自己諗，見主任你畀晒佢，佢會幫你寫，到時再報就得。

[bonnie92]

1. 暫停半年係而家審查你入息超咗停半年；
2. 重新計係你當時申請時入息已經超咗就要重新嚟過。

[KittyKitty]

我朋友入息超咗唔係好多，「重賽」，等半年再見主任再報過入息。

[一切隨緣]

以我以前所知超咗係可以半年上訴嘅，不過係以前，而家有冇得改就唔知。

[JoJoLam]

如果真係自問一世人先有一次拎屋機會，唔想又浪費10年時問，屋企人辭職轉工係最好選擇。