粉蝶樓平面圖
IMG_2036.png
-
給了你天耀二邨當然要了！何必再等到今年年尾也未必可以預派的富蝶邨呢？況且，天耀邨在天水圍西鐵站附近，平時早上可以步行去天水圍西鐵站乘搭屯馬線，在鑽石山站再轉地鐵觀塘線，便可到達九龍東。不難克服！
-
要咗佢啦,到時派咗仲差後悔莫及
-
排擴市派東涌咪更加大問題
天水圍好過東涌一些，而且屯門公路附近嚟緊去到 2031 都會有重大改變，出九龍會變得更加方便
我朋友住天水圍響東九龍返工，都係搭巴士一程就去到 -
佢嫌遠呀嘛。佢都知天耀好呀，不過仲係嫌遠，得一想二，有咩好講。
-
天耀邨其實好方便，食嘢搭車都好方便，如果唔係問題單位可以考慮下
-
點解近排派天耀邨咁多單位，有好多人搬走咩？
-
太多貪新樓…新樓未必一定好
-
好多都係第一代入住，果時小朋友仲細，然後咁多年後大人已經變咗老人，仲可能入住咗老人院，當年的小朋友又成家立室搬得 7788，可能用戶主個單位買咗屋居而走，結果就有空置單位流出
-
九龍讀書唔排擴展都算,其實富蝶除左新 , 出九龍都係唔方便,富亨出市區交通差俾人講足咁多年,加埋富蝶一定更唔方便,而家大部份係貪佢係新樓唔係貪佢方便
-
如果睇左覺得幾好就要啦，一陣3派俾個屯門3寶你…你想返轉頭都冇，天耀係天水圍嚟講真係最方便既一條邨，加上天水圍既交通應該會好過大埔富蝶，小朋友讀緊幾多年級？屯元天都有好多好好既中小學，佢哋唔會差過出面九龍區既學校架
呢啲都係我個人意見，最緊要你同屋企人既感覺，睇左鍾唔鍾意，感覺良唔良好，如果單單係諗小朋友讀書既就易處理得多，加油呀💪 -
我同你情況差唔多，一直等緊富蝶，結果第二派係天水圍天瑞邨，比你更加入。我考慮左幾日，一直猶豫。喺見主任前一日，我同朋友開車入去望現場。去到現場視察左周圍環境，已經決定左要😂😂😂因為第三派好大機會都係屯門，再加上富蝶除左新樓之外，其他嘢都唔一定好過天水圍。出九龍其實富蝶都係好麻煩，信我啦，去現場視察下，你就會有決定！我而家已經裝修緊！
-
天耀好野嚟，超方便，出去九龍都好快，附近配套又好，係正屯元天既中心，去邊都快，除左唔係新樓，所有條件都好好，比我就唔會考慮等富碟，又未必等到，睇左先決定啦，睇完自然有答案。
-
天水圍好過富蝶，富蝶基本上屬於山旮旯地方，我住開屯門,天水圍交通配套完善出九龍好快，富碟二期除咗新樓之外就冇乜其他優點
-
你岩呀！ 今日吐露港撞車 倒塞返入大埔
係富亨上車半個鐘都未到火車站😂
真心想講粗口 -
香 香港公屋 moved this topic from 公屋輪候討論區 on
網友最新回應：
-
本年度料公屋回收1.9萬伙 10年高
房委會資助房屋小組委員會今日開會，討論2024/25年度公屋編配估算。消息稱，房委會估算今年度有3.02萬個可供編配公屋單位，較上年度多逾6000伙，升幅近三成。當中1.1萬伙是新單位，包括青衣長青邨、屯門顯發邨、業旺邨及滿田邨等；另有約六成、即約1.9萬伙是回收單位，數字是10年新高。有房委會委員認為，政府去年以來加強打擊濫用公屋和推出更多資助出售單位，令回收單位顯著增加。
3萬可編配單位 按年升三成
據了解，今年度有1.1萬伙可供編配的新單位，7個項目中有4個位於屯門，合共5180伙，另有3個分別來自大埔富蝶邨、青衣長青邨和深水埗白田邨，合共5940伙。富蝶邨和白田邨原定去年落成入伙，但工程延期，至今年度編配（見表）。
新公屋多處新界 涉逾萬伙截至今年首季，公屋的一般申請者平均輪候時間為5.7年，長者一人申請者則為3.8年。據悉，3.02萬個可供編配公屋單位中，房委會預計會分配77.2%、即2.3萬伙予公屋申請者，其餘類別包括安置受政府和市建局清拆項目影響的居民、體恤安置、各類調遷，以及編配給初級公務員和退休公務員，編配數目分別為1500伙（5%）、700伙（2.3%）、3700伙（12.3%）及1000伙（3.3%）。
據了解，上一年度原本估算有2.4萬伙可供編配的新單位，實際編配2.3萬伙，當中獲編配的公屋申請者有1.8萬伙，佔總數78.6%。
至於回收單位數字，據悉今年度估算將有1.9萬個來自租戶自願交還、租戶身故、調遷到其他公屋、因購置資助出售房屋而交還的公屋單位，以及因租戶濫用公屋和違反租約而收回的單位。翻查房委會資料，2015/16年度以來回收單位估算數字介乎1萬至1.6萬伙，即今年度估算1.9萬伙為10年最高。
梁文廣：打擊濫用令回收急升
立法會議員、房委會資助房屋小組委員梁文廣預期，公屋輪候數字會在本年度大致維持平穩。他解釋，平均輪候時間是計算在過去12個月獲安置入住公屋的一般申請者輪候時間平均數，而今次大部分新公屋單位來自新界，獲編配的申請者輪候時間大多較短，但同時逾半的回收單位來自市區和擴展市區，將拉高平均輪候時間，故綜合而言，輪候時間應不會有太大波動。
梁文廣又指出，今年度回收單位數目增加，部分原因是政府積極調查並收回被濫用的單位，加上去年推售較多居屋，令更多「綠表」人士能騰出公屋單位。
-
富蝶沒有鐵路規劃，得九巴到太和火車站而已。吐公日日塞車，要九龍返工自己唸清楚，唔係講笑。
另外就係富亨條路出大埔都經常塞半小時先到廣福。半小時都未出到大埔，即係話未到吐公。然後到吐公再慢慢塞。尤其係落雨天，或者星期一早上，一定塞
-
皇后山係一個例子，富蝶應該就係version 2...靠巴士去運山頂既兩萬人口。。條馬路又窄。。諗起都難
-
冇錯是日會開發得更好但位置是山頂開發極都有限
-
新開發嘅盤，肯定要俾時間去完善相關配套。
-
大埔人對富蝶邨評價
真係好偏僻
話說本人派了富蝶邨
今天身體力行…嘗試於大埔步行往富蝶邨的時間
本身是大埔友…所以都好熟路
由大元街市步行至斑蝶樓長天橋起點花要約18分鐘
因為工地還未開封…長樓天橋至富蝶商場預計是5-7分鐘
如富蝶邨二期往富善邨
可以經大埔醫院穿黃橋過去
時間大約15多分鐘本身預好大機會富蝶畢業
行完之後真係要諗諗
工作是九龍區上班
這2星期早上吐露港塞車非常嚴重
幸好我是搭村巴…司機識走線避開塞車位
日後如果富蝶上樓
上班時間想快捷出市區…只能選擇九巴轉港鐵
變相返工地點選擇變得很尺寸聽聞將來會有新幹線或新鐵路
就睇睇10月25日有什麼公佈
如沒有公佈更多交通規劃
可能會轉返擴展等二派
就算舊樓也好交通肯定畀富蝶方便
慳錢慳時間
-
-
-
粉蝶樓平面圖
-
富蝶邨街坊表示：「環境非常清優，交通亦方便，今日去登記，好多喜蝶的鄰居，期待快D入伙！」
-
富蝶邨收樓裝修
更新：房署職員表示下年三月才正式派鑰
-
富蝶邨公告：
本署現編配—個即將落成的公共屋邮的單位給你。惟有關的建築工程尚未完成。為安全著想，請勿進人屋邨地盤範圍，免生危險。
-
富蝶邨第二期平面圖
-
大埔富蝶邨二期租金
珍蝶樓、粉蝶樓、鳳蝶樓、蛺蝶樭、喜蝶樭、蜆蝶櫻、紫蝶櫻和黃蝶樓
1-2人單位租金$1,290 (14.25m² / 153呎) 2-3人單位租金$1,970 (21.73m² / 234呎) 3-4人單位租金$2,780 (35.3m² / 380呎) 4-5人單位租金$3,230 (36.06m² / 388呎)
單位總數6776個
-
富蝶預派
今日下午經過斑蝶樓嘅預先配房辨事處見到有5-6個人入去😄
-
大埔富蝶邨單位數目分配
Block 2 第二座 珍蝶樓 Block 3 第三座 粉蝶樓 Block 4 第四座 鳳蝶樓 Block 5 第五座 蛺蝶樓 Block 6 第六座 喜蝶樓 Block 7 第七座 蜆蝶樓 Block 8 第八座 紫蝶樓 Block 9 第九座 黃蝶樓
*富蝶邨新樓
-
九號波下的富蝶邨
-
-
據悉，房委會首次安排提早6個月預配屋邨單位，並於9月開始開始預派。8月30日邀請了10個住戶做預派安排。然後由9月6日起，每日安排大約100人進行預派，信件會在這一兩天發出。
-
大埔富蝶邨二期預派
預早編配 場地佈置中置
-
富蝶邨嚟緊會有嘅交通配套
至於交通方面，巴士總站會設有兩條長巴士坑道大約六條巴士線，有小巴線、的士站等，新嘅巴士線全部都會途經富亨邨🚌運輸署建議新增往來大埔富蝶邨—尖東麼地道（途經奧運站）的巴士服務🚌
你哋又點睇？
下面仲有黎緊新增嘅巴士服務👇👇👇
建議會在上下班繁忙時段各暫定增加兩個班次
大埔富蝶邨開出：
星期一至五（公眾假期除外）
上午7:00、上午7:30 （暫定共兩班）
行車路線：
彩蝶街 、全安路 、全安路巴士總站 、全安路 、頌雅路 、汀角路、汀太路、大埔太和路、吐露港公路、大埔公路 - 沙田段 、⻘沙公路 、麗寶路 、連翔道 、海輝道 、深旺道、櫻桃街 、海泓道 、匯⺠道 、匯翔道 、廣東道及梳士巴利道 。
尖東麼地道開出：
星期一至五（公眾假期除外）
下午6:30、下午7:00（暫定共兩班）
行車路線
麼地道 、漆咸道南 、梳士巴利道 、九龍公園徑 、廣東道 、匯翔道 、匯⺠道 、海泓道 、櫻桃街 、深旺道 、 海輝 道 、連翔道、麗寶路、⻘沙公路、城門隧道公路、大埔公路 一 沙田段 、吐露港公路 、大埔太和路 、汀太路 、汀角路 〝頌雅路、全安路、全安路巴士總站、全安路及彩蝶街
🚌🚌🚌🚌🚌🚌🚌🚌🚌🚌🚌🚌🚌🚌
此外 確定將會新增嘅巴士服務
🟡富蝶邨經頌雅路來往太和站循環線（全日服務）呢條線真係得來不易，亦係唔少街坊想有一條循環線去太和站嘅意見，街坊成功爭取系列，唔一定要日日塞南運路，街坊可以多個選擇。
🟠富蝶邨經頌雅路觀塘來往油塘線
暫定會係星期一至五（公眾假期除外）上午繁忙時間富蝶四班開往油塘，下午繁忙時間油塘四班開往富蝶邨，知道平時唔少街坊都要出大埔中心搭車去觀塘返工，相信呢條線都便利居民。
🟣增設272P號線特別班次來往富蝶邨葵興站（服務範圍荔枝角及葵涌商貿區）
暫定星期一至六（公眾假期除外）上午繁忙時間富蝶邨兩班開往葵興站，下午繁忙時間由葵興站開黃富蝶邨。
🔵過海巴士307P新增特別班次來往富蝶邨銅鑼灣（天后）
暫定星期一至五（公眾假期除外）上午繁忙時間富蝶邨開往銅鑼灣（天后），下午繁忙時間由銅鑼灣（天后）開往富蝶邨。
🟢新增專線小巴富蝶來往廣福道循環線（全日服務）
-
暫定年尾會完成第二期所有工序
因早前阿特首講過要提早預派，所以房署表示提早大約六個月進行預派，即由本月八月底開始會進行預派，不過大家要有心理準備，預派唔等於馬上入伙，最快起碼要到三月先入伙。假如你預派咗之後，係需要去斑蝶樓房屋管理署嗰度登記，暫時未有實體單位睇住，不過到時會有啲實景嘅圖片同各座嘅座向圖供準住户睇，同埋做一個登記手續，到時你可以選擇 要 定 唔要，假若你選擇要，但遲下攞鎖匙去到睇實體單位嘅時候又唔鍾意，到時你亦都可以選擇唔要，都係計算一次機會。
邨內有一所小學（未計算第三期），有超過30間商舖，當中有濕貨有乾貨舖，但傳統街市最近就要去到富亨邨，第一期斑蝶樓旁邊有社區服務大樓，第二期車位共有232個有蓋私家車位、19個露天輕型貨車位、51個露天電單車位及13個露天上落貨區車位，入伙初期只能提供時租泊車，月租泊車尚未可供使用，車位數量嚴重不足，已經多次在會上要求部門彌補呢個缺陷，出入富蝶邨嘅道路依然都係得一條！頌雅路早前只擴濶左少許路面，在車位嚴重不足及違泊嚴重嘅惡性循環底下，相信之後路面會好繁忙！
-
大埔富蝶邨：
斑蝶樓（第1座） 珍蝶樓（第2座） 粉蝶樓（第3座） 鳳蝶樓（第4座） 蛺蝶樓（第5座） 喜蝶樓（第6座） 蜆蝶樓（第7座） 紫蝶樓（第8座） 黃蝶樓（第9座）
-
大埔富蝶邨二期
喜蝶樓（第6座）平面圖
-
據悉，房屋署將會於今天(22/8)起，開始派大埔富蝶邨二期的預配信。
消息來源：房委會委員 招國偉
招國偉先生是公屋聯會總幹事，持有嶺南大學中文（榮譽）文學士學位。他現為香港房屋委員會及轄下商業樓宇小組委員會的委員。
您可能會有興趣：
Copyright © 2022 u8hk.com. All Rights Reserved.