今日見完公屋主任,原來會咁嚇死我!
-
約咗10:04,跟住到10:40先打電話叫我地入去,電視冇顯示我地號碼,61號房,短頭髮四眼婦女,態度極度燥底,寫漏個簽名都大聲吆喝,問一下其他都好燥,凸大眼睛叫,唔敢問其他野,希望各位師兄師姐唔好遇到佢,搞到我地全程好緊張。
我聽到隔離啲主任都好細聲解釋,好耐心講解,唉,好多問題想問都唔敢開口
-
有無反省下自己都有問題,唔細心睇清楚🤨
-
之前見完2號房位主任人幾好,
我分類交比佢,佢就低頭對資料,問資料,大約15分鐘到
然後有D文件唔夠齊,過兩日準備好,中午交埋比佢
之後就係叫番去等等等....... -
大家見邊位主任? 好唔好人?
-
唔會指定見邊位, 去到輪到邊位主任得閒就見果位, 好唔好人真係撞彩, 有啲好好, 有啲好衰。
-
@KittyKitty 錯啦. 如審查見主任, 係會有房署信寄來, 會列明見邊一位主任, 會打埋佢個名係張紙到的.
到時去到房署, 聽完簡介會, 到你時主任會直接打你手提, 會話你知入幾多號房見面. -
係呀,有打名呀,我見果個姓朱(女士)
-
女士應該都OK.
我上次係見後生仔, 好NICE.到時去到, 會有一張紙去櫃台登記, 會叫你係張紙到寫低電話號碼.
再去聽一個簡介會, 會有職員講解一下你地填既資料有否錯漏, 同埋會再比一張戶口資料表格比你填, 填唔切唔緊要, 入到房見主任時, 佢會幫你睇同你填.
僱主入息...要預先比公司老闆填, 要有公司印及簽名.
其他野, 就盡量填, 如果唔識都可以帶埋去, 到時主任教你填.
佢入面有好多野, 填左都唔好簽名, 因為係要當住主任前簽先會生效, 若果你早簽了, 都會當無效, 要再填過的. -
以前主任就好好人, 依家只係聽朋友講佢哋近年審查遇到嘅主任都差。
-
我淨係記得我個個主任姓李!!
佢好好人, 又有耐性~我個時審查左成差唔多成3個鐘~
個個都走晒食lunch, 佢都仲好有耐性慢慢check~~!! -
@Kaman1024 嘩,三個鐘,你好文件?
-
@AmyLam 有2,3份保險, 又有幾個戶口咁囉,
不過我個個主任好小心,每樣文件CHECK幾次,
每個數都按幾次計數機, 所以未咁耐囉!!