因為裝修問題而同家人吵架

[訪客]

其實我覺得係好小事，我屋企都係等過咗年之後再慢慢搵師傅，第一多啲時間比自己選擇，第二睇吓裝修好嘅鄰居，俾自己多少少參考。家和萬事興，多點理解

[訪客]

我明你，完全系你既心態，驚遲入伙比房署收返間屋，見好多gp 友買晒傢俬電器，水電地下都舖埋，我屋企除左拆左野乜都未整😭，有比較就好心急覺得自己好無用，我都系呀媽既角色自己搞掂埋無人幫手..我系年輕媽咪第一次有自己屋企，以前我系乜都唔洗做，咩寛頻線乜乜77我宜家先學緊，搞裝修真系唔易，會唔會你媽咪都無頭緒？可能佢都好煩？你可以分擔下佢？佢唔搵就你搵報價比較左先？你甘大個，你媽咪呢個年紀可能無你甘精呢

[訪客]

年輕人；而家啲裝修公司套餐報價都唔野少架。
你可以協調加協助，簡單嗰啲自己做。舖膠地板，
油漆，窗簾等。睇怕仲有煮食及熱水爐搵煤氣公司擾
就可以啦，仲可以分期付款架。自力更生，豐衣足食。
我特登留返個油漆比個仔與我共享。佢都係要返 city .
窗簾？我要佢同我一齊做一個，之後，全部佢裝。
唔使佢做地板，算佢執到了。
想要更好的？問學資度水，畢業之後自己還。
有擔當者有成就。此乃獅子山下的好青年。
祝你事事順利。

[訪客]

此言差矣，你已經成年喇，屋企人都好，邊個出錢邊個就系有話事權，有時真系你嬲都無用。我唔知你同你阿媽點溝通啦，不過按照我自己經驗，凡事有拗giu肯定係因為大家注重嘅嘢唔同，但系對方又唔知道。可以嘗試以心平氣和一啲嘅心態去問下你阿媽，佢點解唔認同你個plan，佢年紀大過你，經歷多過你，話唔定有你無考慮到嘅地方。又或者你自己做啲功課蒐集一下裝修資料，問佢意見。大個咗啦，有啲咩自己想要嘅，唔可以淨系提出需求唔參與解決，出唔到錢嘅就出力，如果真系又出唔到錢又無時間嘅，唯有自己接受一下現狀，係呢個各種刁難自己嘅環境入面平衡自己嘅生活。我唔知你屋企具體咩情況啦，但系我估你未工作，應該都系阿媽做嘢嘎啦，你再回憶下啊媽係唔係daytime做嘢，收工翻屋企仲煮飯做家務照顧你生活起居？雖然讀書都好攰好充實，不過你阿媽都將好多時間投放係家庭入面，佢可能都無咩自己私人時間，所以真係要感激阿媽嘅付出，有咩唔啱就傾到啱，唔好咁多拗giu，傷和氣。個人感悟，唔系想批判你，希望對你有幫助。講到尾，裝修係你地兩個嘅事，你對你阿媽幾失望都好，你地溝通唔到，外人比幾多意見都解決唔到。

[訪客]

如果你們計劃找裝修公司。你媽做法正確，如果你們計劃找室內設公司，你正確。找裝修公司報價至裝修完滿入住，中間要跨過新年。同裝修公司治談要一氣呵成，質量好些，你沒聽過消息曾經有住戶裝修爛尾，起碼搞多半年，你想遲多一個月入住還是遲多半年入住。或者你可以過年前黑紙白字列表方式寫低自己的想法，例如牆身用咩色，近門口天花燈用射燈等等。如果找裝修公司，前期階段(報價至開始裝修) 可以好快。

[訪客]

訪客 在 因為裝修問題而同家人吵架 中說：

間屋系你定你啊媽？如果都有份，感就要睇邊個出錢，如果你無出錢咪由得你啊媽搞囉！費事煩，如果你出錢就自己叫人上去搞
我宜家都嘈緊，如果我比錢就我自己搞，除非唔洗我比錢，感我唔出聲，自己搞飽佢，我無眼睇

師姊；點解特然之間咁灰架？
我隻母老虎佢精過你。讃到我天上有地位無咁。
結果係；我出錢，佢話事。
儍有儍福，精有精笨架。

[訪客]

訪客 在 因為裝修問題而同家人吵架 中說：

多謝你，其實我並唔係要求我阿媽過年前開始裝修，淨係想佢起碼穩一啲報價，睇睇點樣整，
仲要次次問佢都好似Hea緊我，次次都話過年先算啦。
依家主要是想快小小入住，依家網課仲好小小，如果上翻實體，去大學實在太遠了，來來回回至少要3個小時，有時趕完功課後還要回來，真的很累很燥底，
但住宿舍有同roommate不合，
仲有特別係見到已經有人開工，甚至成間屋已經差唔多裝修完，自己個度都係咩都冇，睇到真係好燥底，搞到因為咁而吵架。

佢係年輕人，仲讀緊大學。我都明白佢嘅。
當年，我哋入住柴灣興華邨嗰陣時，我亦在理工。
我係全部自己做嘅，間房都係自己嚟，油漆水電不
在話下；而家，係細佬住。佢係天下第一牛！啲裝修
無變過。我都係數日起貨。而家，到我入伙，我一定
留返啲嘢比個仔做，佢剛好也在大學。比佢好好感受
吓。大個仔囉，仲唔擔當？佢好乖嘅，冇意見接受。

[訪客]

就學期間所謂嘅煩惱，
同現實世界的困擾，
絕對係天與地的分別。
請問你有冇去瞭解過，
伯母在經濟方面有冇困難？
如果佢真係冇＄＄＄
咁…你有沒有打算分憂？
其他網友都指出，
年尾搵人裝修就係咁，
加上疫情只會付出更多時間和＄＄
其實，人生大部分時間都係等…等…繼續等。
**約人飲茶灌水，
**有分夾＄先至可以抝，
**食乜/食邊間/幾點食？
**如果唔打算夾＄，
**甚至根本冇＄＄＄
**最終唔係用輩分、身分去衡量，
**永遠都係磅水嗰位才有話事權。
***我反而好奇，既然對伯母冇晒信心，請問可以點？

[訪客]

很支持師兄的做法，男仔就應該多做事，用行動去幫助屋企人，要培養男孩子要有擔當同責任心

[訪客]

大個仔了，自己可以去安排的就自己去安排拉，父母年紀大了就不應該讓佢操勞

[訪客]

訪客 在 因為裝修問題而同家人吵架 中說：

很支持師兄的做法，男仔就應該多做事，用行動去幫助屋企人，要培養男孩子要有擔當同責任心

多謝。真係嘅，體驗生活可豐滿人生。
隨著這樣進展，很快，我們這批前浪便要進入
揮手區了。過去的日子，在此也學習了很多，
亦感受良多，更舒發了不少。
願大家安居樂業，明天會更好。

[訪客]

乖～孩子，我也是位媽媽，睇到你篇嘢有點回心微笑，你是多麼一個傻孩子。☺️

明白你的急燥，我見你是新2，咁應該你嚟緊都會與媽媽一起住在皇后山吧！

你諗下你的急燥來自什麼？ 如果今派派唔到心水（可能係問題單位，你哋拒絕了，或者現在還未上樓吧），但未派樓前，你也是和現在生活的一樣，也是忙碌吧。因為見WhatsApp 或者谷友開始裝修，有比較所以心急起來？事還事、人還人，總不能因為一件事而去否定一個人，變咗你媽媽是世紀大惡人、世紀大懶人、害自己個仔返學咁辛苦、又搞到自己個仔同宿友不和、做嘢又唔夠快，搞到其他人快過你（皇后山應該無入伙鬥快完成裝修比賽吧🤣）、又明知個仔返學咁忙咁辛苦，都唔搵到資料報價比個仔睇⋯我諗呢個阿媽喺個仔心目中仲有做咗數唔晒嘅壞事，嗯！一定係阿媽唔岩、錯哂！

知道你生活或者面對好多不如意不順心覺得有點壓力，但唔好將所有事情炒埋一碟放埋一堆講，咁係解決唔到問題ga! 你下下都唔係心平氣和咁與媽媽一齊去溝通去了解大家意願去諗辦法解決問題，好容易就開火，咁點溝通呢？

或者媽媽都有佢的難言之隱，可能係資金、可能佢唔識、可能佢平日生活都有需要做嘅嘢、可能佢擔心新環境⋯⋯好多可能性不知道，但好多時也只有你媽媽一個人面對問題，個個都拋個波比佢，佢都消化唔到咁多嘢處理唔哂。

仲有，阿媽邊有你咁醒呀！明顯好多嘢你實做得好過佢、叻過佢！轉數又快過佢、諗計又多過佢！ 如果你媽無啦啦走咗去傻豬豬咁搵報價、又比人氹下氹下唔知路咁落咗訂（啲sales 好落力ha,咪話唔洗小心），到時你更加激氣爆炸！

裝修唔同買棵菜，仲係清水樓（唔似租私人樓有哂裝修搬入去住得），每個細節都要諗清楚、油漆、地磚、傢俬電器、間房⋯講都有排講⋯裝修又多陷阱、報價又多魔鬼細節、又要睇餸食飯格下價、又要自己跟得足（唔係尺寸唔岩又係喊出嚟）⋯ 你阿媽又無你咁醒識咁多嘢⋯⋯點算

既然你咁想有自己空間自己天地，自己更加要上心啲搵多啲資料參加，又解釋下比無你咁叻嘅媽媽聽，你講一次佢未必明ga,唔明講到佢明（不過唔好發住火講忟住講呀、佢吸收唔到ga,心平氣和就吸收到你講咩ga)

下星期都過年啦、都唔急在一時，比個限期媽媽，有共識的，過咗年啦，我哋要開始搵裝修啦（當然資料性嘅嘢、今日都可以開始搵定啦、print定出嚟寫定出嚟啵！唔好話有諗過有諗好，但啲諗法資料全部喺你個腦入面啵，人類未進化到可以隨時讀取對方大腦資料ga 🧠!

樓主！加油呀！可以排到上樓、安居樂業，唔洗捱貴租係開心事嚟的！冇必要搞到同屋企關係唔好，唔開心！

[訪客]

我好慶幸
裝修屋企人完全冇理
我想點搞就點搞
仲贊助我家私添

[訪客]

訪客 在 因為裝修問題而同家人吵架 中說：

年輕人；而家啲裝修公司套餐報價都唔野少架。
你可以協調加協助，簡單嗰啲自己做。舖膠地板，
油漆，窗簾等。睇怕仲有煮食及熱水爐搵煤氣公司擾
就可以啦，仲可以分期付款架。自力更生，豐衣足食。
我特登留返個油漆比個仔與我共享。佢都係要返 city .
窗簾？我要佢同我一齊做一個，之後，全部佢裝。
唔使佢做地板，算佢執到了。
想要更好的？問學資度水，畢業之後自己還。
有擔當者有成就。此乃獅子山下的好青年。
祝你事事順利。

我個女兒也是差不多大，剛剛談裝修時，這樣不滿。那樣又不喜歡，我老公就話得！甘就比你全權負責。我女又真的肯，基本上8成都是她搞她設計，出錢又出力
雖然遇到好多問題，但我都覺得她好厲害 她話，自己住的地方，要上心點才行

[訪客]

對的。亦可給孩子機會發揮。讚賞與鼓勵才是父母
的真實武器，管用。

[訪客]

多謝曬你，我一直都與她溝通，就是想她早點有規劃，避免到時好似無頭烏蠅gum，但她的性格同我完全唔同，成日都係到最後先做，搞到我自己好心急。
道理我也明白，但是每當心情不好時，就會與她吵架，可能也是我情緒控制不好吧。

[訪客]

我相信你都是個乖仔、醒目仔嚟的☺️

街坊～加油呀！

有咩煩惱唔明隨時上嚟谷，好多谷友街坊支持你的！❤️

[訪客]

建議C兄主動問伯母有乜要幫手？如果佢因為面子問題，唔敢話冇＄！其實有啲家長會自卑，唔想俾仔女知，你同佢講唔好勉強去裝修，況且你哋人口簡單有＄就做，冇？亦唔好同人比較。上樓之後並非從此冇煩惱，要睇遇到乜嘢鄰居？到時可能又要面對另一個問題，人生就是這樣，炒大鑊解決唔到事情，同伯母有商有量吧。

[AmyLam]

或者我都可以同樓主分享一吓自己經驗，雖然我同樓主有啲唔同嘅地方
我同你一樣都係讀緊大學，但係我係返港島嗰邊，你嚟緊返沙田搬咗之後就應該會近好多。我嚟緊返學每日要花3個鐘頭時間撘車了

至於裝修方面嚟講，我自己屋企人係100%無意見，所以我自己係全權負責傢俬電器所有嘅嘢。雖然而家我嗰棟仲未可以入伙，但係我趁sem break嗰陣已經睇好哂自己要買嘅所有傢俬電器地板油漆呢啲嘢

錢方面自己同樣要負責返，我唔夠錢所以要攞學資啲subsidy去貼。

我覺得樓主其實比我幸福好多，因為你遇到困難仲有你媽媽同你一齊去面對。我無，所有嘢都係我自己一個人面對的。雖然你媽媽或者有做得唔完善嘅地方，但你細心諗吓平日你自己起居飲食嗰啲係咪都係你媽媽照顧你的

關於裝修屋嗰方面，其實你會唔會可以好似其他谷友講，自己行一步去睇咗裝修公司同埋揀料嘅資料先？我自己喺sem break已經一個人睇哂所有資料同有哂所有諗法。你有你媽媽同你2個人一齊幫吓眼，相信樓主你唔會做唔嚟的

最後，大家學業加油