皇后山配套好呀,將來你有小朋友空氣又好,
樓下有學校,只是暫時交通沒禁方便,新屋小朋友住得舒服,
但現在大興交通好,樓下配套都好,只是舊些,針冇两頭利,
如果吾鐘意博之派,但第三次就硬食,
你可以希望大D博到菁田,又或者蝴蝶邨,要睇心態同運氣。
公屋住戶 發佈的貼文
-
RE: 首派皇后山無要，二派大興…發佈在 公屋輪候討論區
-
RE: U0367市1: 終於有第三派了 - 慈正邨正暉樓低層發佈在 市1公屋
https://www.u8hk.com/topic/351/公屋面積查詢器
17.08平方米正暉樓
和諧3A型第二及三款（第二代）連和諧附翼第一型
http://www.hk-place.com/view.php?id=244 -
分享：特快公屋單位 順天邨天琴樓發佈在 擴4公屋
順天邨4-6人單位，呢隻單位四百幾尺我見多數派俾5人，特快有得揀。如果唔係揀特快，我四人應該派唔到咁大，慶幸！
2014/09藍卡 G1359xxxx 擴3 2018/09 轉擴4
特快P025xxx P021xxx P011xxx P006xxx P004xxx
2021 P0017xx 揀樓日期5/10/2021 成功揀樓
11/11審查改市區S1 17/11轉S2 18/11收合格信 21/11轉S4
25/11收信 01/12簽約取匙 畢業了 -
新4爆發了但新3好靜發佈在 新3公屋
新4 S4已經上到1342，記得月頭還在132X，現在跳了20000多個號碼，而從昨天到今天，更是排山倒海咁樣狂轉S4。新3至今前後兩輪轉S4也沒那麼誇張。
新3新4單位數量幾乎一樣，新4還要跟新5一起輪候單位，我真的不明白，何以這次新3的號碼會跳得那麼少？特別是在11月這一輪，新3只微升了2000個號碼左右。若頭三座就此結束配房，真的讓想派皇后山，號碼在1357之後的我非常糾結。
23/4/2015 藍卡 G1370XXXX
21/6/2021擴3轉新3 // 5/7/2021轉S1 // 19/8/2021有期見主任 30/8/2021見主任 // 1/9/2021補交文件 // 8/10/2021轉S2
目標是皇后 -
新屋裝修預算14萬左右發佈在 公屋討論區
昨天可能説得不清楚，朋友是裝修師傅，他差不多做完白田邨，我上去睇過都好滿意，同佢傾過3~4人單位全屋包地磚廚廁C字櫃加電制位十個，間兩間房衣櫃床燈等14萬左右（電器自費）裝修時間約45~60天（新年期間不算）我叫佢白田完工後寫清楚合同畀我（雖然朋友 但都要清清楚楚）
以上資料希望畀到大家一個預算
-
準備上樓，幾時開始交租？發佈在 公屋討論區
請問係咪攞左匙就即係簽租約呀😅
仲有想問第一次交租係點？（例如按金、洗唔洗一次交幾個月）唔好意思，新手未熟悉呢個網站，如果問題重複唔好意思！
因為小朋友係天水圍返幼稚園，明年畢業，所以想暑假先搬，將對小朋友影響減低（粉嶺去天水圍返學實在唔方便，但就畢業又唔想專校😅）
如果一收匙就交租，我要交多好多個月租，唔係好負擔到，謝謝解答🙇🏻♀️ -
排左7年！排「特快公屋」終於上樓 (海景)發佈在 特快公屋
昨日華富邨簽約取匙，終於可以脱離捱貴租生涯，如釋重負！特快睇咗興華二邨、興民邨、華富邨等幾十個單位，爬了幾十層樓梯，行到腳板紅腫(上樓後應該捨得買對好啲嘅鞋) 最終選擇成為華富之友！
感謝網友們提供寶貴資訊，祝願未上樓網友早日派心水安居！感恩畢業！ -
RE: 好煩惱！公屋阿媽40萬積蓄「想綠表買居屋」發佈在 居屋討論區
如居屋業主只係阿媽, 千祈唔好鼓勵佢或金錢上支持佢.遺囑係可以改的
佢可以在公屋住過世, 但如佢係居屋唯一業主, 你同家姐將來可能因幫手供款數目不同或阿媽偏心, 只留俾一個女.
或阿媽仙遊時, 你和家姐可能各有家庭, 一個女+C6想一家搬入去, 另一個女+C6想賣左平分, 可能兩姊妹及两位丈夫吵大架,因財失義
我個case係99買私樓租俾人住,叫C6幫手供, 攤長很耐還俾佢.99仙遊後, 62再娶.62決定不還錢俾C6,叫佢去下面找99還. 冇借據冇合約
結果係後生後母分最大份, C6一元都冇得收番.其他俾C6的幾個哥哥平分.佢地話C6自己（同我）有私樓住, 遺產應幫下住公民的哥哥們
-
打電話訂煙！海關公屋拘65人賣私煙發佈在 公屋討論區
香港海關過去3星期展開代號「迅雷V」的執法行動，打擊在公屋內進行的電話訂購私煙活動，在全港多區共檢獲約140萬支懷疑私煙，估計市值約380萬元，應課稅值約260萬元，並拘捕65人。
行動中，海關人員分別於各區共偵破61宗相關案件，包括柴灣、西環、觀塘、黃大仙、九龍城、大角咀、深水埗、將軍澳、葵涌、荃灣、沙田、大埔、上水、元朗、天水圍、屯門和東涌，並檢獲上述懷疑私煙。其中，海關人員搗破4個懷疑私煙貯存倉庫，並扣查5輛懷疑用作分銷私煙的車輛。
海關共拘捕51男14女，年齡介乎15至86歲，當中包括私煙賣家和買家。所有案件已作出適當跟進。海關過去3周檢獲約140萬支懷疑私煙，估計市值約380萬元，應課稅值約260萬元。
-
觀塘公屋57歲男藏2.1萬元毒品被捕發佈在 公屋討論區
觀塘警區特別職務隊人員根據線報，今日上午約11時，突擊搜查翠屏北邨翠桃樓一單位。行動中，警員在單位內檢獲約15.6克懷疑海洛英及約1.4克懷疑冰毒，市值約2.1萬元。警方其後拘捕單位內一名57歲姓何本地男子，他涉嫌販毒，正被扣留調查。
-
公屋富戶：如果買私樓好浪費自己綠表身份發佈在 公屋討論區
居屋2021料年底推出，近現樓的東涌裕雅苑有機會推售。有網民在討論區上詢問，二人是公屋富戶，要交兩倍租金，預計5年後會超過入息上限。在家中沒有長者的情況下，用綠表資格抽新居屋的機會大不大？
假設想置業，應否繼續等新居屋及綠置居，或是轉投私樓市場？他指：「而家交緊兩倍租，如果有一手居屋梗係好，但年年抽唔知抽唔抽得中，再抽多幾年都唔得既話，一黎年紀大左按揭成數可能冇咁好，二黎想買樓又更難」。樓主亦分享指，二人最想買一手私樓，但擔心由公屋單位升級去私樓有風險，又指首期不多，買私樓就一鋪清袋，直言好無安全感，再者入購私樓有一種「白白浪費手上嘅綠表」。
講到買樓要求，最期望買到九龍區物業，如新界的話則傾向考慮沙田區物業，最理想是九成按揭，目標單位樓價最多是600萬元。
網民認為，既然有能力在私人市場置業，理應買私人樓，新居屋留給有需要的人。有網民建議用綠表資格買未補價二手居屋，沙田愉翠苑入場費低於600萬元，嘉峰臺仍可承造高成數按揭。
-
做傳銷搵快錢？公屋港男為月入10萬借8萬財仔發佈在 公屋討論區
為了給家人及伴侶更好生活而發奮賺錢當然值得欣賞，但也要用對的方法。有港女早前於討論區發文，指公屋出身的男友對自己背景感自卑，決心賺錢以讓她及家人獲得更好生活。然而男友為了賺快錢，竟加入傳銷公司，更向財務公司借了8萬元，深信自己能建立團隊然後賺大錢。樓主認定那是層壓式騙案，但她無論如何勸告男友也不理會，「佢認為佢就係差呢個機會發達」，最終2人無奈分手，樓主亦只好發文抒發感受，帖文引來網民討論。
該名港女於Dcard討論區以「明知係個氹都要照踩」為題發文，指男友對自己公屋出身的背景感自卑，不時與人比較，為了讓她及家人過更好的生活，一直努力工作希望賺更多錢，「因為佢讀書唔叻，佢返嘅工好難向上流」。
早前男友由朋友介紹加入了傳銷公司，被告知「入到去可以慢慢升上去，4個月左右就會月入10萬」，不過要先付入場費8萬元。男友為了賺快錢，竟到財務公司借錢以建立團隊，「佢話一定有錢賺，但而家佢要招攬一條team，有咗條team就可以坐喺度有錢收，佢認為佢就係差呢個機會發達」。
港女聞言直指「傻嘅一聽就知係騙案」，認為男友已墮入層壓式銷售陷阱，「我聽完真係呆咗，點解咁呃人嘅嘢真係會有人信，仲要嗰位係我身邊重要嘅人」。她坦言難以接受男友被騙，指對方屢勸不聽，反要求她支持，「佢話一定會做到嘢畀我睇」。
最終2人因意見不合而分手，港女只能發文訴說心聲及祝福對方，「我理解你係因為愛我同你屋企人先會做呢啲嘢，我亦明白因為你而家開始咗冇得收，所以你想點都做啲出嚟唔畀我睇死」。她表明現時與對方保持朋友關係，並稱找了大量證據，希望對方明白自己墮入騙局，「希望佢真係可以出返嚟，會唔會一齊返就睇佢咩料」。
帖文引來網民討論，有人認為單憑男友相信傳銷能賺錢，已證明他是難以倚靠的人，建議樓主狠心忘記對方，「佢俾人呃最主要唔係因為蠢，而係因為貪。貪念蒙蔽咗自己，貪念令到佢覺得自己係萬中無一聰明搵到錢嘅人」、「大家價值觀唔同，分得好㗎其實，無謂睇住佢錯但自己咩都做唔到，真係恨鐵不成鋼，千祈唔好心軟呀」。
