一人公屋裝修最後埋單30萬!苦主嬲爆KOL黃師傅黑店超無良
-
近日有裝修驗樓師YouTuber師昌師在其頻道上發佈了一則有關「一人公屋單位裝修$30萬」的影片。受到女事主委託,昌師傅檢驗一正在裝修,約100多呎的一人公屋單位,豈料過程中發現裝修瑕疵處處,直言「單位細細卻問題多多」。黃師傅苦主
1人公屋裝修30萬,間裝修公司有無良心!?驗樓昌日記該名女事主在成功輪候到公屋單位後,便委託了香港薄有名氣的裝修公司改造單位,一心想著打造屬於自己的安樂窩。她表示起初裝修預算為$20萬,後來經過多番傾談和修改設計圖後,最終以近$31萬的總數埋單,當中包括裝修公司因女事主不停要求更改設計,而加收的費用。然而,針對額外加收費用,女事主卻認為自己的要求屬合理範圍內,根本無理由要加錢
網友點睇?
- 好精彩,這片可拯救萬千潛在苦主
- 有口話人冇口話自己 昌哥說出苦主心聱
- 多謝昌師傅仗義發言,呢D有良心既師父,咁樣劏客法,好冇陰公姐!
- 支持昌哥夠膽出聲 挑戰方仗
- 廁所用咁多不鏽鋼包冚哂,不鏽鋼個價一定又掠一頸血,兼且好似公廁咁好骨子,係人都知香港公廁造價,幾乎係全世界最昂貴,黃師傅收屋主三十萬,真係值回票價啦
- 假好人,真黑心,皇師傅原形畢露,(多謝昌哥伸張正義),為民除害。
- 一人公屋都30萬,真係好癲
- 旺師父出品真是好骨骨子子
- 面對昌師傅, 業主心理質素好強大
- 好彩有缘睇到呢條片,本身真係諗住揾佢裝修,諗住見佢老老實實唔爛尾就算,而家睇完可以完全放棄,即時訂閲當報答
- 多謝戶主慘痛嘅分享 , 令大眾獲益良多 , 免入陷井 . 真心感謝
- 我448呎居屋原本都想揾黃尸苦。後來好彩找到間設計公司。。40幾萬靚好多。。全爆同櫃靚好多。
精選網友回應:
-
呢間屋,值20萬。因為人工貴。另外,作為一間公司經常造公屋裝修,基本上99%會出現問題都會知道,係呢間完成屋黎講,真心唔可以接受整到咁。不論客人點講要點做,佢都係外行唔識,公司係有佢責任去講清楚所有問題出黎,最後客人了解黎仍然要咁做先可以照做,佢係無哂責任咁去裝修,收錢,走人。
-
一間屋不論面積大小,要裝修到令人住得舒服,一定要力求簡潔。
影片所見,一人單位活動空間已經有限,仲整出好多欠缺精細規劃嘅儲物櫃,加重成本兼浪費材料。個廚房若保留房屋署原裝洗菜盆、灶台及牆磚,只在單邊牆身做普通吊櫃並預留適當抽油煙機空間,而廁所至多都係換個畧為短身少少嘅馬桶,並在洗面盆上方安裝鏡櫃,大細膠喉省去不銹鋼包封,睡床、衣櫃等買現成好過 ( 挑選係好花心機同時間嘅苦惱過程,但長遠計都要迎難而上 ),全屋簡簡單,即使欠缺時尚美觀,但換來心安理得,慳錢又住得惬意。
三十萬搞到間屋咁糟糕,仲唔知要額多花幾多錢修修補補都未必理想,真係欲哭無淚。
相關:
-
其他苦主:
我屋企人都搵左黃師傅裝修,一開頭報價話30萬全屋裝做到,叫我屋企人快啲決定上走報價簽約,然後上到去唔個點解個報價高左變左44萬😅,屋企budget預40內,就決定唔整窗,最後報價係39萬,會送少少野俾我地咁。依家成個裝修未完,但暫時計我哋去到最尾應該係要俾49-50萬,但佢就喺YouTube出曬片咁話30萬就裝到,大家可以自己去黃師傅channel睇,佢包裝到成件事好好,好多人讚佢好,但事實係好多伏位,我屋企到而家周圍都係窿未收尾,未知日期幾時整好,真係唔知幾多水魚會一齊中伏。
一開頭收到設計圖、改設計圖、簡色𠴱啲都正常嘅,但係到開工嘅時候就開始有啲奇怪,佢地訂野唔知點解訂好多,明明度好曬位,用完啲材料可以剩低一半,但啲磚同材料係要我地另外俾錢,有用剩嘅材料,我哋都想收尾如果有位用到就用埋佢,但尼間野好奇怪,會無啦啦加啲不銹鋼板,然後唔報價,最後一張後加工程單撻埋尼俾你就話要收錢,問佢地想佢地解釋吓啲價錢收費,成4-5日都冇人覆😅😅
我地仲要親身上佢工作室已經傾過,希望唔好再出現無報價,最後一張報價單向我地收費嘅情況,一再強調唔希望再發生類似情況,但都係keep住發生。。。
中間keep發現好多問題,特別係溝通好有問題,例子如下:
窗台位我地原先並不打算亦不需要更換,但窗台石竟然在詢問我哋需唔需要更換前,已經被佢地師傅鑿爛,鑿爛咗先問我地係咪要換😅😅
交樓本身話120個工作天交樓(9月尾),但去到100個工作天左右(9月中)我地自己計佢係冇可能準時交到樓,因為佢地有傢俬竟然未生產,計埋運落嚟同埋裝至少都要成個月,覺得奇怪問下裝修進度,佢係多次追問之下都唔會答實你幾時交到,係咁話我地間屋難做,一直拖,我地問多幾次,中間試過俾佢鬧🥵🥵,淨係答時間待定,真係第一次做客俾人鬧同埋問問題係唔答嘅,心諗呢間裝修咩事???我哋純粹係因為裝修喺出邊租屋住,想知要續幾耐租姐,佢哋竟然答唔肯定😓咁我地點樣同業主講續租幾耐啊🤯🤯
後尾啲傢俬開始陸陸續續到,差唔多整晒嘅時候,我哋上去睇下咩情況,啲裝修有冇問題咁,發覺佢有2張碌架床樓梯係直上好逼無位踏,基本上徒手上唔到去,同佢地溝通個問題,佢地態度勁唔好,一開始唔想幫我地處理,多次反映之後先至肯幫我哋加啲踩板。
我唔清楚裝修程序點,尼間裝修係油漆工程完就當起貨,收尾工程後約,我地11月頭幾日完油漆同埋執好野就開始搬入去,本身間公司約左12月1上嚟執手尾,我哋特登預留時間俾佢,當日唔安排野想搞埋啲手尾成件事完,佢哋竟然前一日放飛機,話差一件補件未到,手尾師傅未安排到時間就唔上尼,時間再約。目前12月17號,過左17日都係未約時間再上尼執手尾嘅。。。
但係其實收尾工程未完成到其實好影響我哋日常生活😅 例如洗衣機收口未整,我哋一直都用唔到洗衣機,屋企人一直都手洗緊衫😅🙏🏻,有時唔得閒就拎落去樓下啲自助洗衣舖,等成個鐘先拎到啲衫,每日浪費緊成個鐘洗衫。
另外,佢嘅爐頭裝得太近牆,近到開火會燒到牆壁,我地send片俾佢地睇,影片可見我哋放咗瓷磚隔住牆壁,但瓷磚都燒黑是,有好大安全隱患😅😅。點諗到佢裝爐頭會咁聰明,裝得咁貼牆,直接火燒牆🥵🥵
同埋,佢嘅廚房門鉸位起貨幾日,自己突然斷左,開門都有好大安全隱患,有機會隨時跌落嚟砸傷我哋😅😅。
勁多安全隱患都可以遲遲唔安排執手尾,真係唔明白一日時間係咪真係咁難安排要安排個幾月😓😓
我都未計佢啲收費好奇怪,黃師傅好多口頭禪㗎嘛,話最緊要開心,好多野佢心情好話做埋俾我地,送俾我地,然後冇同佢啲同事講,做完之後無啦啦話要收錢,我地問當時黃師傅話送嘅,點解無啦啦要收費,佢就屈我哋貪小便宜,成日逼佢送嘢俾我地😓😓但明明係佢自己興起心情好話送,然後冇證據嗰啲就唔認,要我地俾錢,真係好奇怪。
Sorry for 1999 仲有好多kick位,但太長真係一時間講唔晒。。。
相關:
-
香 香港公屋 引用 了在 的話題
-
香 香港公屋 引用 了在 的話題
-
香 香港公屋 引用 了在 的話題
-
香 香港公屋 引用 了在 的話題
-
香 香港公屋 引用 了在 的話題