公屋噪音滋擾慈正邨命案家人澄清：收投訴即時換布拖鞋枱櫈腳包套

[香港公屋]

慈正邨兇殺案受害婆婆嘅孫仔女，希望澄清事實，還嫲嫲應有嘅公允評價。

傳媒同警方都將事件描述為嫲嫲同樓下兇手「互相投訴噪音」，又指兇手無精神病紀錄。但事實係嫲嫲已經居住喺慈正邨超過廿年，向來都同鄰里關係和睦，直至兇手近年搬入單位前，都從未被投訴過有噪音問題。嫲嫲作為一個85歲嘅婆婆，平日嘅生活就只有出入買餸、飲茶食飯、到樓下散步，試問可以製造到咩噪音？但即使係咁，當收到兇手投訴之後，我哋都即時為嫲嫲換哂靜音布拖鞋，連枱櫈嘅腳都包哂保護套減低拉櫈聲，唔希望影響到任何鄰居。我哋家人都曾同兇手溝通，向兇手解釋噪音看似由樓上傳出，但實際可能由四周單位傳出。

但樓下兇手依然一口咬定係嫲嫲製造噪音，甚至滋擾佢。兇手開始喺屋邨附近跟蹤嫲嫲、上門拍門騷擾，又不定時用物件篤天花反擊所謂嫲嫲製造既「噪音」（兇手曾親口承認此舉），甚至死亡恐嚇話要同嫲嫲「攬住一齊死」。嫲嫲生前早已不堪其擾，每日擔驚受怕，承受住莫大壓力，更試過搬離單位到家人屋企暫住。我哋一班家人都懷疑兇手有精神問題，幻聽妄想，希望幫嫲嫲申請調遷，早已多番向社署同房署聯絡嘗試處理，但房署職員暗示需要醫生證明嫲嫲因此事導致有心理疾病如焦慮症等病況先有機會可以成功調遷，以社署亦表示由於嫲嫲行動同自理能力良好，申請入住護老院亦需等待數年。勢估唔到兇手居然起咗殺機，要咁兇殘地殺害一個85歲婆婆。

嫲嫲生前係個慈祥善良嘅老人家，對一眾仔女、孫仔孫女都關懷備至，永遠都提供無限量嘅愛比我哋、支持我哋，我哋真係好幸運有佢呢粒寶喺家庭之中。但咁善良温和嘅老人家，居然因為從未有過嘅「噪音問題」，遭到鄰居下毒手，要被斧頭斬九刀慘死喺血泊之中，希望佢在天之靈可以得到安息。

相關報道：
慈正邨命案 兩死者獨居因噪音積怨　鄰居：半夜被篤篤聲吵醒

慈正邨正旭樓昨日（23日）發生命案，85歲老婦及66歲男子雙雙斃命。警方稱兩人因為噪音問題互相投訴，今年已經有10次記錄。《香港01》記者今早（24日）到現場了解情況，有街坊指曾於半夜被樓上「篤篤聲」吵醒。

姓譚女死者及姓周男死者分別居於單人單位，據稱他們各自有家人，只是並不同住。今日兩個單位門外均插上香燭，但未見家人在場善後。
其中男死者的鄰居劉小姐指，只見過男死者一面，極少交流，不知道對方與樓上的積怨。不過，劉小姐坦言曾在三更半夜被樓上傳來間歇性的「篤篤」聲吵醒，惟不知是什麼東西發出聲響，也不肯定由哪一個單位傳來，丈夫曾向保安投訴。昨晚她回家得悉發生命案，直言「我都嚇親」，今日不敢開門外出。
另一位與男死者同層的住客區小姐指﹐不認識男死者，亦未曾見過死者二人爭執。另有街坊表示，女死者行動不便。

警方今日（24日）就事件召開記者會，黃大仙警區助理指揮官（刑事）劉嘉豪指，兩名死者分別獨居在單人單位，是樓上樓下的鄰居關係；二人並沒有精神病記錄，事件中雙方沒有任何財物損失，案發地點和他們的單位亦沒有打鬥或搜掠過的痕跡。警方調查得知兩名死者都曾向大廈保安投訴對方製造噪音，合共10次，每次保安都有跟進。據知女死者敲地板，男死者則敲天花板發出噪音。