G137排了快7年被房署DQ🥲取消資格
-
當時2人申請你收入5千,你先生萬2,加士埋萬九,會唔會過左入息?
-
如果係咁,都可以試下以當年房署職員疏忽,白白等咗七年而令你哋錯失係入息唔超額嘅情況下再次申請,睇下係咪可以追得返幾年嘅申請時間(當3-4年計都好啦)而唔係宜家嘅直接取消申請。
-
感覺現時出於當年個職員以為我係散工。到見主任時。主任發現我一直做緊同一份工。懷疑我虛報。叫我寫下聲明書。現時就係吾知係咪因為咁被DQ。唉😮💨真係要等上訴見到主任先知發生咩事。有最新消息我會再up上來供大家日後參考
-
我一定會理爭到底。人生有幾多個7年 依家我都係個等字 咩都做吾到。具體原因又不清楚 有後續我會再up上來供大家參考
-
其實樓主講話主任叫佢簽份係關於散工/兼職聲明書,跟著就DC, 好似主任無提過係當年爆入息而DQ 哦。
-
樓主你諗清楚你係唔係有比16週懷孕資料比房署,如果有應該可以上訴,因3人家庭未過額
-
上去揾佢問下兼職同散工有乜分別先,你又報足入息比佢,三人申請點計入息都冇超,當年入息限係21050喎,同埋主任同你講算係初犯?乜野叫做算係,係就係唔係就唔係邊有灰色地帶,等左7年咁耐一定要佢比個交代,祝你成功
-
散工計全年除12?
兼職計前6個月?
係咪果時你填左除12個月?但如果當兼職計,你係超左額?
房署應該唔知你係散工定兼職,正常份入息表係你顧主或你自己填,你份表係比百佳幫你填? -
講嚟講去 其實重點係有無爆額~
無爆嘅話 算係操作上嘅錯誤 我覺得係可以上訴~
爆嘅話 就乜都唔使講~ 衰硬~ -
有固定雇主就唔算散工,散工好似要寫12個月工資,兼職6個月,一般第一次見主任係會比機會你改,話自己誤會左。無端端取消既話就要去上訴啦。
-
我2021年11月尾見主任審查,之前因為收入超額凍結過一次,到無超額再申請恢復啦,點知交齊資料後呢,打返比我話有野要我去解釋,關於2015年某親友的緩助,隔左咁耐我真係唔記得,好啦,去到個主任話我瞞報,話我填聲明書嘅日期我已經有工作,因為我當時一開始入紙係無工作,話我瞞報呢樣野,跟住我解釋左啦,點知上星期網上check 話我申請已被取消,琴日打去1823回覆話我提供假資料,我真係唔知做錯咩事,可能佢唔接受我的解釋,所以直接DQ左,真係唔知仲有無得恢復啊😭,而家等緊個主任睇下有無回復,我估都要過年後啦,而家佢地又WFH
-
-
我都係做pt,我拎鎖匙時房署同我講過固定時間叫兼職,唔固定時間叫散工,或者叫房署可唔可以比番當年交個份表你地睇下,同埋你係大公司做會唔會可以問下hr 有冇啲糧單左右既文件比你做supporting
-
樓主你最好記清楚少少細節:
事關當年我2015年5~6月申請時,我係大住肚申請(1+1),樂富職員親手接懷孕證明,話收到,仲講到明我收入係用2人去計……但7月出藍卡出左1人申請,仲因為我住公屋先扣30分!當時打上1823,佢地話我bb一日未出世一日都唔當人,要計一人入息(都唔過),後來因為佢地2套講法,1823電話條友死口話無錯,我就捉住尼點 1823email過去,最終職員回覆我係電話既同事錯,佢可以幫我轉返家庭隊當8月申請所以2015年個審批職員都最好叫佢查一查
-
肯定你當時回答有問題 主任當時晤會拿錯表比你填嘅 見主任應該有录像之類 自己好好想下回答左什麼🤔
-
我咁講你可能唔開心,但你覺得房署會認自己職員疏忽?而家所謂證據白紙黑字係佢手(申請表,聲明書)。唯有點拆解,求下情(我諗硬碰硬都係徒然)
另外曾經見過有位谷友等藍卡其間返新工,幾年後房署又話佢虚報,唔知最後佢有冇DQ,我就冇追post😅
所以引申你呢個問題,你等藍卡其間或之後都係受同一僱主?咁就唔係散工。
申請表上一大抽嘅聲明條款規則唔係白印上去嘅,可以話係保障房署,但細心閱讀都係保障自己。講到輪候7年光陰,房署點會在乎,更別談誰的責任及補償。心中怨氣可以揾東張西望呻下( 講笑下)
我只覺成件事係大意,唔好彩,不幸。
但而家你都有上訴機會,希望你成功。 -
等左甘多年,更係要上訴啦!不過房署都有曬資料先DQ你,祝好運
-
咁佢無講,不過佢個case 係當年份工係藍卡未成功批時就做,叫補交文件又無報,之後一直做到審查,主任一睇僱員薪金證明就發覺有問題,之前都有幾個類似既case,正常唔會check申請時工作紀錄,我見時問都無問過!會check通常同依家份工有關,所以得閒轉下工,特別係藍卡申請期間轉一轉就最好呀!
依架你都係份工同當初申請時有關比佢睇到呀!應該都係僱員薪金證明書個入職日期令佢再check(猜測)
-
我都咁理解,個時都係睇申請表上既入息,咁耐主任點計得返呀!
佢依家係執著點係當年樓主報百佳份工係散工(佢應該睇哂資料先咁判斷),然後樓主一直做百佳份工到依家,然後填僱員薪金證明書報2015日入職又報係兼職咁,因為主任邊可能咁短時間就睇出樓主當年既情況,佢哋最多得40-60分鐘處理一個case如果樓主有轉過工應該就唔會比check…(猜測)
-
原文
我依家真係好驚。我越諗越亂。
諗緊當初係咪有交漏左d咩文件。搞到依家咁亂
😭但7年前既事,點諗都都好模糊。經大家討論後,我又諗左好多條可能性😭
會吾會係當初超左息啦。會吾會漏交左文件/交錯文件令職員計錯數啦。會吾會當時冇同職員溝通好,令到職員誤以為我係散工啦😭唉。我都吾知點算好