點解會拒絕皇后山？

[訪客]

我都係擴市轉新界..完全唔熟粉嶺果頭..不過我相信住落會慢慢適應的..

[訪客]

因為身邊擴展派樓的。都是不知道哪裡。四次兩次派骨，然後剛好皇後山，樓下學校商場。就想博下。

[訪客]

那你還糾結甚麼？
有時轉變一下，可能會另有得着。別想那麼多了，好好迎接新的生活吧！

[訪客]

我笑了

[訪客]

冇咩好糾結同擔心，只有鍾唔鍾意，接唔接受。接受就乜問題你都會排除萬難解決。
唔接受那怕係新樓你都認為係骨。

[訪客]

沒有沒有糾結不糾結，只要我明天收信派皇后山，我一定會接受。
本身住將軍澳，就算留在擴展，最終也可能會派去Tung Chung。

與其等多2年派去大嶼山，我當然轉過來提早兩年呼吸新鮮空氣。

[訪客]

逢瀛仙館落車天橋行落去火車站，火車站對面係粉嶺明都商場，商場後面街新運路就有 78A (唔係 78 ) 去山麗苑。

[訪客]

除咗係新樓同環境較清靜,都無咩其他優點,將來全部入伙會有六七萬住客,仲有一個屋苑準備起,總數會有近十萬人,商場目前所知得一個,交通相信會好繁忙,同時你預交通費會貴,鐵路無十年都唔使諗

[訪客]

78A條路線唔長但車費超過5蚊，好貴。住皇后山最好有單車，方便去聯和墟及港鐵站

[訪客]

我係個區住咗幾十年，又係派皇后，我可以俾啲資訊你，皇后山出市區同屯門出市區時間係差唔多，但東涌出市區既話就皇后山就一定優勝過東涌，個粉嶺站係轉車站，巴士有車去藍田，荃灣，中環，尖東，青衣，屯門，怕塞車可以坐港鐵，上水又有巴士去元郎，天水圍，屯門

[訪客]

高大威猛的皇后山。我中意，係因為我個事頭婆都非常滿意。去市區或者遊吓郊區，寄情山水也是十分方便。我對事頭婆講；你中意我一定中意嘅，冧死佢。順便送首歌佢聽 ： I will follow you .

[訪客]

你係粉嶺住咗幾十年,講粉嶺當然合理.除非你又住過東涌,否則,我就唔同意你嘅講法啦.我係粉嶺住過,工作過,都有十年.我係東涌工作有十多年,現在住東涌都有4年.粉嶺就唔使討論,因為我而家都經常去粉嶺.但東涌已經改變,已經唔係二十多年前嘅東涌,如果你仍然停留係牛耕田馬拉車嘅東涌,有假期真係要入嚟逼下,塞下啦.東涌嘅交通亦唔係外人諗嘅咁偏遠.夏蟲真係不能語冰架.加多句,我上星期先去過皇后山邨,而沙頭角,流水響我都經常去,真係好遠囉.沙頭角公路塞車好嚴重,唔知幾時先可以改善到.

[訪客]

我都唔係好明白點解會拒絕…大部份拒絕的都住屯元天，想等屯門新樓！只講交通，皇后山去粉嶺站15min,同菁田和田去兆康站只差5min真的分別不大
我只知等咗9年新樓唔要，派間骨中骨比你焗要既話，之後個心理會好唔平衡，人總是覺得下一個機會好d，但見好即收亦是王道…
利申:住緊洪水橋

[訪客]

同意你講法。大部份人原因都係"住開個頭"
你有本事的話就令到自己住返呢頭，仲洗鬼輪候公屋咩！
但當然有三次機會博下嘅~但萬一不是最終自己心水，就要調整下自己心態，鬼叫自己窮咩！

[訪客]

咁又係，沙頭角公路出個回旋處塞硬車，到時小學開埋，啲校巴同家長接放學私家車實塞到爆，唔慣既朋友可以博下轉派好啲吖

[訪客]

不要說交通方不方便什麼，你自己願意由這邊邊去另一邊生活嗎？人脈，工作，你願意重新開始嗎？做開黃牛什麼都沒有是預料的，你能習慣皇後山什麼都沒有嗎？

[KittyKitty]

就係因為乜都無，所以有有佢另外優點。
空氣好，租金平，面積大新樓，遲啲仲可能食正政府北上發展機遇呢

[訪客]

訪客 在 點解會拒絕皇后山？ 中說：

除咗係新樓同環境較清靜,都無咩其他優點,將來全部入伙會有六七萬住客,仲有一個屋苑準備起,總數會有近十萬人,商場目前所知得一個,交通相信會好繁忙,同時你預交通費會貴,鐵路無十年都唔使諗

我同你睇法一樣，當然每個家庭都有唔同因素！
我一人，年過五十五歲，新樓舊樓唔係重點哪！要搬去剛開始嘅地方，配套未成熟，而且舉目無親！等到配套完善相信我都年過六十！所以我無要皇后山。
祝大家好運派到合適嘅單位。