8月份已經見到派到1353

[訪客]

請問你係邊度睇到8月已派緊G1353？會唔會你睇到嘅G1353 係天倫樂？佢比正常隊快半年㗎。

[訪客]

應該正常隊，大概8-9月份我岩岩審查嗰陣,我問過最高編配號碼已經係1353100。被欺騙感情

[訪客]

我日日都有上呢個平台，就未見到正常隊G1353在8月首派，天倫樂就見到有。因為我自己係G1353，所以比較著緊。

[訪客]

應該審查遲咗先通過，例如補交材料遲，所以首派

[訪客]

呢個只是1353之後的市3編配號碼惡夢開始，以後情況更慘。

[訪客]

唔係看到新樓先轉的，是每一年7月左右才可以有機會轉市區的

[訪客]

原來係甘，即係想即刻轉，都唔可以即刻轉到？大概要等幾耐？如果我轉新界又再轉返市區的話，都要等每年7月？當時我擴展轉市區，係收到信可以轉市區啦，然後唔知等幾耐先收信話轉到市區。

[訪客]

你宜家幾時轉新界/擴展都得

[訪客]

有新樓好過要舊樓

[訪客]

唔一定，睇附近有冇好學校

[訪客]

如果1358係擴展新界再轉返市區大概要幾耐度？

[訪客]

其實派白田時真係有 1353 首派中過架，當時我都日日上嚟睇，仲諗海盛我真係有機喎…點知。。。就😅

[訪客]

派極D號碼都郁唔到咁…下年仲有無樓.…好心一早心儀市區就有得轉就即刻轉啦，係都等到有新樓就湧入黎，派極郁唔到…

[訪客]

啲人話係房署機制哦，要順NO.去。 衹要你號碼夠前想轉就轉哦。

[訪客]

之前我上網轉2日就轉到，宜家有現金津貼好明顯政府轉區都好似轉得快咗，未有津貼之前有見過人轉好耐先轉到區

[訪客]

將心比己諗下其實每個人都想要靚樓。以我所知擴展審查2年無派既人有好多，我自己都輪候左接近8年先有首派。號碼編配是公平按時間順序比大家，所以無論前面既人點樣轉市區都無辦法同佢地爭得完。最後祝福大家一齊上到海達邨。

[訪客]

睇準時機搏新樓啫，機制又容許轉區

[訪客]

我睇返真係有G1353派到白田，我仲問佢係咪天倫樂，佢答我正常隊。其實房署派樓嘅準則係乜啊？

[訪客]

無人可以確定，由天命吧

[訪客]

我係1351，7月頭審查，10月3日先收到合格信。12月首派

---

G1351 市3,5/2014藍卡 。2021年7月5日審查。
10月3日收到合格信S2。12月3日一派彩虹碧海樓一樓,拒絕X
12月29日二派海盛樓畢業